यादवोतुर

 

पंडित सूमनाथ जित्शी, यि नाव ओसन में कुनि ति रंग व्योद । सन 2010 इस मंज़ गोस बु पननि लडकी निश बंगलोर तिहुंद बुथा वुछनि । अकि दोह आय यिमन पछि ज़ोराह गर। यिवान यिवान्य च्यून में जि यिम छि अख अकिस शरीकि हयात । अकिस अंकुलजी तु बैयिस आंटीजी वनान । यिमन ओस पानुवन्य ज़बर मिलचार तु युन गछुन ति ओसुख जान। यिहिंदिस अति कयामस दोरान तोग में यि सोरुए बोजुन ज़ि पानुवन्य छु यिमन मेछर जान। च्यूंकि रैना सांब अस्य में हमसीन तु बैयि आस्य ख्वलुक मिजाज़, तमिकिन्य आयि तिमन ति मेसत्य जान बराबरी । तिहिंदिस श्यन सतन दोहन हंदिस कयामस दोरान आस्य तिम स्यठाह वक़्त सत्य गुजारान तु सियासी तु समजी वाकन पैठ कथ करान तु कुनि कुनि बहस ति करान । खार हफत खंड रोजन पतु बडेय यिम बम्बयि वापस यति यिम रोजान अस्य । रेथ शैमर गुज़रेय तु सोन्य लडकी आयु अकिस बडिस दोहस प्यठ माल्युन गर । द्वयि त्रैयि द्वहि खूज अमि पनन्य अटैची तु अमिमंज़ कंडन अख किताब तु पिलुनवुन मेकुन तु वनुन में "यि किताब छि रैना सांबन तुहंदि बापथ सूज़मुच, दोपुन यि गछि डाक्टर सांबस दिन्य ।" में रेट किताब अथस क्यथ तु नाव पौरमस "येलि फोल गाश ।" कलम कार ओस सूम नाथ जित्शी । पज़र छु यी जि यि नाव ओसन में जांह ति कनन गोमुत तु जेहनी ज़ोर आजमाई पत ति द्रावन म्यानि यादवत्रिचि दोजि प्यठ अमि नावुक कांहति अक्स । सूचुम आसि कांह 106 जित्शी सांब । मलवंतरिस प्यठ असिस अथ ग जान तु जबर मुरचहना । दामनस तल ओसुस लीखिथ अफसान सोम्बर सूचुम जानुय गौ ज़ि अथ अन्दर छि अफसान नावल बेत्रि परनस सोम्ब छन् वोन्य सो तोछति यिगौ जानुय कमसेकम आसौ अकिदोह अफसानु परान । किताबि जिल्पोट फिरिथ पेयम अन् मलवसि प्यठ चस्पान फोटुवस प्यठ नज़र तु यिहाय द्राव ख्वरतल मैचहिश । आंसुमंजु चौलुम हुक् त क नीरिथ, ओहो! यिमेछा सूमनाथ जित्शी? यिनै ठीखपाठ्य छुसख प्रजनावान । दिल सपदुम ओज यि जानिथ जि जित्शी साब छि येमि आलम रोख्त सपद्यमुत्य । फोटूहस लोगुस थलि थलि वुनि इसमस त अंहारस लोग वाठ तु सुती लज्या यादवत्रिस ति हनि हनि जीर । कशीरि अंदर ओस यि आमपाठ्य र्यवाज जि सुबहुच सब्ज़ी आस्य काल शामुसय बाज़र अनान येतिक्यपाठ्य असन आसान हफ्तसप्यठ सब्ज अनिथ थवन्य आसान । वजह छु यति छिन् कशीरि हुन्द्यपाठ्य सब्ज़ी दुकान आम । यतिछि हफ्तुवायसब्ज़ी मारकेट लगान तु लुख छि सब्ज़ी अन्यअन्य फ्रिजन अन्दर स्टोर करान । कशीरि अन्दर आस्यन फ्रिज आसान तु न ओस ज़रूर्थय आसान वान्य छि अजकल बोज़ान ज़ि तति ति छि फ्रिज कूलर तु ए०सी० बेत्रि बारसस आमृत्य । ओसूदहाली मंज़ ति छु जान ज़बर हर्यर सदमुत । तिम प्रान्य यन्दोसन ह॑न्ध मकान तु छयिपहारि छन् कुनि गामन मंज़ ति द्रींठ्य गछान । खार वनुन छुम ज़ि तिमन दोहन येलि बु दफ्तर यिवान ओसुस तु हस्बि मोमूल शीर्यचाय तेलवार ख्यथ ओसुस करीब सति या साडिसति बजि सब्ज़ी अनुनि नेरान । जोलन त्राव्योम फैकिसपैठ तु परतव त्राव्योव हब दलस कुन । वति दंछुन खोवुर वौन दिवान आस्य में यिमै पदाह वुह मिनट हब्बकदल ताम वातनस लगान । हबुकदल प्य सब्ज़ी अनुन्य अस अलाकक्यन लुकन बापत आम कथ। कंदल अपारि-यपारि, बल्कि कदलस प्यठ ति आस्य सब्जी वाल्य यस्तुपाठ्य डेरनमंज़ सब्जी