बब

त्रेशिवय कोरि पोस्टग्रेजुवेशन पतु हॅर्यशॉविथ गॅयि पनुन्यन पनुनयन बरथाहन सॉत्य, अख लंदन, अख कैनेडा तु त्रैयिम जयपुर। पांच ज़ह वुहुर वातान वातान रूद्य दीनजुवस सॉत्य गरस मंज़ बुड़ मॉज्य, बॉय तु बॉयकाकनि । वहुर्य दौयि वुहुर्य ऑस्य पनुनि पननि सूहलियच हिसाब शुर्य यिवान तु गरस मंज़ ऑस रोनख गछान । नतु ऑस जिंदगी वहॅर्य वरियस ब्यरंग तु ब्यमजु । पाँस ट्रंक ओस स्यठाह अमापुज़ वोन्य ओस न खर्चि बर्चि करनुक शो य गछान । करहन त कस प्यठ तु कथ प्यठ । गो दीनानाथ ओस शुर्य नीरिथ ति वॉर लागनस, कुल्यन कॅटयन रॉछ रावठ करनस, बाजुर्य कामि, अंगस ऑशनावस श्येछ खबर ह्यनस बेतरी काम्यन मंज पनुन पान आवुर थवान अमापुज तिमन काम्यन मंज़ कति ओस तस त्युथ दिल लगान युथ जन शुर्य रछिनस ललुवनस, पनन्यन नज़रन तल त पनन्यव अथव फाँ लावनस तु बजाह करनस संज ओसुस । स्व कॉम ऑस लॅमिसुंदि बापथ अख साद संज़ सादना । तस औस वोन्य गर अॅचिथुय गर खॉली बासान तु लब जन ख्य,नि यिवान। रातस ऑसिस वोथुरनिस प्यठ जन मिचर्य कँडय लगान । या तु ओस लरि फिरन्य दिवान नतु ओस न्यदुरि मंजु वौथ्य वथ्य यिवान तु देंछुन खोवर सारान । पतु वोश त्रॉविथ बैयि अॅछय वटान । माय छ ग्रकदिवन्य क्राय । यि छ तल्युन तुलान । ताहम ऑस दीनानाथस चम शिहिज्य जि तमिसुंदि अथ परवरद् सपद्यमित्य शुर्य छि बजाहे बॉय छि फरमांबरदार तु माजि छ सीवा वातान । पतु येलि न्यैचिव्यन इंज ऑकिस पत अॅकिस नेथुर-च वॉर्य आयि,दीनानाथ आव प्रेथ खांदुरस 102 प्यठ वोलुसनस । खांदुरन प्यठ ओस दीनजयॅज़मन तु खरचबरदार । बायव तु शुर्यव कर प पननि यछायि मूजूब खर्चस मंज़ शरकत । अमानमूल रकम ओस ज्वाइंट अकांउट मंजय नेनयिथ पॉठ्य सोर्याव सु ज्वाइंट अकाउंट । प्य केंछा बाजुरुक ति कर्ज । न्येचिव्य द्राय पनुन्यव पनन्यव खांदुरव पनुनि कोलयि ह्यथ । सु कति प्रारुन गोड्न वरियिक्यन प्रूगन तु नेथुरवहरवाद्यन। न्येचिव्यव अ कथ बाथ पॅरिथ गछवुनुय पनश्न्यन पनन्यन शह मंज़ नोकुरियव बापथ पनुन्यन पनन्यन गंड माह न इंद्य दरखास तु बॅयोडाटा जान जान दफ्तरन कम्पुनियन दिथ थेंविमित्य आसान। खांदुरव पत बरथाहन सॉत्य तिहिंद्यन शहरन वातुवुनुय लाितिमु जान औहृदन प्यठ नावदार कम्पनियनदफ्तरन मंज़ मुलॉज़िम । दीनानाथ ति ओस सॉत्य ख्वश यि ज़ॉनिथ जि अजकलुक्य अखराज पूर गछ्न्य, आराम, आसॉशि तु स्वख छि मुमकिन येलि गरस मोकूल