श्री रामकृष्ण कथा अमर्यथः केह अंतरंग (नॅज़दीकी) शिष्य (चाठ)

यि वैनिथ नरेंद्रनिस शरीरस प्यठ अर्थ फिरवान, प्यार करान तु छि हरिॐ हरि ऊँ हरिॐ वनान। त्यु क्याजिछि वनान तू करान? क्या श्री रामकृष्ण छा नरेंद्रस अंदर नारायण सुद साख्यात दर्शन करान? क्या यी छा मनशस मज ईश्वर - दर्शन? बहु आश्चरॉक कथ छिं। बुछान बुछानुय ह्यातुन श्री रामकृष्ण सुद न्यॅबर्युम ज्ञान गॅलिथ गछुन । न्यॅबरिमि जगतुक होश रूद बिलकुल गछान।

शायद छि विहय अर्ध बाह्य (अॅड न्यबर) दशा या सु श्री चैतन्य दीवस ऑस सपुंजमुच । वुनि ति छु श्री रामकृष्णु सुंद अर्थे नरेंद्रस सुदिस खोरस प्यठ प्युथुय, जन तु कुनि बहाने छि नारायण सुध खोर दबावान-पतुं छि शरीरस प्यठ अर्थे फिरनावन। परमात्मा जानान यिथु पॉठ्य ऑसि श्री रामकृष्ण नरेंद्रस नारायण मॉनिथ तिहुज सीवा करान किन तिमन मज शक्ति हुँद संचार करान छान छानॅय बेयि ति भावातर ह्योतनख सपदुन। नरेंद्रस ब्रॉहकनि गुल्य जुं गडिथ छि वनान - "अख ग्यवुन ग्यव तु बु गछँ ठीक-वोर्थे किथ कॅन्य ।

चुन्यक्यन छु सोरुय समसार मॅशिथ गोमुत-कांसि हुज याद छनु-नरेंद्र छु ब्रौहकनि, अमापॉज तिहिंज याद ति छन् कत्यथ छि तिम बिहिथ, अम्युक छर्ने कँह ति जानकारी। वुन्यक्यनस जन तु प्राण छु ईश्वरस मंज लीन गोमुत- "मदगतातरात्मा!" "गौरांग सुदिस प्रेयमस मज मस्त!" यि वॅनिथ बडि हटि हु वनान गॅयि श्री रामकृष्ण यकायक याद वॅथिथ पहुॅ बिहिथ लॅग्य वननि- "हु अख गाश छु यिवान, बु छुस वुछान,—मगर कमि तरफैँ छु यिवान, वुनि छुनु केह समुज यिवान ।"

वौन्य ला, नरेंद्र ग्यवनि- "दर्शन दिथ कॅरिथ च्ये म्यॉन्य सॉसी दौख दूर। म्यॉन्य प्राण कॅरिथ मूहित । सप्तलोक छु च्ये प्रॉविथ शोक (दोख) मॅशरावान-पतु असि हिव्यन दीन हीनन हुज कयुँय क्याह छि।" ग्यवुन बूजिथुय छु श्री रामकृष्ण

सुद न्यॅबयुँम ज्ञान दूर सपदान गछान। पतु गयि अॅछ बंद, शरीर गव बेह्यस-श्री रामकृष्ण गॅय समाधि मज मगन । समाध खुलनस प्यठ छि वनान- "म्यै कुस नियि?" बालुक यिथु पाठ् सत्य

बॉजिस वरॉय चौपॉर्य अनिगहुँ छु यि सुय भाव । रात सपुंज स्यठा। फागनुंच गğपछि ट्रॅहम छि। रात छि अनिगॅट । श्री रामकृष्ण गछन दखिनेश्वर कॉली मदर । गाडि प्यठ बीठ्य ।

भक्त छि सॉरी गाडि निश खड़ा। श्री रामकृष्णस छि तिम बहुँ हुशियारी सान गाडि प्यठ खारान । वुन्यक्यनस ति छि श्री रामकृष्ण भावस मज वौनमथ सपदान ।

