प्रेमनाथ शादनि शॉयरी हंध रंग

येम्य सँहलाबन फ्युर फान त शहरुक शहरुय रोव कति छांडव छपनस जाय तु रूदा वार कथन।।

यमि शारुक तखलीककार प्रोमनाथ 'शाद छु बाह वरी ज्यादु कॅशीरि न्यबर रूजिथ कॉशरिस गजलस नॅव्य जाम वलान। शादस दौत 1952 ई. पाठ कॉशरि जबॉन्य हुंज खदमत करान। तसंज ज्यनुजाय छ कॉज्य बाग बडगोम। अतिकिस रंबु निस माहोलस मंज़ जाव प्रेमनाथ पंडित स्वदरशन बट संदि गरि 1934 ई. मंज। मैट्रिक पास कॅरिथ कौर अॅम्य अगरीकलचर डिपलोमा तु लोग तॉलीम महकमस मंज वस्ताद, नौकरी दोरान कोरुन बीएबीएड। 1986 ई. मंज तोरुस मकहम् तालीम तरफ़ स्टेट एवार्ड।

प्रेम नाथन कॅर नॅव्यमि जाँच प्यम्य शॉइरी शोरु। ग्वड़ ओसुस ऑजिज तखलुस। नवबहार ग्वडन्युक शार किताबचि सपुद 1962 ईत्र मंज शाया। अथ ज़मानस मंज़ ओर महजूर.रोसुलमीर त ज़रगर बेत्रि शॉयरन हुंद कलाम अमी गाचि दसयाब। अॅम्य कोर वॉलिद सॉबनिस पिस प्यठ तखेलुस तबदील त बन्योव 'शाद । करमलाहुक्य वाकन त्रोव अहंदिस दिलस प्यठ सीन असर त "खूनुसॅरय करबला ना किताब दायि 1987 ई. मंज बाजार। अथ किताबि छु नामवर अदीव डा. महमद जमान आजुर्दा सॉबन तारूफ ल्यूख्मुत। नामवर कोशुर शॉयिर फारिक बडगामी सॉब छु जान अनवानस तहत लेखान जि शाद सोबन छु हुसैनी नज्म त नवाह परनस मंज अख मखसूस मकाम हॉसिल कोरमुत। महरमस मंज छि अम्य सुंद कलाम बोजन म्वल सासवाद लूख समान।

शाद छु रोमॉनी शॉयिर तु गजलि हुंज फार्म  छस महबूब । यि छु पाबंद शॉयरी करान त बहर रॅदीफ त कॉफियि अलावु छु ॲहँजि शॉयरी मंज़ माछुक मेंदरेर त स्वखुनागुच रवॉनी।

लाल रोयो सिर रोछुम गॉरथ कोरुम

हालि दिल मा बावु व्वन्य ननि वान तय।।

शाद छु रोमानस मंजय पनुन अंदरून बावान।

सुयि केंछा लेखि सु छु परन वॉलिस लयि अनान त मुतॉसिर करान। हुसुन त अॅशिक, कॅशीरि हुंद मॉस्मंद्युत छु तँहंद्यन गज़लन मंज़ रंग छटान तु गथ करानः

ठोर वोथ सिस्ययस बोर मे ति जाम

मदु वौथ व्वशलुन अदु गव शाम ।।

निस्तर गाहे विस्नावान गाह वौथ कूरान जिगरस ताम।।

कॅशीरि हुंद यि टोठ गोबुर यैलि गॅरि नीरिथ पर दारन लगन छु नास्तलजिया छु अध्यन गज़लन पेन दिवान तु कॅशीरि हुंद अख अख जर छु शासयरस जिगर कत्रावान। सु छु वनानः

चेर कुजि तिहरिस दुजॉलिस कुकलि ओल

तोति मंज ऑनमुत द्रमन तुल याद प्योम।।

रायि नीरिस नाफ मॅल्य मॅल्य पोशि फोत्य

माशि मारान हरन हांगुल याद प्योम।।

कॅशीर छ खूबसूरती मंज़ आलमस सरस । यि

खूबसूरती छ प्रथ कॉशरिस जलायि वतनी मंज ति रगन रगन मंज़ लॅसिथ तु बॅसिथ। तस येलिं पनुन वतन छु याद प्यवान, सु छु बासान जि वुरेबु त वुल्ट हालातव सुत्य प्यस कुल्यन पन हॅरिथ तु नयन दोद नीलॅम्य वरदन तु सत्य छु सोंचान अमा बैयि यिना तिम द्वह वापस येलि कॅशीर स्वर्ग ऑस।

