केंह अंतरंग (नजदीकी) शिष्य (चाठ)

 

शाम सपुद श्री रामकृष्णु सुदिस कुठिस मंज जोलुख चोग त धूना (काटुगन बेत्रि मुश्कँदार चीज जॉलिथ वीथमुत दुह) छु यिवान दिनु (याने कमरे छु सोगंदी सुत्य यिवान मुशकाव ।) कॉली मंदरस मंज दद्य प्रथ जायि चाग्य। शहनाई (स्वरनय) छि बजान। मंदरन मंज सपदि आरती।

तख्तस प्यठ बिहिथ छि श्री रामकृष्ण नाम-स्मरण, कीर्तन करिथ माजि हुद ध्यान करान। आरती सपुंज। केंचि काल्य पतु छि श्री रामकृष्ण कमरस मंज़ हो योर फेरान । मंजु छि बॅखत्यन सुत्य कथ-बाथ करान त कलकत्ता गछर्नु बापथ मास्टरस सत्य मशवऊँ करान।

यीतिसँय कालस मंज़ वॉत्य नरेंद्र। सुत्य ऑसिख शरद त बैयि अख जें लॅडॉ। तिमव लूकव कोर यिधुंय जमीनस सुत्य डये कुँ दिथ श्री रामकृष्णस प्रणाम। नरेंद्रस वुछिथ आव श्री. रामकृष्णस लोल वौतलिथ यिर्थं पॉठ्य लोकटिस शुरिस प्यार छु यिवान कर, श्री रामकृष्ण लॅग्य तिथय पॉठ्य नरेंद्रस बुथिस अधैं सत्य फशि हना दिवान त प्यार करनि । मायि बोरुत आवाजि मंज वोनुख-'चुं आखं?'

नन्द बसु सुदि गरि छि भगवॉनी तस्वीर वार्याह। अज़ दोहलि पॅतिम पहरन तिहुंद गलॅ गछिथ वुछन । श्री रामकृष्ण तस्वीर। अख ब्राह्मणी भक्त छे नन्द बसु सुदि गरि निशिय, रोज़ान, श्री रामकृष्ण गछन  तसुंद गरू ति। कोरि हुंदि गुजरनुं पतै छ ब्राहाणी दुखी रोजान।

श्री रामकृष्ण छु दोखु लॅदिनि ब्राह्मणी हुंद आमुंत्य। मकाने छु प्रोन, मगर छु पोख्तुं। पशस प्यठ बहनुक छु इंतिज़ाम आमुत करने। पशस प्यठ छि केंह लुख लॉनि मंज़ खड़ा, केंह लुख छि बिहिथ । सॉरी छि ब्रसबी ज़ि श्री रामकृष्ण कर वुछोन।

ब्राह्मणी छि जु बैनि, दोशवय छि मोडु, गरस मंज़ छि तिहिंद्य बॉय कोलयि ह्यथ रोज़ान। ब्राह्मणी ऑस कुनिय कूर। सॅम्य सुंदि मरनु सुत्य छ सौ

स्यठा दुखी रोज़ान। अज़ यिन श्री रामकृष्ण ऑस्य नन्द बसू सुंदि, तोतान्य ऑस ब्रह्मणी अॅन्दरूँ- न्यबर करान ज़ि तिम कर यिन। यिनस मंज़ चेर सपदान वुछिथ ऑस सो निराश सपदान।

भक्तन सत्य यिथ बीठ्य श्री रामकृष्ण पशस प्यठ तिहिंदि बापथ शीर्य मुंचि जायि। सुत्य छि वगविस प्यठ मास्टर, नारायण, योगींद्र सेन, देवेंदर तु योगीन बिहिथ । केंह कालाह पतु आय लोकुट नरेंद्र बेतरि वाराह बॅझुंत्य । ब्राह्मणी हुंज़ ब्येनि छि पशस प्यठ यिथ श्री रामकृष्णस प्रणाम कॅरिथ वनान-"वुन्य रछ खंड गॅयस दीदी छि खबर ह्य बापथ नन्द बसु सुंद गॉमॅच । पकान आसि।"

बोनुं अख कथ बूजिथ वोन तमि, 'हुक्याह, आयि दीदी।' यि वॅनिथ लॅज्य सा, वुछनि, मगर ब्राह्मणी ऑस नॅ आमुँच। श्री रामकृष्ण छि खोश पॉव्य बॅखत्यन मंज़ बाग बिहिथ। -

मास्टर-(देवेंद्रस कुन) कूताह सौंदर नजारू छु। लेंड'-शुर्य, मर्द, जनानु-सॉरी लूख छि लॉन लगॉविथ इस्ताबें (खड़ा)। सॉरी लुख छि यिमन वुछर्नु बापथ कोताह बेसब्र-बैयि यिहुयें कईं बोजर्नु बापथ।