त्रावान तु ह्यनुवल्य आस्य हस्बिमंशाह सब्जी ह्यवान । बैयि आस्य अति सब्जियन हनंद्य नेरुखति ओर योर खोत नर्मय आसान तु म्यानि बापथ ति आस यि अख रुटीन बनेमुच । खसूसन छुम यि वनुन जि क्रालखोड़ वातिथ युथ्य दैछुनकुन फेरान आस्य तु अतिथ्य ओस मोड्स प्यठ्य अख दांदुर्यवान । अथ्य वानस प्यठ ओसुसन बु हायनुप्रय जित्शी सांब कुछान तु कुनि कुनि अति सब्जी ति ह्यवान, मगर अक्सर अस्य यिम वार्याहस कालस सिरिफ कथ करान आसान। अमि सत्य ओस यि अंदाज़ लगावुन बिल्कुल सही ज़ि यिमन ओस पानुवन्य जबर दोस्तानु । हरगाह न दोहदिश मगर द्वयि दोह्य त्रैयि दोह्य जित्शी साबुन दर्शन अथ्य एरियाहस मंज़ सपदुन आंस जनतु कोदरती कथा बनेमुच । यिथुपाठ्य में बहुय वोन ज़ि नावकिन्य ओस्सन नु बु जित्शीसांब बिल्कुल ति जानान, इसलिए वति पकुवुन न नमस्कारय त न किहीं। सिरिफ ओससन अक्सर-व-बेशतर क्रालुखोडस नज़्दीकृय वुछान । यिति छि कांबलिगोर कथ जि यस शखस न बु नावुकिन्य जानन तु न पे किन्य, न गरबारकिन्य तु न बहसियति कलमकाय, तस मुत्लक वोन्य यि वन्दुबाक्थ करनस दरप ति गछि केंह वजह आसुन । बेशकपाठ्य हखत पोज । वजह छु यि जि बु ओसुस जित्शी सांबनि शखचिर्यच सत्य ब्रोह पेठे स्यठाह मुतासिर सपुदमुत । अख नौजवान तु खोशरोय पर्सनैलिटी हुँद मालिख जित्शी साब ओस में बिर्र बारि मंज़ ति अख वाहिद फर्रद बासान। आम वतिपकुवनेन अन्दर आस यि शखसियत जन्तु फट्य फट्य हिश नेरान । बुथिस ओस शॉगरफ पश्पान तु स्वर्खरूई यिछ ज़ि बेखबरस वोत्लिहे तसुंदि गरि मुल्की आसनुक जोन। कद ओस दर्मियान तु शूबिदार । नस्ति खंजरस तल गोछ बु म ओस बुथिस पेठ मर्दानगी हुन्दिस इज़हारस बर्चर करान । यत्ताम तिहिंदि पकनुक तोलुक छु तिम आस्य तेजरफ्तार त बासान ओस जि यिमन छि गर वात्नुच जलदी, नतु कासि यारस दोस्तस निश सही वक्तस पेठ वाल्नुच तोली। यि सोरुए छु हंग्तुमंग अज़ति म्यानिस यादवत्रिस मंज़ जनत कालुक बत याद यौताम पलव-पोशाकन हुँद तोलुक छु तिम वुछन् में जांहति कुंद्यकर्नु वराय पलव लागि पतलूनस आस क्रीज़ बराबर आसान तु कमीजि कालर्स बराबर वाश कडिथ जन्तु बोइंग जहाज़चि पख जु। दूरि ओस बासान ज़ि कुस्ताम यावैज़मां छु पकान तु यि ओस वाकाह करिथ पय लगान ज़ि जित्शीसाब छि आशक मिजाज़ तु साफ-सफाई हन्द्य दिलदाद ति । आमपाठ्य अस्य पतलूनकमीज़ लागान मगर सोंतस हरदस आस्य सूठ ति लागान त टय ति । कोबगार ति आस्य टय लागुन्य पसंद करान। स्वरख रंगच टय आस तिर्हिदिस वछस पैठ स्यठाह जेब दिवान। बंदुक पोशाक गयोव जाकेट नतु ओवरकोट । अथसकैथ या क सतल ओस ज़रूर कहनत केंह आसान। ब्रीफकेस या किताब नतु रजिस्टर बेत्रि । "यैलि फौल गाश" तस्नीफ वुछ्थ्य वु यि म्यानिस मनस अंदर जित्शी सांबस मुल्लक यि बावथ तु तसुन्द अंहार आम अछन तल । मै सपुज पननि जायि हारांनी तु शादमांनी यि जानिथ जि जित्शी साब छि अदबी मदानुक्य ति ज़बर खिलांड्य । अफसानु सोम्बरनि हुंधन केंचन अफसानन प्यठ तायिरान नज़र त्रावन पतु हैकि काहति वसूक्सान वनिथ जि बहसियति अफसानुनिगार छि जित्शी सांबन अदबी फलकस पेठ पनुन मुकाम उत्यपाठ्य प्रोवमुत ।

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार:- डा. ए. एन. प्रशांत  कॉशुर समाचार फ़रवरी, 2026