आमदनी आसि । ि छु अजकलुक द्रौजर तु दौयिम्यन मुल्कन ह मय्यार तु मुसारिफ वुछिथ अॅक्य संजि कमायिपागर करुन ति मुश्किल । शुर्य ति ऑस्य स्वपा ग्वड ग्वड़ ओस र्यतस मंज़ अॅकि लटि प्रेथ न्येचुव चिठय सोज़ान, पनन्य श्येछय खबर लेखानगरिच्य कॉफियत प्रिछान तु सारिय अंगन ऑशना नमस्कार सोज़ान । दीनजुवस आसु ब्वक फोल यि डीशिथ ज़ि प्रथ चिठि मंज़ ओस प्रेथ शुर सुंदि सेहतुच्य पुरसिश करान, तॆमि ज़ ऑही कां तु तस गुल्य गुंडिथा नमस्कार सोज़ान । येमि दीन जुवस बुथिस फ्यठ नुर तु चाल अॅडी आसिहे वति सम्खन वॉल्य ऑस्य प्रिछान, सॉ चिठय छा आमुच?" वहुर्य खंडय कंवल सुंदिस ज़ोर दिनस प्यठ आव गरस मंज़ फोन लागुनावनु । वोन्य ऑस्य शुर्य येलि मन करिहेख तैलि फोन कॅरिथ हाल अहवाल बावान तु प्रिछान । केह काल पत येलि अनिलन बबस बोव जि ति ज़ न्वश छ बेयि जुव तु व्वमेदवारी हुंद वख छु त्रैयि रेत्य पतु, बब व्येच्योव न कुनि । बियि हफ्ति येलि अनिलन पनुनि जनानि हुदि अमरीकाहसय मंज़ प्रसनुक इराद बोव तु बबस कोरुन तॉकीद जी सु करनावि टाठि सॉबस (द्वारिकानाथस) तु बाबी वॅल्य कैलिफोरनिया सोजनुक संज़, लॅज्य गरस मंज़ बाचि बाचि व्वस द्रोस । द्वारिकानाथस तु राधायि लॅज दवदव, विज़ा जारी करनावुन, खरीदारी करन्य पलव दलव अलाव आंचार, होगाड़, डून्य गोजि, बादाम गोजि, वर, मसाल, गारि ओट, तोमल ओट बेतरी यि केंह जन बॅरचि वोमेदवारी हुंधन दोहन मंज़ ख्यनुक तमाह छु गछान त बियि हंद, वोपलहाख, चरि लछुज, श्रानु मसाल, बुर्ज वरक बेतरी । विज़ा मीलिथ केंचि दोही बढेयि तिम दौशिवय बॉच कैलिफोरनिया तु न्वशि हंदि स्यदि बुथि जुव बचन पत् तस त्रैन र्यतन फोट कॅरिथ आय वारकार सिरीनगर फीरिथ। द्वारिकानाथस पतु आव दयाक्रष्ण तु रखमॅनी पननि नौशि हंस प्रसनस प्यठ अमरीका फीरिथ । अमि पत् कमय कॉल्य गव द्वारिकानाथ तु तमि पत् दोयि बहुर्य दयाकृष्ण रिटायर । अमापुज गर रूद प्रॉन्य पाठी श्रीद्युक चलान। दारिन्य तु दयिन्य शुर्य ऑस्य गॅरिक्यन सारि य तिमन निशि अमरीका, आस्ट्रेलिया तु बम्बुयि यिनुक फीर्य फीर्य साल करान अमापुज गरस मंज़ बुड़ मॉज्य त्रॉविथ ओस न कांह गरि नेरुन यछान । कमय काल पतु गॅयि व्यशिमाल स्वर्गवास्य । तस भागिवान माजि पल यि पनुन्यन शुर्यन इंद्य अथ । माजि इंदि व्यशिनबवनस गछन केह कॉल्य पतय द्राय दारिन्य तु दयिन्य जु बॉच शुर्यन इंदिस ज़ोर करनस