साॅरी पॅरितव लोल त माये,

ऊँ नमो भगवते गोपीनाथाये।

अस्य आयि करनि पादि पूज़ाये,

ऊँ नमो भगवते गोपीनाथाये॥

बब सन्दिस बजरस,लगहाय पॉरय,

सनुम्वख दर्शनस दिवान अनवॉर्य।

कर्म लोन शेरनावनि अस्य आये।।

ऊँ नमो भगवते गोपीनाथाये॥॰

नाल वोलमुत छु असि अॅम्य मोहॅ ज़ालन,

ज़न्मच गांगल असि छि नाबॅकारन।

मोक्ष बनि असि अकि, चानि कृपाये।।

ऊँ नमो भगवते गोपीनाथाये ॥॰

टोठक यस तस बोज़ान छुख च़य ज़ार,

पॅज़्य् किन्य् बनान तस छुख च़य गमखार।

नखि डखि चोन तस, रोज़ान साये।।

ऊँ नमो भगवते गोपीनाथाये ॥॰

आसन चोन मंज हृदयस रूज़ितन,

क्षण क्षण चॉनी,सुमरण असि रूज़ितन!

अनुराग पोशव, करोय पूज़ाये।।

ऊँ नमो भगवते गोपीनाथाये॥॰

हीं यूगीशवर करत अख   व्वपकार,

फुचिमच़ि नावि सानि दितसा च़ तार।

भवसर तार दि मे पनने आये।।

ऊँ नमो भगवते गोपीनाथाये ॥॰

बेवसील 'दास' चानि डेडि तल प्रारान,

पादन तल छुय जाय॔  छ़ारान।

पापव निशि बन्यस म्वकलनपाये।

ऊँ नमो भगवते गोपीनाथाये॥॰

सॉरी पॅरितव लोल त माये,

ऊँ नमो भगवते गोपीनाथाये ॥॰

जय गुरुदेव।

ऊँ नमो भगवतेगोपीनाथाय

अशोक कौल  वैशाली