रक्तबीज - भेयी अकि लटि

 

बालकॉनी हिजि पतिमि कुर्नु प्य छ अख छाय तु दिचिन बौन तु दछिन खोवुर्य नजराज पननि जायि लोगुन अंदाजे तु सूचुन कम खातें कम आसन बाह शथ कुर्सिय यथ हालस मज । यिम आसुँ सॉरी खोली हालस गंज ओस वुनि अनिगोट मगर दोयिमि तरफुक बौड़ स्टेज ओस बिजली गाशस मज चमकान। स्टेजस प्यठ ऑस्य अख जुँ अडुंबरें नफर और योर करान तु यि काछनुच कूशिश करान जि केह मा रूद परं।

टेबुल, कुर्सी, माइक फोटू त्रेश, रतनदीप तु बाकी चीज ऑस्य पननि पननि जायि प्यठ तैयार। रंग बरगी लफजन मज औस स्टेजस पत्यकिन्य अख बोड बेनर अ वरं लगॉविथ तथ प्यठ प्यवान बिजली गाशस मज चमकान।

बड्यन बड्यन लफजन मज अग्रीज्य तु हिंदी पाठ्य लीखिथ विस्थापन मे अनगिनत साल ओस हाचि हरिमि बालकॉनी हिजि पतिमि कुर्सियन प्य ति साफ बोज यिवान । 

"अमा यति नय वुनि न जून तय जापान । यिमन क्याजि गव चेर? यिमय ऑस्य वनान जि दहि बजि करव प्रोग्राम शुरु मगर वखयु आव चेर 

प्रोग्राम शुरु करनुक जन छुनु यति काह ति आसार बोज यिवान, छुना सलाह नेब दिनव नजराह " अमि छायि कॅर हरकत 

शाहरस मज बाग़ यि बोड हॉल ओस मार्हान्य इयू सजविध

मेन गेटस ओस रंगाब रंग डेड्यन मज त्युथुय बासान जन अख माहराज व्यीगिस प्यठ पोशमालन सीध्य चूरि छपि गिदान नेबरिनि गेहूँ प्य अदर हालकिस दरवाजस तान्य कथ ऑस दोशविनि तरफव पोशव तु वायु माल व सूत्य सजाविथ जायि जादि ऑस्य बड्य-बड्य बेनर तु पोस्टर लगाविथ । हालस नेबरें बडिस वुजस मज पांच बरियि ब्रॉठ मारनु आमित्य लूकन हिंजु तस्वीरें लगिथ वैयि बड्यन बड्यन मदोरयन हृद्य बेहाल फोटू। अंदर गछन वाजि सड़कि अकि तरहुँ ओस अख बौड सायिबानु लगिथ यथ मज खेनुं चनुक मोकूल इंतिजाम ओस आमुत कर ।

 

छायि बॅर वुफ तु द्रायि नेबर। गेर्डे प्यठ हालकिस दरवाजिस तान्य सडक ऑस लगभग खोली । काह काह नफर ओस अंदर कुन अचान, ओई यो नजराह त्राविध सिगरेट कड़ान तु तथ दाम बरान। यि छाय ऑस बेकरॉरी सान यथ दोहस प्रारान। कति तान्य ओस तमिस बासान जि यि दोह करि तम्यसुंद तु पाचत्रि वर्यि बाँठ गरि कडिमित्यन लूकन हुद मुकद्र तय। अदर नेवर नजरा त्राविध बासेवि तमिल दिलस मंज अख आश तम्य त्राव हालस नेबžकनि देवारस प्यठ लगिथ गरि कुन नजर काह आसुँ बजनस तयार । हालस मज ऑस्य मसा पचाह नफर बीहिथ । छाय चायि वापस हालस गंज तु रटुन बालकॉनी हिंदिस कूनस मंज जाय।

 

बोनु हालस मज ऑस नुं कहीं सरगरमी । नेबर ऑस सडक ति खॉली। स्टेजस पत्यकिन्य अकिस कमरस मंज ऑस्य अमि प्रोग्रानिक्य कार्यकर्ता परेशान प्रोग्राम शुरू करनस ओस डोज घंटू चेर गोमुत तु खसूसी मेहमान ति आस्य वन्य कड्यन प्यठ । बालकॉनी प्यठ्ठे ऑस सौ छाय स्टेजस कुन लगातार नजर थविथ अथ्य मंज खोत अख नफर स्टेजस प्यठ तु हेतुन माइकन सत्य और योर करुन । हालस कुन त्राविन्य नजर तु बास्योस जन खॉली कुर्सी छे खेनि यिवान। अमिस ओस कागजन प्यठ सोरुय लीखिथ। मगर यि ओस परेशान। यि अनिस बनुन ओस सु ओस करीब पदाहशथ लूकन हुद ख्याल थविथ आमुत लेखनु । यलि जन अति ऑस्य मसा करिथ पंचाह शॉठ नफर। यिमन मज ति पदाह वुह ऑस्य पननी कार्यकर्ता।