प्यठ जुर्यन हँदि अमार तु तिमन रछिन ललवुन बापथ ब्यमन कॅशीरि । दारि रूद केंह काल आस्ट्रेलिया तु अमरीकाहस मंज़ गरा होर तु गरा योर करान तु पोतुस गव दयिन्य पॉठय अमरीकाहुक शहरि बॅनिथ यि देपिजि ति ततिकुय । ग्वड ग्वड कर्योव तिमव क्याह जि बॉयलाल ति यियि तिमन सात्य अमापुज सु औस न जदन हुंद मीरास पनन्य प्येड पुरन त्रावून्य यछान । तमिस ओस बासान जि गरस चौवुह गंट कुलुफ दिनु, ब्रांद फश नु लगन, संघा चोंग नु जालन तु ठोकुर नु पूजन सॉत्य गछि गर दिवताहस तु जदन इंधन आत्माहन ख्यूब त तिम गछन अशांत । तमि अलाव छु गरस कुलुफ लगुन फैशिल। अमि म्वख छु तमिसुंद गरस मंज़ रोजुन लॉज़िमी । तमि हुर ओस सु जानान ज़ि हरगाह सु गरि नेरि बॉय तु बॉयकाकनि बेहुनावन तस चैशिमन प्यठ, बाबथुर बरन तस लोल तु करनस वैछि वॉलिंजि सीवा । अमापुज़ नौशन हुंद (यिम तम्य केंचन दोहनुय वुछिमुच छ) क्याह वनव, तिमन यिया खोश तमिसुंद युन किन न । प्य आस्यख जायि छोचर ति । ति कॅरिथ छु पनुन गर यथ मुतलक वनुन छु ज़ि 'पनुन गर वाहराव लर, वोपर गर लर फिरनस थर । यिथ पाठ्य रूद दीनानाथ, बायन ब्येन्यन हुंद बॉयलाल तु शुर्यन हुंद बब गरस मंज़ कुनुय । कुनिरस मंज़ ओसुस नु ग्वड ग्वड गॅरिचन काम्यन मंज़ दोह यिवान बोज़नय कपॉर्य द्राव अमापुज़ राँच आसस प्यैठय प्यवान । बायन हंदि ख्वत ऑसिस तिहिंद्य शुर्य यिम तम्य ख्वनि ललविथ, माजि हुंद वछ तु द्येदि इंज़ क्वछ लॉगिथ, पतु ब्रोंठ वृछिथ बालेंग कॅरिमित्य ऑस्य याद यिवान, त्युहंद अमार ओसुस जन कूरान तु वॉलिंजि तछुन तुलान युस तछुन न ज्वल ओसुस दिवान करन् । रॉत्य रातस ओस लरि फिरन्य दिवान, गरा वौथान तु हेरि बौन करान, कुठि कुठि नचान, गरा ब्ययि लर त्रावान तु कुनि कुनि येलि स्य हुय बे करार ओस सपदान, ओस रॉच हंदि पॅतिमि पॅहरय लिवुडुव लागान । येमि दोहूं जन बायन, बाबथुरन या बावजन हुंद फोन ओसुस यिवान तमि दोह ओस लरि वहरिथ शोंगान। केंचस कालस रूद दीनानाथस पनुन मोमूल कॉयिम । अमापुज वार वार ह्यात तम्य पनुनिस पानस कम कम वातुन । वोन्य ओस सु रनुनस प्यवनस, ख्यनस च्यनस मंज़ लापरवायी करान । गरा न काल ख्योन तु गरा न काजि । गरा स्यनुय गरा क्यनुय, गरा ओमुय गरा न्यूलुय, गरा वांठ तु गरा फु र, गरा वृगुरु तु गरा त्रैकुर । नतीज द्राव जि दीनजुवस ह्योतुन जुव सोतुन । दपव ज़ि पॉसच व्यछ्य मा आसुस, ति ओसुस दयि