श्वद मन भक्ति भाव रेश्यवारि सनतस
श्वद मन भक्ति भाव रश्यवारि सनतस।
कोफूर साॅबस छु जय जय कार ।।
मायि हॅत्य भाव¼ व्यथ रेश्य सतानस।
कोफूर साॅबस छु जय जय कार ।।
फुल्या लॅजमस आॅस शेन तर्फन ।
सप्त रेश्य समवत 5004।।
लॅदरवन शारदा आयि आर्शीवादस ।
कोफूर साॅबस छु जय जय कार ।।
नव रेह ओकदोह बडि बोड उत्सव।
नन्दलाल बूजिथ हरशस गव।।
रखमालि मोहन यलि आव जन्मस।
कोफूर साॅबस छु जय जय कार ।।
जी़ट्य माॅल्य सीवायि रूद्य शारदाये।
सादन त सतंन लोग चले जाव।।
अमिके प्रभाव लोग बब सत्संगस।
कोफूर साॅबस छु जय जय कार ।।
रत्य वेल नवग्रेह लक्षन कुन गव ।
कर्म लीखायि लोग धर्मुक बल।।
करमट रूपा आयि बागिवानस ।
कोफूर साॅबस छु जय जय कार ।।
सत संग गंगवानि श्रान ध्यान कॅरिथय।
मंडली कॅर्य कॅर्य खटि चय द्राख।।
योगीश्वर प्रभु जी आॅय वरदानस।
कोफूर साॅबस छु जय जय कार ।।
तप बल कॅरथन येलि माता प्रसन्न।
वयखुरी मातायि कोरनय वास।।
श्रदा त भक्ति बीटय ह्रदयस।
कोफूर साॅबस छु जय जय कार ।।
श्वद भक्ति भावनायि वंदना कॅरथय ।
आशुतोश रूदुय ह्रदयस थान।।
दीवी त दिवता पोशि वर्शनसय ।
कोफूर साॅबस छु जय जय कार ।।
गूड ज्ञान सार्थक गव तत्व दर्शन ।
त्याग वाराग बन्योख च़न्दन कुल।।
वसलुक मस च्यथ द्राव र्निवानस।
कोफूर साॅबस छु जय जय कार ।।
न त्रोवुथ गर न मोशरूथ हर।
कर्मवान रूदुख ग्रहस्तस मंज़।।
पम्पोश फोल ज़न मंज़ मेम्बि।।
पम्पोश फोल ज़न मंज़ मेम्बि डलस।
कोफूर साॅबस छु जय जय कार ।।
हू हल रोस्तुय छोप दम कॅरिथय।
पादन तल छुमय शूरमुत पान।।
छुख भक्ति वत्सल आशीश सनतस ।
कोफूर साॅबस छु जय जय कार ।।
साभारः काॅशुर समाचार जून 2020 व आनंद स्वामी प्राणनाथ भटट गरीब भाई जी