कम गुल छि जायि गॉमत्य

 

सान्यन शुरयन हॅन्दय खांदर, यिम फोलान छि नु, छि सानिस समुदायस तु समाजस बड़िस पैमानस प्यठ लोत पाठ्य तु सदा रुस्तुइ फरान तु र खलि करान तु सानि संस्कृति विकृत करान । असि वच यि हकीकत वारियाह काल प्य नज़र अंदाज़ करान । छि ना अस्य जानिथ मानिथ कोल त ज़ोर लागान तु अछछ वटिथ कल बोन कुन थविथ यि लानत चापान । यन कशीरि मर्जे कड़िख तन छि अस्य संस्कृतियन हन्दिस सॅदरस मन्ज़ यीरान तु अमि किन्य गयि असि तु सान्यन शुरयन पनन्य संस्कृति रँछ न्य मुश्किल । समय गव पकान त डिवोर्सन हुन्द अख सिलसिले गव शुरू तु लोग रूग सान्यन शुरयन । ज़रूरत ख्वत ज़्यादें आय, तु मद बनेयि ज़हर तु यिमव बड़ोव यि मर्ज़ दोह ख्वत दोह । वार-वार सनेव मर्ज़ तु लोग सोसुर सानिस समाजकेन मूलन तु यिन वालिस समयस मन्जु यस सानि संस्कृति द्वत द्वर्ते थवि करिथ । सोन समुदाय छु पानस गाटुल तु बुद्धिमान जानान, क्याह पोज़ तु क्याह अपोज़, अमाहपोज़, अत्ययन फिचेयि असि तिक्याज़ि न ह्याच असि डिवोर्सन हॅन्ज़ प्रवृत्ति रुकाविथ तु नु पनन्यन शुरय हुन्द पननि समुदायि न्यबर खांदर करुन रटिथ हालांकि समाजिच बर्बादी हॅन्द्य दोश्वय तमाशि छि सान्यन अछछन ब्रोहकनि दोह सपदान । अस्य सोंचान, असि क्याह, अस्य ति छि अछछ वटिथ गोश दिवान । अज़ छि अदालतन मंज़ हतबदय डिवोर्स मामले प्यमत्य फासलन प्रारान । वि छ सान्य शूब तु अस्लियत ज़ि अस्य क्याह छि तु किथ्य छि। यि ति औस्तन मगर अस्य छि नु पनन्य टेंठ त्रावान । यिमन मामलन हॅन्द्य नतीजे आसन ज़ॉहिर तोरस प्यठ समाज बापथ स्यठाह नाकार त त्रावान पनन्य क्रिहॅन्य छॉय सानि संस्कृति प्यठ । यन कशीरि कड़िख तन असि डोलान अन्ज़ानन मन्ज़, होरान तु परेशान । सानि कोरि गई बेयन जॉचन मन्ज़ तु बेयव जॉचव मन्ज चायि नोशि सानिस समाजस मन्ज़ । यि प्रवृति वॉच असी थी पक्वुन्य येच काल प्य । असि ह्यच न यि दो दायक प्रवृति रुकॉविथ तु न कोर असि अथ मसलस प्यठ सॉरी मीलिथ गम्भीरता सान कांह सलाह मश्वर त छोंड़ कांह चार। दरअसल छि अस्य खोदगरज । अस्य छि सिर्फ पनुन सोंचान बेयि न कांसि हुन्द अद समाज गछतन कोलि, असि क्याह असि छ प्रथ जायि समिति तु सभायि यिमव अज़ ताम गफलत कर तु अथ अहम मसलस कुन दयुतुख न जांह ति तव्वजू । वोन्य छु बोड़ मसल ज़ि यिमन जोरयन हॅन्द्य मामल छि अदालतन मन्ज़ ति न्ध शुरय, बड़य, लोकॅट्य तु न्यज़वॉन्य, तिहॅन्ज़ परवरिश तु संस्कार किथ्य रोज़न त पगाह क्युथ समाज बनावन तिम, कॉशुर या बेयि कांह? अथ प्यठ छा सोंचान सानि समिति तु सभायि? अस्य छि सॉरी पनन्यन शुरयन हॅन्ध कसूरवार, असि दिच नु तिमन गोड़ प्य जान तु ज़बर तरबियत । असि छु अमि अहम मसलुक हल आम काम्यव ब्रोंह छांडुन तिक्याज़ि यि छु दजवुन नार युस दोह ख्वत दोह तेज़ान छु त अकि दोह जालि यि सानिस सॉरसइ समुदायस तु अस्य रोज़व लाचार बुछान यि तांडव । कम गुल छि जायि गामॅत्य, कमन जूनन छ हाय प्येमॅच ।

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार:- शिबन कृष्ण मल्ला  कॉशुर समाचार फ़रवरी, 2026