सुंद द्युन कुनि पान बापथ स्यठाह । ज्वाइंट अकाउंटस मंज़ ओस दारिनि तु दयिनि प्यन्शन अकाउंटव मंजू माहवार मोकूल रकम मुतबदल सपदान । बियि ऑसिस बॉय ति तु शुर्य ति गरि गरि प्रछान पाँस ट्रॅक्युक या कुनि चीजुक मा छय हाजथ। सॉती ऑसिस तॉकीद करान जि सु वृछि पनुनिस जुवस । अमापुज सु इन्सान क्याह वृछि जुवस यस जुवनुक वजिहुय आसि नु । यि दि बापथ ब्रोंह जुवान ओस तिमय येलि दूरेय, जिंदगी रोव मज़ तु दिवथ । प्यठ छु कुन्यर वॉरॉग्यसय रास यिवान । ग्रहस्तस मंज़ सिव्य गॉमितिसछु कुन्यर वॉराग तुलान, तस शुर्यन बाचन इंदि बापथ क्रेशिनावान । अमी वॉराग किन्य गव दीनुकाख दोह पत दोह वारय लापरवाह । वन्य ओस न तस कुनि कामि मंज दिलय लगान । वन्य हय कांह कॉम करिहे ति स्व ब्यमन् । लॅमिस मोठ असुन । बुथिस प्यठ गॅयस द्रह जन लॉरिथ। अॅछव मंजु ओसुस दोख पेडान । न कुन्युक ह्यस न होश । मॉलय मोठुस । मुफ लायस युथ जि नु ख्यथ ति ओसुस बासान म्ये ख्यव। आलुच हुर्योस यूत जि पननि बापथ बत पाव रनुन्य ऑसुस गोबान । नतीज द्राव यि ज़ि या कॅरन फाककॅशी या ख्योन अड़ स्यौन मड़ स्यौन । अॅमि आलुच्य, दर्दि हज़ीनन, लापरवॉयी त फाकॅशी होव पनुन असर । दीनजुवस गॅज्य मूलय न्येंदुर, तस ओस बासान ऑट्वन्य पहरन पनुन पान छ्यौनुमुत ह्युव । रछ ति जखनु सॉत्य ऑसुस वॉलिंज रावान, हेरि खसन ऑसस शांश खसान । कुनि कुनि ऑसस बिहिथ बिहिथुय गुम ग्रक गछान,थौद वोथुन 104 या पकान पकान ओसुस ग्यूर यिवान । सु ओरयिमन अॅलामचन हुँद सबब कमजूरी मानान तु येतितेलि सडकि प्यकि दवा वानु प्यठ ताकती पिनह्यथ अॅकिस दोन दोहन ख्यवान । साती दांदरनिशि थनि छटांगा ह्यथ शीर्य चायि त्रॉविथ सकत हटि वालान। पतु ब्ययि ॲती स्यान तु अंती क्यानती ख्यान तु अॅती न ख्यान । बैनि डस्क बजि आर मैज्य मॅज्य नज़र गुज़र दिवान तिम आस मॉलिकबजायि बॉयसुंद दोह पत दोह स्यहत रंग्य पथ ग वृछिथ ख्यूबस गछान । बॉयलालस मिनॅच करान जिसु हावि डाख्टरस पान। अमापुज़ बॉयलाल ओस दिवॅनिथ डोल दिवान "ज़ि डाख्टर क्याह बी करि, छा बगवान । सु पनुन्य जु पाँसु जेनुन बापथ कारश्बारचलावान। यस हबी तसुंदिस वानस अकि लटि खोततस छु न पत रूग त्रावान । म्य, न बी छु कांह रूग यि हबी छ वाँस, अथ क्याह करि डाख्टर ।" ब्यनिआसु तोति चुकि किन्य गरि केह रॅनिथ अनान य सुबहस यिथ चोकस अॅचिथ रॅनिथ प्येविथ, बॉयिससुबहस ख्याविथ शामस