देवेंद्र-(श्री रामकृष्णस कुन)-मास्टर महाशय छि बनान, 'नन्द बसु सुंदि खौतुं छि यि जाय जबर-यिमन लूकन मंज फॅचाह भक्ति छि।

श्री रामकृष्ण छि असान।

वोन्य छि ब्राह्मणी हुंज बेनि वरना 'यैक्याह छि यिवान दीदी। श्री रामकृष्णस प्रणाम कॅरिथ छन् ब्राह्मणी कॅह सूचिथ ह्यकान जि क्याह वनि। बेसब्र सपदिथ लॅज सा, वननि- "हतय, वुछ, यूत आनंद कति था बँ?-तलय वन-येलि म्यॉन्य चण्डी ऑस यिवान, सिपाहन सुत्य ह्यथ, तु तिम लूख ऑस्य वति प्यठ पॅहकै दिवान, तेलि ति ओस नुं म्ये यूत आनंद सपदान-हतय, वोन्य छुनें म्ये चण्डी हुंद रछा ति दोख । म्ये ओस सूचमुत, येलि तिम आय नु, त्येलि यि म्ये इंतिज़ाम ओस कॉरमुत, सोरुय उँनुं गंगायि मंज़ दॉरिथ-तमि पतुं करनू तिमन (श्री रामकृष्णस) सत्य कॅथ-जांह-योत ति यिन, छायि होल वुछन अकि लटि सिरिफ, तु बस यिमुं पतु।

"गछु, सारिनुय वनु, तौह्य यियिव तु वुछिव म्योन सोख-गर्छ योगीनस वनु, म्योन सौख यि बुछिथ-"

आनंदु सत्य बेसब्र गॅछिथ लॅज ब्राह्मणी बैयि वननि-"लाटरी खेलि मंज़ अख रोपय लगॉविथ मील्य कसताम कुलीहस अख लछ रोपयि। अख। लछ रोपयि मोल्यमुंत्य छि, बूजिथ मूद शु खुशी

सत्य-पॅज्य पाठ्य ओस मूदमुत। हतय, म्ये ति छे सौय दशा गॉमुच । तौह्य दियिव सॉरी आर्शीवाद नतु मरू बुति पॅज्य पॉठ्य ।"

ब्राह्मणी ऑस बॅखत्य आमुंत्य वुछिथ आनंदस मंज फैटिथ वनान-"तोह्य सॉरी छिवु आमुत्य ल्वकटिस नरेंद्रस छस बु आमुँच ह्ये नतु कुस असि?" ब्राह्मणी छि यिछ्य कथु करान, अमी वख्तु यिथ वोन अॅम्यसुंजि बैनि, 'दीदी, चुं गछ ज़रा बौन ताम, अॅस्य क्याह-क्याह करव कुनिय?'

ब्राह्मणी छि आनंदस मंज़ पनुन पान मॅशरिथ गॉमुँच। श्री रामकृष्णस तु बॅखत्यन छि वुछान। तिमन त्रॉविथ हैकि नुं गॅछिथ वा,न्य।

यिर्थं पॉठ्य कथं करनुं पतु गॅयि बड़े भक्ति सान श्री रामकृष्णस ह्यथ बैयिस कुठिस मंज़ तु दितिनख ख्यनु बापथ वार्याह कॅस्मॅचि मिठायि बगॉ। बॅखुत्य ति ख्यॉविन पशस प्यठ।

रॉच हुंजु ऑठ बजे। श्री रामकृष्ण छि नेरुन ह्यवान। बौनिमिस पोरस मंज़ छु करमस सत्य ब्रांडु ति। ब्रांडु किन्य छु पछिम्य किन्य आंगनस मंज़ यिनु यिवान, पर्तुं वॅछिन्य किन्य गॉवन हंदि रोजमुँच जाय त्रॉविथ छु बॅडिस दरवाज़स कुन वथ। तमि विज़ि ऑस ब्राह्मणी जोऊँ जोकै आलव करान–'हतय नोशी जलय यी-खोरन हुंज गर्द तुल ।' नौशि कोर प्रणाम (नमस्कार)। ब्राह्मणी हुंद्य अॅक्य बॉय ति कौर यिथ नमस्कार। ब्राह्मणी छि श्री रामकृष्णस वनान-'यि छु अख दौयुम बोयमुरेख छु। श्री रामकृष्णन वोन, ने सॉरी छि भलेमानस।

अख नफर छु सुत्य सत्य चोंग हावान यिवान। यिवान यिवान वोत नुं अॅकिस जायि ठीक पॉठ्य गाश, तमि विज़ि लोग लोकॅट नरेंद्र बडि हटि वननि-'चोंग हाव-चोंग हाव-यि मु सोंच बस

