बुजरिक फ्रंट फ्रट

 

अजकल छि सॉरिरॉय दुनियाहस मंज़ इन्सानु संज़ वांस बड्रावन खाँतर अख जबरदस्त मुहिम चलान । अथ छि त्रै वजूहात । (1) मुखलिफ खतरनाक बैमारव्य खातर नॅव नव दवाह ईजाद सपदिन्य, (2)सारिनँय लूकन मंज़ सेहतयाब रोजन बापत अहसास गछुन, (3) ज़्यादुतर लूकन मंज़ वारियाहन वॅरियन अमर रोज़निच इच्छाशक्ति वापु न्य। अकिस मानव संज छि यि कूशिश आसान ज़ि सु गछि न जांह बुड़ गच्छुन । अथ प्यठ बूजिव अख प्रान्यि जमानॅच कहानी । पूर्व युगस मंज़ ओस अकि विचि अख बादशाह येमिस नाव ओस "ययाती" । यि ओस बुड़योमुत तु शरीर ओसुस जरजर सपद्योमुत । अमिस ऑस्य पनन्यिस शरीरस सुत्य स्येठाह नफरत । अम्य राजन कर माता दुर्गेश्वरी हंज़ तपस्या वारयाहन वरियन। ऑखिर गयि माता खोश तु द्युतनस दर्शन । राजस वोनुन कि मंगिव तोह्य वर । राजन दोपुनस कि सु गोछ बियि जवान गछुन । मातायि वोनुस चे पेयी तिम खाँतर केह हरजानु बरून । च हेकख त्येलि जवान बन्यिथ हरगाह चौन युवराज लड़क रज़ामंदी छी मगर सु युवराज गछी बुडु तैयार। अमिस राजस ओस यि लड़क बड़ फरमानबरदार । अन्य मॉन्य यि वांसि हिंज़ अदला बदली। राज बन्यव बेयि जवान । अजकल छि अखबारन मंज़, टी.वीयस प्यठ, इश्तिहार आसान यिम जन वुमिर बडरावनक्य दवाह, तरीक तु अपरेशन छि हावान मगर तिम छि द्रोग्य आसान सत्यी छु वन्य बुड़ नफर, बन्यिमन कथन 108 प्यठ ति सही अमल करान, मसलन (1) माकूल कसरत, (2) माकूल ख्यन च्यन, (3) शरीर तु वशस मंज़ थवुन । अमि अलाव छि प्लास्टिक सज ति यिवान करन मसलन (1) बुथ्युक हुलिय बदलान (2) शरीरक फालतू माज चटुन, (3) जनानन हिंजनपिस्तानन ज़्याद थज़र द्युन, (4) मंदुलुक अला माज खत्म करुन, (5) यॅड़ हुंद अलाव थज़र क करुन । मगर यिछि प्लास्टिक सर्जरी प्यठ छु लघुब रोपुयि लगान । मोखसर छु सारिनँय वृद्धन क बड़ान बड़ान, मरनुक सख फ्रठ रोज़ान । वन्य बूजिव तोह्य महाभारतच अख कथा। अनिलटि पुछ यक्षन धर्मराज युद्धिष्ठरस अख सवा हे धर्मराज, यथ संसारस मंज़ क्याह छु सारिय खोत बोड़ अजू ? धर्मराज पांडवन वोनुस, "पननि जिंदगी मंज़ छु प्रथ कांह नफर, पानस अंदरअंदय, हतबदी नफर स्वर्गवास गछान विछान, मग तोति छु नु सु यि पज़र माननु खातर तैयार आसान ज़ि कुन्यि दोह मा रटि यमराज़ तमिस ति ।" अॅथ्य प्यठ छु भगवान गौतम बुद्धन यि विश्लेष कोरमुत कि अकिस मानवस छु वांस बड्नु सत्य मृत्यु सपदन कि ख्याल सत्य फ्रंट फट गछान । छु न बुजरिचि मजबूरियव तु बैमारव्य सत्य समज यछान करुन । भगवान बुद्धन वोन ज़ि मानव जािमंज़ यिम केह दादय तु दगु