क्युत वॅलिथ मॅलिथ थावान अद पत शामस बॉयलालन खेयोव तु खैयोवनखैयोव तु न खेयोव । हमसायि ति ऑस्य दीनजुन दोह पत दोह लिस गछान वृछि अफसूस ख्यवान तिम ऑस्य पनन्य किन्य तम्यसुंद दिल रछिन् बापथ तस सात्य ठ मखोल करान, अकि हीत बेयि हीतुगर अॅनिथ गरा चाय चावान, गरा बत ख्यावान दीनजुव ओस यात ताम पिलिहेस तोत ताम कौंसि हुंद गर गछनस वायि करान । तस ऑस लुक इंज यावरी आर, इन्साफ तु एहसान बासान यस लॅमि दिस तेशल मनस नागवार ओस । यि ओस सारिय व्योद जि दीनजुवुन पानस कुन बेतोलुक आसनुक सबस छु तम्यसुंद कुन्यर कुन्यर युस वॉराग छु तुलान तिम ऑस्य जानान जि अथ मरज़स छि जय यलाज-या यिन अॅमिसंघ शुर्य बाँच न्येबर पनुन कारबार वॅटिय सिरीनगर वापस या गछि दीनजुवय गर त्रॉविथ तिमन निशि । सॉरी ऑस्य यि जानान जि यिम दौशिवय कथ छन् मुमकिन । वैसे छु अजकल बंद ख्वतु चंद टोट । तमि प्येठय कति छु कॅशीर मंज बटन वौदबव । दीनुवुज ति ज़रि नु मॉल्य मिरासस कुलुफ लगुन । अमि म्वख छु यि मस्ल लाहल । दिसम्बरक्य पतिम्य दोह ऑस्य । तर ऑस तसय प्यठ । दोहुलि ति ऑस शीन छठ । शामस गव दीनजुवस तमाह ग्वगजि नदुर्य तु बत् ख्यनस । तमुल मचि येलि अथ छुनुन अति बुछिन स्व चॅकिस वॉचमुच । मसा द्रायस जु त्रै म्वछि । नेरिहेस ति कति । कॅचन र्यतन हंज ऑस न दीनानाथन रसदय खारमुच । खार, शामस बत स्युन रनान कोर तम्य फॉसल जि सुबहस खारि सु रसद । अॅड्य यड ख्यथ ति चस कॉफ हिश । दुरनिस चाव सुली अमापुज़ न्यंद्रि गंटा ह्युव आसिहेन कोरमुत जि गव हुशियार। बास्योस जन म्याद दज़ान त वछस बार । सूचुन यि छु म्याद चौक्योमुत । बिस्तर मंजु नीरिथ दिचुन छांड तु लोबुन कायिमचूरन यस सु मंज़्य मंज़्य ओस यिछ अलामॅच जाहिर गछ्नु वख्तु ख्यवान । चूरन ख्यथ चाव बेयि बुरनिस । अमापुज़ सुबहस ताम रुजुस न्येद्रर फोट्स्य । अती गॅयस जिफ- लिस तल ऑसिस अॅनिल, सुनिल तु कंवल कांगरि प्यठ खोर थवनु बापथ लत लायान तु बेबिस मंज़ नालु किन्य कल कॅडिथ गरदनि मंज़ नरि त्रॉविथ नवल वनान, "बब, वृछिव माहला भैया क्याह छि कलान, यिम माहला छि म्ये लतु लायान।" बबन वोन दलि तलुक्यन, हयो, “लत लत मा कॅरिव, कांगर हा फेरि तोहि दजुनव खोर तु म्ये दज़ि फोर । रस पॉठय थेविव सॉरी ग्वड अख तु पत् ब्याख खार कांगरि प्यठ।" देछिन्य किन्य आसु चादरि तल बियिस कांगरि अँद्य अँद्य त्रैशिवय कोरि बबस आरहति वनान, बब