लाचारी हुंद अनहार

रैथ सोरयाव नव रैथ आव 

राम जवुन नेचुन खोश 

निच खोश नोश खोश 

बड्य माज्य ति खोश 

अमापोज़ फक्त रामजू 

वोदास्य! त्रावान वोश 

सोंच सोदरस दिच्योम खोलुव 

पलि प्योग न किहिन्य 

करस प्रछुम राम जुवस 

"च्य क्याजि मोम " 

दर जवाब वोननम "

तथ्य लायक हय गोम" 

तनखाह यिनम वुह सास 

शुरेन बरुन फीस पाछ सास 

वानिस दिन्य छिम दह सास 

दोदु गरिस दारु ने सास 

निक्स निमुच वरदी 

स्कूल लगान छेस सर्दी 

निचि वोचमुत बूटस पार 

दोपि फिर शूर मगर बेकार 

तस अनुन तुम बोबु बूठ 

डेकुबजि बापथ ति जु सूठ 

तस छि वायिस गोन्दर 

बडिस घुस यभी रेतु खांदर 

तस छु गुल्य म्यूठ करुन 

सोनु वसाह छुस गरुन 

जुनय तु अख तलु गरुन 

दपान पानस ति गछेम आसुन सूठ 

खौरन बापच नोव बूठ 

तेलि हेक गछिथ खेनि साल 

नतु वननम तति जदाल ।।

जेनु जाय मुछिम

कशीरि हुंद ओसुस बसकीनदर 

परदेसस मंज़ फेरान अज़ 

दर-ब-दर 

पनु जेनु जाय गयम छेनय 

आवलुनिस मंज़ आमुत व हेनय 

जबरन चलरोवहस मुछिम जनु जाय

तनु वतुम चालान ग्रीष्म क्राय 

वन्य घुस गोमुत परछेनुय 

रेदु क्यन रिशतन निश छेनय 

वुम सोरुय वन्य क्याह हावु शान 

रावन त्यौल हुनु जांह मशान 

कथि कथि प्यठ वन्य कूथ वोतलान 

मोठमुत वन्य स्कून कथ वनान 

लोकचि कथि बडय कथ बनान 

बडान बडान कथय रावान 

असुन गिंदन गोमुत पोटॉस्य 

राह न आसान काह ठासान खास्य 

आतंकन करिथ थोय कशीरि तहराज 

रहज़नन हुँद वन्य तति राज अमनुच

अमनुच राजरेन्य यनु तति चुज्य 

रहिथ गामुत अस्य गमुच ज्यव कज्य “

निर्मल" गनैमुच छम वन्य कल 

गछहा वापस वतन जल जल 

प्रकरमस नेरुहा दीवी बल 

देवु माज्य भवान्य दियि रुल फल ।।

अस्वीकरण:

उपरोक्त लेख में व्यक्त विचार अभिजीत चक्रवर्ती के व्यक्तिगत विचार हैं और कश्मीरीभट्टा .इन उपरोक्त लेख में व्यक्तविचारों के लिए जिम्मेदार नहीं है।

साभार:- भद्रीनाथ भट्ट “निर्मल"  एंव कॉशुर समाचार मई 2018