""नमस्कार।" हालकिस साऊंड सिस्टमुँ मजु द्रायि अख आवाज। अथ आवाजि न ओस काह दम, न काह जोश। छाय आयि हरकतस मज तु करुन गर्दन हना ब्रोंठकुन । 

"मॉफी गछि दिन्य प्रोग्राम शुरू करनस गव चेर असि ओस करीब दोयव सासव लूकव योर यिनुक यकीन द्युतमुत। तिक्याजि यीत्य वरियि छुनु अख लोकुट समय। सॉन्य अख पुय गय खतम तु ब्याख गय खड़ा। यथ जन ने पननि जमीनि मज काह ति दिलचस्पी बासान यीत्य हव वरिय प्य वोत असि यथ कूशिशि मज जि सॉन्य मर्यादा जबान, रीति-रिवाज तु धर्म गोछ बरकार रोजुन मगर अज हॉर असि हेमथ। असि छु बासान सानि सास्य कुरबॉनी तु मेहनथ गय बेकार शायद ओस सोनी सोंच योस नै असि तुज परजनाविन्य शायद छनुं सान्यन लूकन पुरखन हिंजि जमीनि मज काह ति दिलचस्पी । असि गछि मॉफी दिन्य यिमन हालातन गंज हाकव न अस्य यि प्रोग्राम ब्रॉठकून पकनाविध सानि तर छ विनती अस्य चय्मव नेबरु कन्यथ चाय तु तीतिस कालस अगर बेयि केंह लूख आणि तु पकनावद प्रोग्राम ब्रोंकुन, नतु गछि असि मॉफी दिन्य, तोहि गव वख्त जायि। साजि"

बालकॉनी मज बिहिथ छायि बूज यि सोरूय तु गोड़ें करुन यकीन करनु निश इंकार। बास्योस तम्य बूल गलथ मगर युथुय बोनें हालेँ मंजु वुछिन लुख नेरान तु यखदम बासेयस दिलस दुबराय बडान। तमिस ओस नॅ वुनि यकीन यिवान जि सासुबदयव वरियव पतँ ऑस तमिस वन्य मुक्ति मेलन वाजिन्य। अथ खुशी मज कोड तम्य बौड वाशा तु दोशवय मोछि वचन तु लोग पनुन सीनु चैटनि, सीथ्य हेथ दिचिन बडि अख क्रख। हालांकि जमीनस प्यठ रोजान वाल्यव बृज ने स्व खोफनाम क्रख मगर सतन आसमानन गौद करिथ वॉच सौ आवाज काफी दूर तान्य।

"गुरु शुक्राचार्य! यिम लुख तु मूद्यमित्यन क्या मारि काह।" अथ्य सुत्य तुज छि पानय मुदयमुत्य अमि छायि बुफ।

यि कथ कर गयि शुरु तम्युक अंदाज लगावुन छु कॉफी मुश्किल । ति क्याजि यीताह हॅन छु तय जि शायद ओस सु देवासुर संग्रामुक समय । तारकासुर ओस पननिस महलस मज शराब किस नशस मज चूर । अज ओस तमिस खाँतरु खास दोह। दिवताहन स्यीत लडायि मज ओस तमिस अख अहम कामयाबी मीजिमुच । तम्य ओस स्वर्गस प्यठ कब्ज़ कौरमुत मगर आव दुवीख ओसुस जि यद्राजु तु बाकी दिवता ऑस्य स्वर्ग मञ्जु जिंदय चलिथ ददीचि रेषि सिदिस आश्रमस मज चूरि बीठिमित्य ।

तारकासुर ओस परेशान। सु ओस यि जानान अगर यद्राज जिंदु रूद तु तेलि क्कयीयि त्रिदेवव मञ्जु काह न तु काह तमिसिदिस मदतस। हालांकि तमिस ओस महादीव सुद वरदान। मगर सु ओस यि जानान जि त्रिदेव हमन कुनि षडयंत्र सुत्य तमिस हारनाविध तम्य सूच जि अगर यंदाज ज्यादुंकालस जिंदु रूद, तेलि छि असुरन हुज हार निश्चित यि ओस न तिमस मंजूर ।