बोजनाविव माहरा गुलिबकौली हूंज कथ । बबन वोनुनख, "नें बी अज़ बोजुनावोव बु शेख चिल्ली संघ चाठ ।" याम शेख चिल्ली सुंद आंगन मंजु रुदुचि जायि वछुमच लिवरि सम्बुरावनुक जिकिर आव शुर्यव दित्य असान असान दब। कांगरि लॅज्य लथ तु आयि फीरिथ । बबस चॅज्य क्रख नीरिथ, दौदुस हा तु अंती गव हुशियार। छुन खोवर सोरुन । कुरुन वौथरुन ओस  तुलुकतर ह्युव । तस पैयि वन्य बॉय, बॅयकाकनि, बाबथुर, बेनज़ बेवायि च्यतस । सु रूद गरि पतु गरि वौथान, हुमि ट्रंक मंजु बाबथुरन इंद्य जा पलव, येमि अलमारि मंजु शुर्य पोशाख, येमि अॅज्य मंजु शक्ल, एनिडबलॉयटन, पंचतंत्र,फेमस फाइव किताब, हुमि ताखचि प्यठ तिहिंद्य तमाशि वालान, अंती अँछन लागान तु अॅती वछस सात्य नालुमति रटान । ती वोश त्रावान तु ती औश । पत बेहाल गॅछिथ बैयि दुरनिस अचान, गित्य करान त शांद ॲय कुच करान । सुबहस त्रोवुन बैमनु वोथुरुन । वोथान वौथान आस ग्यूर। लबि कॅरन थफ यौताम संदोरुन । पत् लिवु डुव कॅरिथ, ठोकुर पूजिथ, चाय तु छुर चौट ख्यथ द्राव गाठस प्यठ रसद खारनि । अमि फिरि ओस गाठस प्यठ तौमुल आमुत । दीनुकाकनि कुनिस नफरसुंजि च्यदि मील्य डाय ख तौमुल । दीनजुवन रॅटय यिम गरि सात्य वॉल्यमितिस कनवास ठेलस मंज़। गॅलिस सुतलि गंड छनिथ तु थफ कॅरिथ लोवुन ठेल फ्यकिस तु द्राव गर कुन । गाठ प्य गर ताम ओड मील कडुन बास्योव दीनजुवस अख पडाव कडुन । तस बास्योव पान यीरान तु गीरान । गीर्य दक यिवान । वारि हंदि बर अॅचिथ वारि प्य आंगनस खसनुक्य पांछ पॉव्य कॅडिन जन तु पहाड दोसि थफ कॅरिथ । वॉलिंज्य ऑसुस रावान तु शांशि सात्य शाह सोरान । कह ताम यिम पांछ पॉव्य सिथ, हना शाह संदॉरिथ पोक आंगुक्य दह कदम यीरान तु गीरान तु युथुय ब्रांदस निशि वोत आस ब्याख गीर्य दक् तु आव बुथ्य किन्य लायिन् । खासुर लॅजिस ब्रांदु पॉविस । ठेलस गॅयस थफ ति यल तु गंड ति । तोमुल आव च्वापार्य छावन रतस तु बतस जन गॅयि ल्यम्ब । तोमुल डींशिथ समेयि हत बज़ चरि हारि । त्युहुंद चिर्यग्युश बूजिथ द्राय हमसायि दार्यव किन्य तु त्राहि त्राहि करान वात्य दुरानि दिस आंगनस मंज़ लारान लारान, तुलुख दीनुकाख अथलि क्वथलि, लोदुख आटोहस न्यूख बोड हस्पताल । डाकटरन कौर नबुज़स थफ कॅरि य दीनानाथ 'मूमुत अनुनु आमुत ज़ाहिर ।

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार:- हृदयनाथ कौल  कॉशुर समाचार फ़रवरी, 2026