कुल्न पन नयन नीजि वर्दन देंजिथ प्यव

यि वक वैहरु सोरया शिहुल साथ स्पद्या।।

शॉयरस छु सु मोसम याद प्यवान यैलि कॅशीरि मंज वुडर, बाग तु नयि रंगाबू रंगी पोशव सुत्य बलसँनस आस यिवान। तस छु बादाम बामन फटनुक वक चेतस प्यवान त फुलयि वुछित वजदस यिवान । मगर वतव,लॉय गछन म्वखु छु तस प्रथ तरफ देंदवन लबनु यिवान। तु सु छु बावथ करान।

शनॅम्य शेहलत खैयि तँत्य तावन मॅचरावान छुम रावन दोद

सुम सौथ्य ईर गूय रुम गॅयि बानन बादामन मा बामन द्राय।।

शॉयरस छि नाहिंजॉरय वकतस सुत्य दय, तसुंद दिल छु आशायि बॅरिथ तु सु छु सोंचान शायद आसन कॅशीरि बेयि मिलचारक्य बामन फॅल्यमुत्य। कथ रावन सुत्य क्वस छल छांगुर गॅयि कॉशरयन । अथ कथि छु शॉयिर यिथ छल पॉठ्य ज्यव दिवान।

बुथ्यफिस्य वकतन कॅर छल छांगुर अथ मंज बॅस्यर छमुत्य खाब

कथ रॉव वथ गॅयि छंब्य इन्सानन बादामन मा बमन द्राय।।

अथ मंज़ रॅछमुत्य खाब वॅव्यपैन्य वक बुथ्यफ्युर गछुन, वथ छैम्ब गछन तु कथ रावन्य हिव्य इसतियार यिम सॉरी कॅशीरि हुंद गुदरुन ॲछन ब्रोहकुन अनान छि।

शाद संज़ि शॉयरी मंज़ छु अकि तरफ कॅशीरि हुंज द्वर्गथ वाजेह पॉठ्य नज़रि गछान मगर दौयमि तरफ छुन सु ओप्टिमिज्म याने आशावादुक दामन अथ मंज त्रावान। सु छु वनानः

मशाल्यन करन्य मॅत्य त्योंगल ताव चालुन

वुहिन वछ फुहिन छुवख मगर औश न हारुन।

ऊन पस हामc कॉम । यि दुन्यया

औश हारुन पस हामत गछुन छुन पछि वाल्यन हज कॉम। यि दुन्यय छु आशायिण पयठ कॉयिम । ना व्यभेदी

छन रत्यन इन्सानन शूबान।

तवय छि शॉयरस तिम मजर बार बार याद सवान यिम कॅशीरि हुद सरमायि

व्वमेदन हंध पड़ाव छि।

वुडर प्यठ कनक हैल्य दिच जीर साजस

गुलालन छायि बोलान शाक जल छुम।।

शादस छ मीलवाद दूर आसन बावजूद कनन

मंज कनक हेल्यन हुंद साज़ ग्रजान त गुलालन छायि शोक जल बोलान दीव्य गछान। शॉयिर हॉरान ज़ि सॉनिस रबुनिस तवारीखी तु कॅदीम शहरस कुस फोर। तस छु अथ्य सत्य पनुन आदनगाम येति सु प्रेश्योव, शॉयरी कॅरन त ख्वशहाल पॉठ्य पोशिरादन तु जून जचन मंज पनुन्य अरमान शेरान त थरि खारान ओस अथ तल गछन सब्ब रावन दग वानिज कूरान तु एहसास छवदाव्य गछान। सु छु

अमिच बानथ यथ शूबिदार शारस मंज़ करान।

स्वनुहॉस्य शहरस फोर कुसताम

मैं ति गव अथ तल आदन गाम।।

शाद छु लहनि दावूदी थावान। येलि सु तरनुमस मंज़ यिम शार परान छु बोजन वाल्यन छु अख अख लफ्ज़ कॅरिथ गछान तु महफिलन प्यठ छु अख अॅजीब त जख्मी तासुर व्वत्लान।

मै छि ब्वमेद ज़ि शाद संज़ शॉयरी करि कॅशीरि योस नरुक बनेमुच छ स्वरगस मंज़ तबदील करनस मंज़ ज़रूर मदद। प्रेम नाथ शाद छु मेछि तु मौदरि लीलायि ति लेखान यिम् रियासत त रियासत न्यबर कॉशरयन रिसालन मंज छपान । तमदुनी ईदारन सुत्य छु वाबसत त यि छि तंदि

रोशन मुस्तकबिलुच ज़मानत।

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार:-   स्व. अर्जन देव "मजबूर एंव कॉशुर समाचार  सितम्बर ,2018