छि आसान तिमन मूल कारण तमिस नफर सिंदय खोदग गैरज़िमादारान ख्वाहिशु आसान । तिमन द्युत वोपदेशज़ि यिमव दाद्यव तु दगव निश छु तेल्यी छुटका मुमकिन येलि जन सु मानव गछि मनस मंज़ तैया तिमु दग्गु चालन बापत । अमि खातर छु ज़रूरी कि सु मानव गछि पनन्यि खवॉहिश पूर पॉठ्य कॉबू करुन । बियि गछि बैमारग्न तु सेहतस, सोखस तू दोखस, दयायि या क्रूरता, गाट्जार या बेवकूफी, सन्यास या गृहस्थी, गर्मी या सर्दी, कुन्यी नज़रि कुछुन । भगवत गीतायि मंज़ छु भगवान कृष्ण अर्जुनस यि बुनियाँदी पज्ज़र हे नावान तु वनान, "हे अर्जुन, यथ संसारस मंज़ युस कांह जाव मिस छि मृत्यु निश्चित तु युस कांह मूद, मिस छु पुनर्जन्म ति निश्चित ।" मगर यिम सॉरी वोपदेश बूजिथ ति छु नु कांह ति मानव यछान वृद्ध अवस्थायि मुकाबलु करुन । किहिय छु न यछान सारिसॅय शरीरस मंज़ माजस जुरियां गछन्यि, कलस प्यठ वाल कम गछिन्य या पूर पाठ्य गंज गछुन, सॉरी मसवाल सफेद गछिन्य, अॅछटॉस्य लटकॅन्य, बत्तीसी कम या खत्म गछन्यि, माज़ ड्योल गछुन तु कमर लगातार चौड़ सपदुन । अठ्यमी सदी मंज़ कोर, स्वामी शंकराचार्यन, अकिस स्येठाह वृद्ध पुरुष सुंद जिकिर यिमन शब्दन मंज़, " छिव हुमिस अॅडजि कंकाल ह्युव वृद्ध नफरस कुन,येमिस सॉरी अंग छि डेल्य गॉमित्य, मसवाल, दंद, अॅछन हुंद गाश तु बोजनुक ताकत छु खत्म गोमुत, शरीर घुस कुबड़ गोमुत, अकि लोरि सत्य छु पकान, दोह खोत दोह छु कमज़ोर गछान, मगर तोति छु नु सु, येमि संसारवय खत्म न गछन वाजन्यि यछायि त्राविथ हेकान तु मोहमाया त्रॉविथ हेकान।" अमिस वृद्धस छि दाँद्य तु दग,सॉरिसय शरीरस मंज़ कमजूरी, स्पेठाह मशरब, कनन केंह जर, अँछन कम गाश हिशु शिकायत आम आसान । मगर सुत्थी छस बजि बजि बैमारि मसलन हार्ट अटैक, ब्रेन स्ट्रोक,डाईबिटीज, अॅडजि जोड़न दग, अॅड़जि स्येठाह कमज़ोर गछन्यि वगैरह ति वलन यिवान। पानय सूचितब वृद्ध अवस्था कुच तकलीफ देह छि आसान सारिविय खोत खतरनाक छु डायबिटीज़ आसान। अमिस छि बोहकुन बोक्वच खत्म या कमज़ोर गछान, शरीरकिस माज़स लचक खत्म गछान। कुन्यि विज़ि छु अमी सत्य अमिस हार्ट अटैक ति गछान । छु यिमन सारिनिय मुसीबतन हुँद मुकाबल अख वृद्ध तेली हेकान करिथ येलि सु पनुन मन मज़बूत बनावि । अकिस वृद्ध सुंद समाज ति छु अमिस असर करान । भारतस मंज़ युथुय कांह जनानु पंचाहि अपोर तर, तमिस छि वनान वृद्ध त सो छि व्यवहार ति त्युथुय करान । अलबत तरकी याफत मुल्कन मंज़ छि शेठ वरशि जनान ति युथ बरताव, सिंगार, हाव बाव, पलव दलव मेकअप वगैरह करान जन छि तिम जवान आसान । वोन्य छु सवाल वोथान ज़ि ज़्याद वांस छा जान किनु नाकार तु अथ छु यि जवाब कि अगर अख वृद्ध मानव पनुन व्यवहार ठीक थवि, शरीरस ठीक पॉठ्य वाति, ब्रोंहकुन जिंद रोज़न खाँतरह आसि सख्त असलन प्यठ पकनावान, तेली छि तमिस जीठ्य वांस मुनॉसिब आसान । अॅकिस वृद्ध मानवस पजि गोड्न्यथेय यि सोंचुन कि सु रछि नु मरनुक फ्रंट तु वृद्ध सपदुन छु कोदरतुक कानून । मरून छु सारिनँय, कांह सुली कांह चीर। अलबत वृद्ध नफरस छै नु बुद्धि कम गछान, अवय छि वृद्ध दाना आसान। अगर मुमकिन सपदि अकिस वृद्धस पनि सेवानिवृत्ति पत् ति नौकरी करिन्य । हरगाह प्राईवेट नौकरी मीजिस न तोति पजि तमिस पनन्यि गरि परुन लेखुन तु आँखीरस ताम कार चलाविन्य । पानय गछि पनिच कूशिश करिन्य तु येलि मुश्किल गछि तेलि गछि पनिच कूशिश करिन्य तु येलि मुश्किल गछि तेली गछि केन इस्तेमाल करुन । येलि येलि थकान आसि तेलि तेलि गछि फौरन लर त्राविन्य । येलि कांह कॉम हेकि न करिथ तेलि गछि बियन मदद मंगुन । अगर कांह वृद्ध हमेश केंह न तु केंह कॉम रोज़ि करान, समाज छु तमिस यज़त करान । हमेशि गछन तिथ्य तौर तरीक अपनाविन्य येमि सत्य शरीर तु मन ठीक रोजि । मनस मंज़ गछि सोचुन ज़ि कॅन्यि घुस बु जवानॅय । दोह्य गछि सुबहन तु शामन ज़ि त्रै किलोमीटर चकरस गछुन । अमि विजि गछन साफ तु ताज हवाहस मंज़ ज़्यीठ्य ज़्यीठ्य शाह हेन्य । सत्यी गछि योग, ध्यान प्राणायाम ति कुन्यि खलवक्त पार्कि मंज़, बिहिथ करुन । अकि सत्य छु मन तु नॉरन हिंज़ चंचलता शांत गछान । ख्यन चन गछि अख ज़ि मेन्ड्य कम खेन्य । सिगरेट, शराब वगैरह गछि न चोन। सुली गछि शांगुन तु सुली गछि वोथुन । अगर न कांह नॉरन हिंज़ बेमारय आसि, तेलि छि अंदस तान्य मगज़ डंजि रोज़ान । यिमन मगजन गछि बोनकुन लीखिथ तरीकव सत्य वरज़िश करनाविन्य, मसलनः परुन तु लेखन, तास तु चैस गिंदुन, कांह नॅव ज़बान हेछिन्य, कांह मौसीकी हुँद अवजार (सेतार, बांसुरी, तबल वगैरह) हेछुन, कांह नॅव गेम हेछिन्य, पाल्मिस्ट्री या जोद हेछुन वगैरह यिमव काम्यव सत्य छि मगज़ ताज़ रोज़ान त मशुरबु कम गछान । अमि अलाव गछि बागबानी करिन्य, चित्रकला करिन्य, ग्येवुन, पनन्यन तजरुबन प्यठ लेख लेखिन्य, टीवी या पिक्चर वुछन्यि वगैरह । कॉड्यन हिंज़ सारि य खोत बड़ कसरत छि कुन्यि पार्कि मंज़ बॅडि बॅडि असुना त्रावुन । अगर वृद्ध नफर यिमन सारिनँय कथन प्यठ करन अमल, तेलि न्येरि तिमन बुज्जर कुन्यि तकलीफ वरॉयी।

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार:- कन्हैया लंगर   कॉशुर समाचार फ़रवरी, 2026