चिल्लई कलान

 

कशीरि अन्दर वन्दुकाल शरू स्पन्स सत्यी छु यतियुक अहम तरीन मोसम चिल्लई कलान याद यिवान । 40हन दोहन जारी रोज़न वोल छु यि अख कूठ तु कठियुन दौर आसान। यस प्रथ वरियि 21 हमि दिसम्बर प्यठ् शुरू स्पदिथ 30 हमिस जनवरीयस ताम जॉरी रोज़ान छु। अथ चिल्लई कलानस दौरान छे कशीर ज़बरदस्त तॉरि कटुकार, बर्फबॉरी त अडिजय्न तुरिथ गछन वाजनि छटि अन्दर हैन यिवान। यि छु न सिर्फ मोसमुक बदलाव आसान, बल्कि छु काशर्यन लूकन हुन्द कुवति बर्दाशस्त, तहज़ीब तु तरज़ि जिंदगी हुन्द असली इमतिहान ति आसान । चिल्लई कलान छु वन्दकालुक सारि य खोत क्रूठ मोसम मानुन यिवान। दर्जे हरारत छु अकसर मन्फी खोत ति वारयाह डिगरी कम स्पदान । वारयाहन अलाकन अन्दर छि आब नलक लगथ गछान । जायि जायि छि शिश्र गाँठ बनान । कोल जोयि तु बाकी ऑबी जखीर छि लगिथ गछान । तु आम ज़िन्दगी छै रोट हिश स्पदान । हैरिमिय्न बालायी अलाकन मन्ज़ छु शीन ति स्यठा जियाद पवान तु दर्जे हरारत ति छु वारियाह कम स्पदान । लिहाज़ा छि लूख वन्दु काल शरू स्पन ब्रोन्ठ्य ख्यन खोरदनी हुन्द सिटाक, तु जिस्म गर्म थावन खातरह जिन बोठ चुनि तु गर्म पलवन हुन्द सिटाक जमा करिथ थावान । अथ वन्दु कालस दौरान छै लूकन हन्ज़ तरजि ज़िन्दगी ति खास कस्मुच आसान। लूख छि लगातार कान्गरि हुन्द इस्तेमाल करान । यि कान्गुर छै तॉरि निशि बचन खाँतरह अख रखायती तरीक ति तु ज़रियि ति । खय्नस चैनस मन्ज़ ति छु बदलाव यिवान। लूख छि होख सिन्य ज़िया तर ख्यवान करान तु तिम सिन्य तु सब्ज़ी छै ज़ियदुतर इस्तेमाल करन यिवान, यिम जिस्मस गरमाहठ पाँद छि करान । चिलई कलान पतु छै कशीरि अन्दर तार कम स्पदिथ चिल्लई खुर्द यिवान । यि चिलई खुर्द छु 20 हन दोहन हुन्द आसान। अथ दौरान ति छै स्यठा तार आसान, मगर ज़ियाद ठंड छै नु आसान केन्ह । पशव प्यठ छु शीन व्यग्लनि लगान । अमि पतु छु चिल्लई बच्चु यिवान, यस 10 हन दोहन जॉरी छु रोज़ान । अथ चिल्लई बच्चस दौरान छु मोसम ति शुर्य सुन्द्य पॉठ्य छाल मारान, अती ताफ, तु अती शीन, अती तरि कटकार तु अती नोन ताफ । चिल्लई बच्च खत्म स्पदन सत्यी छु शीन ति गलनि लगान, तु ज़मीनस छै तैम्बर प्यवान याने गर्माहट शरू स्पदान । मादानन अन्दर छि पौश फुलान, अवयछि वनान :

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार:- एम.के. भट्ट  कॉशुर समाचार फ़रवरी, 2026