गाँव द्वायि बैत्य छिपनुन पनुन ग गछान ।

श्री रामकृष्ण छि बलराम सुंदिस दुपूरि किस देवान खानस मज बॅखत्यन मंज खोश पॉठ्य बिहिथ तिमन सत्य कथ बाथ करान। नरेंद्र मास्टर, भवनाथ पूर्ण पल्टू छोटे नरेंद्र गिरीश, राम बाबू द्विज विनोद वर्गों वायहि भक्त छि चौपाये गे कॅरिथ बिहिय बलराम छुने गरि शरीर नाठीक आसनु॒ मौखु छि हवा बदली बापथ मुंगेर गॉमुँत्य। तिहिजि जिछि कोरि छि श्री रामकृष्ण तु बॅर्खेत्य बुलॉविथ महोत्सव (बोडदोह) मनोवमुत। बर्ते पĞ छि श्री रामकृष्ण हना आराम करान

श्री रामकृष्ण छि मास्टरस बेयि तु विप्रछान 'वैन्यतय क्याह बृघु उदार (फराखदिल)? भवनाथन वोन असान, यिम क्याह वनन बैयि, छोएँ करने वरॉय?

अख बॅखुत्य - महाराज, कृपा कि पॉठ्य छि सपदान? 

श्री रामकृष्ण - ईश्वर छि शुर्य स्वबाव, यिर्थे पाठ्य काह लेंडकै पनि दोति हुजि लोंचि जवाहिर बॅरिथ  बिहिथ । कॅत्याह नफर छि वति पकान आसान, तस छि वार्याह जवाहिर मगान, मगर सु छुपलवस मज अ विथ वनान, न बुदिमोव । मगर कासि अॅक्य यौछुय नुं, पननि वति प्यठ छु पकान गछान। तस पर्ने दैविथ कर लॅम्य पार्ने खौशामद तस तु दित्यनस जवाहिर ।

त्यागु बरॉय छिन् ईश्वर मेलान । म्यॉन्य कथ कुस छु रटान? ब छुस नफर छाडान- पननि भावुक नफर युस जान भक्त छान छुस, तसुदि बापथ छुस सोचान जि सु कॉशुर समाचार होकि निथ शायद म्योन भाव पर्ने छुस छान, सु छु वैयि अकि अनवान हुंद सपदान।

मथुरबाबू हस सपुद आवेश तिम ऑस्य प्रथ विजि मतवाले सुद्य पाठ्य रोजान-काह कॉम ऑस्य न ह्यकान कॅरिथ । पतु लॅग्य लूख वननि, यिथु पाठ्य रोजख तु जादाद कुस संबालिय? ल्वकॅट्य भट्टाचार्यनुय (श्री रामकृष्णननुय) आसि काह यंत्र-मंत्र कौरमुत।

नरेंद्र येलि गोड-गोडु आमुत ओस तमि विजि गव वछस प्यठ अथॉक्थुिय बेहोश पतुं होश यिथ लोग वदान वननि हे म्यै क्याह कौरुथ यि?-म्यै छु बोबू जी- म्येय छि मॉज म्योन-म्योन | करुन, सु छु अज्ञानु सुत्य संपदान ।

नरेंद्र प्रूफ (साबूत) वरॉय कियुँ कॅन्य करूँ विश्वास जि ईश्वर छु इनसान बॅनिथ यिवान?

गिरीश - विश्वासुंय छु सफिसेंट प्रूफ (कॉफी सौबूत) । यि चीज छु ये त्यथ अम्युक क्याह सोबूत छु? विश्वासुंय छु अम्युक सौबूत ।

अख भक्त- एक्सटरनल वर्ल्ड (न्यैबग्रॅम जगत) छु न्यबर, अथ कथि छा क्या काह फिलोस्फर (फलसफी) प्रूव (सॉबित) ह्याकमुत कॅरिथ? सिरिफ वनमुत छुख-इरेसिस्टिबल बीलीफ (जबरदस्त पछ) ।

गिरीश - (नरेंद्रस कुन) - ईश्वर ब्रॉठकनि यिनस प्यठ ति करख नुं तोति चुं पछ। अगर ईश्वर पार्ने वनिय ब छुस ईश्वर, मनशि सुदिस शरीरस मज आत चुं वनख शायद जि अपुज छि वनान-दोखुँ छि दिवान 

योगींद्र - (गिरीश बेत्रि बॅखत्यन कुन, असवुन)-- नरेंद्र सुजन कथन मंज छिनु यिम (श्री रामकृष्ण) वौन्य यिवान ।