तारकासुरन युत पननिस पानस अख झटकु तु कोडुन अथस मज शराबकिस गिलासस दूर कश 

"सुरापदमन!" पहलक्यन दीवारन सत्य टकराविथ गूजेयि यि आवाज सारिसी असुर लूकस मज अमि ब्रत जि तारकासुर दीहे बेथि अकि लटि बेयि पननिस लोकटिस बायिस आलव सुरापदमन वौत दोरान तु हॉपान बजिस बाविस ब्रॉठकुन

सुरापदमन, यिम कायर दिवता तु यद्राज चाय ददीचि सिंदिस आश्रमस मंज तु छि तम्यसिदिस व्यबिस मज चूरि बिहिथ सुबहाय सूर्य उदय ब्रोंय वात च सॉरी असुर सेना हेथ तोर तु करुन यि आश्रम नेस्तनाबूद याद थविजि दिवताहन मज गछि आव ति जिंदु राजन । यमि कथि हुँद थविजि खास ख्याल जि यद्राज गछि नुं मुनि ति हालस मज बचन

"बायेलाल तोहि माहरा में गछिव परेशान। यति हथोक नॅ दिवताहव स्वर्ग बचाविथ। यि ददीचि आश्रम कुस चीज छु। पगाह सूर्य अस्त गव स्यठा चेर, तोहि वाति खोशखबरी, दुपहर ब्रोंहुय ।" तारकासुरन कौर पननिस लोकटिस वायिस नालमोत तु द्युतनस आशीर्वाद ।

महर्षि ददीचि सिदिस आश्रमस मज ओस जन ति यमराज पाने आमुत अति पूरि बिहिथ दिवताहन ऑस क्रिहिन छठ फीरमुच । यद्राज ओस शरारतस मज नारोनार तु दुयमागस मज आसिस अकय कथ बार बार विवान जि तारकासुर किथकन्य हारनावन। तारकासुरन आस तस जबरदस्त शिकस्त दिचमुच तु ओसुन स्वर्ग मज

चलरोवमुत मगर चंद्राज ओस बुनि ति पननिस अहंकारस मज चूर। तमिस ओस बासान सु हेकि पननिस दमस प्यठ स्वर्ग वापस जीनिथ तमिस ओस महादेवस प्यठ ति शरारत। क्याजिकि तमिसिदि वरदान किन आसुँ तारकासुरस अपरमपार शक्तियि मेजमचें मगर तमिस ओस न किंही फिकरि तारान जि तस क्या पजि करुन । आश्रम यि कुटियायि मंज ओस सु सिर्फ ओ गोर्डे करान। नंदुर आँसुस नाबूद गमिय सारिवी दिवताहव ओस तमिस रछि खडि आराम करनुच सलाह दित्यमुत। मगर यद्राजु ओस अकिसीय कथि प्यठ रूजिव जि सु नेरि तु करि तारकासुरस प्यठ हमलु। शरारतस मज ओस तमिस यि तान्य मशिथ गोमुत जि स्वर्गस सुत्य सुत्य ओस तारकासुनर दिक्ताहन हिं तमाम हथियार ति नीमित्य अहंकार 1 तु शरातकिस अधकारस मज ओस नु तस काह ति पज़र बोज यिवान ।

यद्राजन कोड अस वाश तु द्राव अमि कुटियायि न्यबर । आश्रम केन कुल्यन कट्यन तु पोशन प्यठ आसु सिरिविधि जि जोतान ददीचि रेषिन्य चाठ तु भक्त ऑस्य पूजायि पाठस मज लीन। आश्रमस मज ओस चोपार्य शांत वातावरण । जन ति बैकुठ ओस अती बस्योमुत यद्राजन लाग्य आश्रमकिस नेबरिमिस दरवाजस कुन कदम कडिन । यमि ब्रोंठ जि सु पकिहे ब्रॉठकून आश्रमकिस दरवाजस स्यदुं दूर वोथ अख गर्द-गुबार तु भयकर आवाजन हुँद गर्जनाद यिम आवाजें आसुँ तीचाह | जोरदार तु बुलंद ज़ि आश्रमस मज सारिनी कुटियायन हुद देवार हुयतिन्य हिलिन । तु बरसप जन ति अख खोफनांक बुन्युल छु विवान चंद्राज गद पननि जायि रूजिव तु फ्यूर वापस हुपार्य द्राव ददीचि रोष शरारतस मज तर जावुन नेबरिमस बरस कुन दव।

