संसारस मंज किहिन्य छुनु पोशवुन

कीवल दय सुंद नाव रोजवुन

लोकचार दय संुद नाव रोजवुन

बर छि जवानी हुंदय मुचरून्य

बर मुचरिथ गोतु गोत छस करून्य

जवानी हुंदिस सरस मंज अमापोल

जवानी हुंद सर ति छु जलदय होखवुन

बुजर छुस छायि होल जागि आसान

बुजरकिस पडावस मंज छु आदम

थकु थकु पकान अंदरी सोरान

आखरी पडावस अती प्यठु नेरान

म्वछि दोनवय मुचरिथ आसान

ज्यादु कालस हुसुन छुन पोशवुन

खाहमखाह गुमान मनुशस आसान

केंह समयस ठहराव करान

पतोलाकन मिसमार पछान

नोनछनु दोहय नोशी रोजान

हशि हंुदय दोह ति आखर सोरान

छेकरस सो आसान गुल्य मूरान

राजस राजसी सूर सपदान

अर्श प्यठु फर्शस प्यठ राजु वातान

कप्ट तु वेक्षिन्य छिस नाल वलान

गुलाब यम्बरज्वल मारयमंदय लगान

वाव तुफान यलि रोय छुख हावान

पानस सीत्य छुख डुविथ निवान

सि सोरूय द्रेष्ठमान थविव

बोज श्रोच करिव

पतु वनिव यि तेह कमि बापथ

किबुर हम हस्ती कमि बापथ

जान गव योदवय वैरभाव त्राॅविव

हसद थविव न कांसि सत्य।।

Badri Nath Bhat Nirmal भद्री नाथ भटट निर्मल   

सआभारः कोशुर समाचार मार्च 2015 व Badri Nath Bhat Nirmal भद्री नाथ भटट निर्मल