श्री रामकृष्ण-यदु मलिक सुंदिस बागस मज दोन नरेंद्रन-तौहा यीत्य रूप ईश्वरों सुध बुछान छिदु, सोरुय छु मनुम भ्रम । पतु आश्चरस मंज विथ दौन म्ये तस, क्या सॉ तिमय कथबाथ छि करान। नरेंद्रन वॉन, मनोश छु याहय ह्यू सोचान। पतु आस बु माजि निश तु लौगुस वदनि । वनुम मा (मॉज्य), यि क्या सपुद ? - क्या सोरुय छा अपुज? नरेंद्र छु यिछें कर्थे वनान। पतु होव माजि, चैतन्य - अखड चैतन्य - चैतन्यमय रूप । तु तिमव वोन, अगर यिमुॅ कयुँ अपुँज आसन, तु यिमुॅ कियुँ कॅन्य छि मेलान? तमि पतुं वन म्ये नरेंद्रस, 'मायलु च्यै ओसयुँ अविश्वास (बेपछ) पाँदु कोरमुत । चुं ऑस्य जिनुं वन्य योर यिवान मायलु ।

पतु लोग बेयि व्यचार सपदुन। नरेंद्र छि व्यचार करान। नरेंद्र सुज वास दि वन्यक्यन तोह वॅरियि चोर रेचथ ।

नरेंद्र गिरीश मास्टर तु बैयन कुन शास्त्रन प्यठ ति किर्थे कॅन्य करूँ विश्वास (पछ)? महानिर्वाण-तंत्र ति छु अकि लटि बनान, ब्रह्मज्ञानु वरॉय बनि नरुख। पतु छु वनान, पार्वती हुज उपासना वरॉय छुनु चारय । मनु संहितायि मज छि मनुजी केंह लेखान -तिम छे तिहुंजय पनि कर्थे । मोसेस (मूसा) छि लेखान पेंट्यूच-तथ मजत्र ति छु तिमव पननि मरनुक जिकिर ल्यूखमुत ।

सांख्य दर्शन छि लेखान, 'ईश्वरासिद्धे' ईश्वर छु यि छुनु काह ह्यकान सॉबित कॅरिथ । पहुॅ छि वनान, वेद गछि मानुन, वेद छु नित्य (हमेशि ) । 

"अमि किन्य छुस नॅब बनान जि यि सोरुय छुनु । व छुस नुं समजान, म्ये समजाविव। शास्त्रन हुंद माने यसुदिस मनस मज यि आव सॅम्य कोर तिय । वौन्य कॅम्यसुंद-कॅम्यसुंद करूँ हॉसिल ? सफेद गाश तु वौजुल शीशि मंज्य यिवान, त यिवान वौजुल बोज यिवान तु सबज शीशु मंज्य यिवान तु सबुज यिवान बोजनुं । "

अख भक्त-गीता छि भगवानुं सुंद दौप। श्री रामकृष्ण-गीता छि सारिनुय शास्त्रन हुद सार । सन्यॉसिस निश चाहे कैह मुॅ रूजिन मगर अख लोकुट गीता छि जरूर रोजान । अख भक्त - गीता छु श्रीकृष्णु सुज दोप।

नरेंद्र-श्रीकृष्ण सुज दोप छा किनु बेयि कासि हुज दोप।

श्री रामकृष्ण छि छ्वोर्पु कॅरिथ नरेंदरु सुजु यि सार्यय कथं बोजान । श्री रामकृष्ण- यिमुॅ छि सार्यय जान कयुँ सपदान ।

"शास्त्र हुद्य छि जुँ माने, अख लफजी माने दयुम अंदर्युम माने। अंदर्युम मानेहु गछि रटुन, यस माने ईश्वर सुजि वॉनी सुत्य मेल आसि ख्यवान । चिठि हुजन कथन मज तु यैम्य चिठ्य आसि लीछमुँच तसुजन कथन मज छु बड़े फर्रुख । शास्त्र छि- चिठि हुजु कयुँ । ईश्वन सुज वॉनी छि-तिहिंदि ऑसुँचि कथें । ब छुस नुं सा, कथ दारान, यो माजि हुजुन कथन सत्य वाठ छन् ख्यवान ।" वौन्य चुन अवातरूँ सुंज कथ वायुँन्य ।

नरेंद्र-दयस प्यठ विश्वास सपदुनु सत्य सपदि । पतुं तिम कति छि जूलॅक्य पाठ्य ग्रायि मारान, या क्याह छि करान अथ सुत्य क्याह असि कॉम? ब्रह्मांड छु ऑर्थो रौस तु अवतार ति छु अनंत ।

(ब्रोंठकुन जॉरी)

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार:- प्रो. चमनलाल सप्रू   एंव, कॉशुर समाचार, जून 2018