- नाद
नाद
माजि द्युत आलव
तु आय
असि क्याह
करि पानय संज
शुर्य हय छि
रछिना
माजि हुंज़ दग छि दगय
यि छा नॅव कथा ।।
मॉज त्रन बवनन हुज़
शूबवन्य तु लूबवन्य
मौखस प्यठ असवन्य ग्राय
तु अथस मंज़ दन त द्यार
बिहिथ पोशि वॅथरन प्यठ
करान राज त
छान लोल शमव ।।
असान असि कुन
त वनान
यिमय छ तिम
यिमव ब याद ॲवुहस
पज़ि लोल
यिवान त करान
हवनुक संज
प्रथ व्यथ त्रवश
तु यि दोह छुना म्योन
म्यानि ज्यनुक
ब्रान छिम लोल
परान वेद मंत्र
त स्वरान छिम अँदरय ।।
४
ब वुछान चॆशमव वॅहरिथ
छलान ब्रांद
तुज क्रया त बावना
त दिवान छिम अशिवानि ग्वड
कॅरिथ सत सिंगार
तु पूज़िपोश लागान
तु वनान छिम
मॉज
बखश ज़ि असि
तु दया कॅरजि ।।
५
गोबर
लगहोय
चंदुपोरि हॉरवन
मे मॅशिथ गछ्या
तुहज़ वॉनी
ब छस ना येती
तु प्रारान तुहंदिस यिनस
क्याज़ि
यॆती छिव जामत्य तु प्यामुत्य
मैं छना छाय गछान
त अॅश टॉर्य छिम बरन यिवान
त में छम कल रोज़ान
तिक्याज़ि
तोय छिव म्यॉन्य
तब तुहंज़ मॉज
भवणिशरी
न बवनन हुंज़ मॉज ।
बावथ
छुमा ठिकान यति कांह
आसुन बसुन छु कॉफी
लॅजमुच दोर छि मनशस
गौमुत छु कूत परछौन
प्रछनस ति मा पनुन कांह
रॉवमत्य छि जन वतन प्यठ
आलव दिवान कुस कस
कॅम्य संज़ छि सथ में वन्यतव
सॉरी छि पॉन्य पानस
ब्रॉहकनि छ्यफ ह्यवान तिम
पनने हचे छि बाह त्रचि
बुजरुख सहार छय अॅछ कोठ
थावख अगर संबॉलिथ
तु रोज़ख ख्वश वुमर बर
अस्वीकरण:
उपरोक्त लेख में व्यक्त विचार अभिजीत चक्रवर्ती के व्यक्तिगत विचार हैं और कश्मीरीभट्टा .इन उपरोक्त लेख में व्यक्तविचारों के लिए जिम्मेदार नहीं है।
साभार:- एम.के. मोटू मोत एंव कॉशुर समाचार मई 2018