दोह ओस स्ठा बड्योमुत। सिरी बगवान ति ओस लोसनस तयार। मगर सुरापदमन ओस तु वुनि ति वापस फ्यूरमुत। तारकासुर ओस स्यठा बेचैन तु परेशान तु ऑसिस केंह सवाल बारबार तंग करान ।

"अमा सुरा पदमनस क्या जि गव चेर। खबर सोरुय छा ठीक ठाख? यद्राजन मा वातनोम तमिस कांह नुकसान।"

हालांकि यिम सवालु आस्य तारकासुरस काफी परेशान करान। मगर सु ओस पननिस पानस यि दपित तसला दिवान जि यद्राजस छुनु वोन्य त्यूता ताकत जि सु वातनावि सुरापदमन हिविस शूरवीर असुरस काह जस्चर, मगर वुनिस तान्य सुरापदमन सुंद वापस न फेरुन ति ओसुस खोचनावान अथ्य परेशानी मंज रूद सु पननिस महलखानस मंज ओर यो करान । अथ दोरान रूद न तमिस वखतुक काह ज्वोन संध्या वख्त ओस डलनस तयार तु शाम ओस वा वाएँ अनिगटिच चादर वाहरावनिच तैयारी करान । तारकासुर ओस पनिस बायसिद्यन खयालन मंज बावलुं ह्यू रूजिथ तु समय डलनस निश बेखबर । तिमस ऑसनुं यीचाह ति स्वद रूजमिच जि सु बोजिहे नेबरु खड़ा पहरदारन हिज आवाज ।

"असुरराज, असुरराज,” यियि क्रकॅ आसुँ व्वन्य सारीसिय मोहलस मंज गूंजान तारकासुरस जन ओस जर प्योमुत। पनन्य खयालन मंज लीन ओस नॅ तम्येसिद्यन कनन तान्य किही ति वातान । सु ओस पननिस तखतस प्यठ अथन दोन मंज कलुँ रटिथ सुरापदमन्येन खयालन मज यूता मशगूल जि तमिस थोवुन तमिसिंद्यन फेक्यन प्यठ अर्थे तु लोगुस जोर जोर ज़ीर दिनि । जीर लगनुं सुत्य गव तारकासुर यखदम बेदार तू नेबरिम क्रकनाद बूजिथ दव्यव दरवाजस कुन। ओर ऑस्य केह सिपाही छवोकुलद सुरापदमनस क्वछि मंज पकनावान। सुरापदमन ओस बेहोश तु सोदुय पान ओसुस रतुदाव्य । अथ हालतस मंज़ पननिस बॉयिस वुछिथ रूद तु तारकासुरस कांह ताब तु तम्य हेचु जोर-जोर क्रकुँ दिनि 

"यद्राजस कति आव यूताह ताकत जि सु बनावि सुरापदमनस हिविस शूरवीरस यि हालथ ?" तमिसिदि शरारतुं तु खोफनाक क्रकव सीथ्य गय अति सॉरी असुर सिपाह भयभीतन तु जन गाख ज्यव न्यग्गलिथ । अथ्य शरारतस मंज रअट तारकासुरन अकि अथु अकिस सैनिकसिज गर्दन तू दोयिमि अर्थे सुत्य थवनस तलवार प्यठ । किथतान्य पाठ्य गड अम्य सिपहन गुल्य तु वोनुन व्यनती सान- "असुर राज क्षमा!" असि प्यठ करिव कृपा, असि छुनु कहुय कसूर । असि लोड जुव जानें सीथ्य मगर ददीचियन कअर सॉन्य सॉरी सेना कुनीजन्य नेस्तनाबूद अगर न अस्य कुनि किन्य अनहोन असुर कुमार तति बचॉविथ, तेलि आसिहे बॅड त्रठ पेरिच क्षमा । असुर राज, क्षमा!"

"असंभव... असंभव!” तारकासुरिन्य शरारत सान आवाज गूंजियि सारीसिय ब्रह्मांडस ।

"यि किथकन्य छु मुमकिन जि सिर्फ अख ददीचि हेकि सुरापदन सिज सॉरी सेना कुनुय जोन मॉरिथ । यि छँ जान दिवतन हज काह ब्याख चाल, मगर तिमन मेलि न कांह कामयाबी। अगर ददीचि छु यंद्राजस ब्रोंठकनि डाल बनिथ खड़ा, तेलि छु तम्य सुंद मरुन निश्चित । ग्वडु वातनाएँ ददीचि सिज जिंदगानी हुय अदः सु कायल यंद्राज रटोन कुनि ति सा ।"

(ब्रोंटकुन जॉरी)

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार:- कमल हाक  एंव, कॉशुर समाचार, जून 2018