चकि छि कथ यि

सोन मशहूर कर्मकांडी विद्वानव ति ओस पूजनी पंडित। आलमगीर विद्वानव ति छु ॲहन्दि बजरुक एतराफ कोरमुत। अखबारव तु पत्रिकारव छुटाकर पॉठ्य यिमन वाकातन हृद्य फोटू ताम छाप कॅर्य कॅर्य बजन बजन शखसियचन हंज़ि जेवि तिमन तारीफ कर्यमित्य यिमन कथन हंज बावथ छैन पूशीद। धर्म संस्थायि त साहित्यिक क्षेत्रन मंज़ छै यिमन सारिनय कथन विज़ि विज़ि दल लगान। दपान छि सोन कर्मकांडे स्व. कॉशी नाथ हण्डू ओस ब्रेयि कुजन रोज़ान। बिल्कुल तेंती येत्यथ त्रुबौत ओस। तिजन गव अख वथ ऑस गछान नवि सड़कि किन्य तु अख वानहन तु तँथ्य सत्य ल्वकट दरवाजहन । वानस प्यठ ओस कॉशी नाथ जियुन नेचुव महाराज कृष्ण स्टेशनरी कनान । जिमनी वनो ज़ि महाराज कृष्ण ओस शिव शंकर सुंद पूर्ण बॅखुत्य। महाराज कृष्ण ओस अछैन्य पॉठ्य अमरनाथ यात्रायि कुनवन्ज़हन वॅर्ययन गछान। यिछ ऑस तॅमिस द्रढ़।

वनुन छुम ज़ि गाशा जी स्व. ओस रॉसय पॉठ सुबहन द्वद अनुन बापथ गॅडवहन ह्यथ बाज़र नेरान। अकि द्वह। सपुद यि वाक ज़ि गाशा जी ओस सुवहय गॅडव्हन ह्यथ बाज़र कुन पकान तु बुथि आस कुसताम न्यस्योमुत ह्युव तु वोनुनस बांबरि मंजय, हे गाशा जी! पकिव महारा जल जल गुपु बबस गव क्याहताम। पॅकिव महारा जल। गाशा जी. गव परेशान तु द्राव नस्ति स्योदुय गदूद पार्कि निश यति गुप बब तिमन द्वहन आसन दॉरी ओस। यि चाव हक अति वुछिन अॅकिस बैनि त बाक्य सॉरी परेशान हाल । गाशा जियन रेंट्य बबु भगवान पनुनिस वछस सुत्य तु भगवान जियन थवि पनुनि नरि अॅम्यसंद्यन फेक्यव पैठय अलांज। मॅन्ज्य त्रोव यिमव बड़ ज्यूठ शाह त गाशा जियन रोट यि पननिस म्वखस मंज। त अॅथ्य सुत्य कोर तिमव गाशा जीयिनि नरि हनि प्यठ्य प्राण त्याग। तिति सारिनय गरिक्यन परिक्यन थी। अमापोज कथ रूज़ राज़ सुय मंज़ वारयाहस कालस।

 

दपान कथि मंजय छि नोन क्वथ। ति जन गव गाशा जियस ऑस्य स्वॉमी राज जी ग्वर । अव तमन्य ऑस्य गाशा जी हण्डू तिहुन्ध शेष बॅनिथ तिहुन्ज भक्ति करान। दपान येलि गाशा जी फतेह कॅदलकिस आश्रमस मंज गछान ऑस्य तु स्वामी राम जी ऑस्य तिमन चायि पानिच कथ करान। बड़ जोर करान बैहनु खाँतर । अकि सात दोप अॅम्य अमा सान येतिनय छुन चायि पान्युक कांह

प्रबंधा। यिम कथ प्यठ छि यूत ज़ोर पार करान। तिम बीठ्य त यिम पैयि असमान जि अति यस यिम माजरथ छि करान। सु छु बैहान तु तस छ चाय या बतु अचानक ब्रौंठ कन वातान। यि ओस शाख अख सिर। स्वामी राम जी ऑस्य पजी वॉत्यमुतय संत। सु ति अमि कलायि हंद्य।

हुपॉर्य ऑस्य अॅस्य भगवान गोपीनाथ जी त गाशा जियिन्य प्रसंग व्यछनावान। गाशाजी ऑस्य दहदिश भगवान बबस तर्पण दिवान। दर्शवय वॅहॅर्य श्राद्ध ति तु काम्बुर्य श्राद दरान। फाक् ति थवान । यि रूद्य तिम पूर वॉन्सि करान त अमिस श्रद्धायि

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार:-   स्वपी.एन. कौल 'सायिल  एंव कॉशुर समाचार  सितम्बर ,2018