१-कथ् कर् कर् गौव मे लुकचार, आर यियनय शंम्बू ।

आर यिनय म्योन, विचार यियनय, आर यियनय शंम्बू।।

कैलाश पीठ प्यठ् ,नजरा मे त्राव आर यियनय शंम्बू।।।

२-परनावतम में ऊँ नम: शिवाय,आर यियनय शंम्बू।।

ऊँ नमः शिवाय,आर यियनय शंम्बू।

बेकरारस दिति,पननुय करार, आर यियनय शंम्बू।।

३-ज्यूठ सद्राह छु, क्रूठ संसार, मय छुस बोठ तय न छूस तार।

यथिस्य मंज छम,मे कवछि खार,आर यियनय शंम्बू।।

पान दारतम में क्रष्ण अवतार, आर यियनय शंम्बू।।।

४-ब्रोंठ कनि छुम दज़वुन नार,  पत् कनि छुम शोर अम्बार।

यथिस्य मंज छु म्योन व्यवहार, आर यियनय शंम्बू।।

५-  क्यॉत्या अशुद छि,मन की विकार, वासनायव स्यीत डोल व्यवहार।

नित्य शुद स्वरूप छुख बखचनहार, आर यियनय शंम्बू।।

६-शुन्य स्वरूप छुख,च़

शुन्याक़ार,साक्षीवत छुख शिव निराकार।

शक्ति स्वरूप करान व्यवहार, आर यियनय शंम्बू।।

७-त्रिनेत्रधारी शिव जटादार, जगतुख छुख मूल आधार।

करूणा स्वरूंप छुख,म्यति दित तार, आर यियनय शंम्बू।।

८-अति क्या पकि म्योन गाट्जार, अति कुसना यियम दरकार।

वुफ़ कढ़नावतम ज़न जानावार, आर यियनय शंम्बू। ।

९-करोमुत छुमन ज़ाह रूत कार, नेय कुरम कांसि उपकार।

दयि ग़त सूत्य में केंछाह यार,आर यियनय शंम्बू।।

अशोक कौल वैशाली