बोन्य छुनु गाश हावुन, बस वोन्य छुनु  केंह। सॉरी छि आसान)। वोन्य आयि गाँवन हुंज जाय। ब्राह्मणी छि श्री रामकृष्णस कुन वनान, 'येति छि म्यनि गॉव रोज़ान। श्री रामकृष्ण रूद्य तति हना खडा त चौवा पासे बॅखंत्य। मणि हन कोर ज़मीनस ड्य' दिथ श्री रामकृष्णस प्रणाम तु तुंजिन तिहिंधन खोरन हुंज गरुंद। वौन्य गछन श्री रामकृष्ण गनू सुंदि माजि हुंद गरूँ।

श्री रामकृष्ण छि गनू सुंजि माजि हुँदिस देवान-खानस मंज़ बिहिथ। कमकै छु सड़कि तर' ग्वडनिकिस पोरस प्यठ। तथ कमरस मंज़ छ ग्यवन गर्यन हुंद जमघट रोज़ान। केंह नवजवान छि श्री रामकृष्णुं सुंदि आनंदूं बापथ मंजुं मंजु साज़ बजावान ति। रॉच हुंजें आसन साड़े आठ बजे। जूनू गाश छु गरन प्यठ, सडकि तु आकाशस मंज गाह त्रावान। श्री रामकृष्णस सत्य आय बॅत्य तु बीठ्य तँथ्य कमरस मंज़।

सुत्यी छि ब्राह्मणी ति आमुँच। सा, छि गरा अंदर तु गरा न्यबर देवान खा किस दरवाज़स प्यठ खड़ा रोज़ान । मॅहलुंक्य केंह शुर्य छि दार्यन प्यठ बॅसिथ श्री रामकृष्णस वुछान । द्रुस मॅहलुंक्य शुर्य, बुर्डे तु जवान छि श्री रामकृष्णु सुंद योर युन बूज़िथ तिहुंद दर्शन करनुं बापथ आमुंत्य।

दार्यन प्यठ शुर्यन बिहिथ छु लोकुट नरेंद्र वनान, 'हयो, तोह्य क्याज़ि छिb अत्यथ खड़ा, गॅछिव पनुन पनुन गरूँ। श्री रामकृष्णन वोन, 'न, न, दिख बैहनें। श्री रामकृष्ण छि मंजु मंजु हरि ॐ हरि ॐ वनान।

केंचि कॉल्य यिथ वॉन ब्राह्मणी, "तोह्य यियिव अंदर श्री रामकृष्णन वोन "क्याजि?"

ब्राह्मणी-तति छु चाय-शाय च बापथ इंतिजाम कोरमुत।

श्री रामकृष्ण-योतुय अॅन्यतव।

ब्राह्मणी-गनू सुंज मॉज छ वनान-'अंदरय अॅन्यूख, तुहंद्यन पादन हुंज गद पैयि त म्योन कठ बनि वाराणसी (बनारस), अथ कुठिस मंज़ म त पर्नु छुनु कांह गम।।

श्री रामकृष्ण गॅय गरियन शुर्यन सुत्य कमरस मंज। बॅखंत्य लॅग्य जूनुं गाशस मंज़ न्यबसँ कनि ओरू -योर फेरुंनाह करनि। मास्टर तु विनोद छि गरिकिस दख्युन कुन तु श्री रामकृष्ण सुंदि जिंदगी मुतलख वाहन कथन फ्युर दिवान।

श्री रामकृष्ण आय बलराम सुंद गरुं वापस । तिहिंदिस देवान खानॅकिस पछुम कुन युस कमरे छु तति छि आराम करान, वौन्य शौगन तिम। गनू सुंजि माजि हुँदि प्यतुं यिथ ओस चेर गोमुत । वखओस दूनू काह ह्यू सपुदमुत।।

श्री रामकृष्ण छि वनान-'योगिन तलुं सॉ म्य दितें खोरन वाऊँ-वाऊँ म्वठ।' नखय छु मास्टर ति बिहिथ। योगेन छु म्वठ दिवान। अॅथ्य मंज़ वान श्री रामकृष्णन। "म्ये ज़न लॅज बो छि बु ख्युरॉ हॉ सूजि हुंद खिर (फिरून्य)।"

ब्राह्मणी छि योत ति सुत्य आमुँच। ब्राह्मणी हुंद बोय दु तबलु बजावुन ज़ानान। श्री रामकृष्ण वॉन-बैयि लटि वनव अॅम्य सुंदिस बॉयिस तबलु वायर्नु बापथ युन येलि जन नरेंद्र या बेयि कांह ग्यवन वोल ग्यवि।

श्री रामकृष्णन ख्ययि रछ खंड फिरून्य । जोगेन तु बाडुय बॅझुंत्य द्राय कुठि मंजूं। मणि छु श्री रामकृष्णस म्वठ दिवान। श्री रामकृष्ण छि तिमन सुत्य कथं करान।

श्री रामकृष्ण-अहा, यिमन (ब्राह्मणी तु बाईंयन कुन) कूताह आनंद छु आमुत।"

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार:-   प्रो. चमनलाल सपू एंव कॉशुर समाचार  सितम्बर ,2018