शिवपुराण कथ

 

यथ सृष्टि मज हिछ सदाशिवन, वाराह अवतार दारन कॅरमॅत्य, बूजितव यीत्याह असमानस मंज तारख छि, पृथ्वी प्यठ यीत्याह सैकिफॅल्य छि या यीत्याह कल्पन मंज रूदुपयर प्यवान छि

अकि विजिघृत ब्रह्मदेविन्य नचिव सनतकुमारन भगवान विष्णु चूकीदारन (जय तु जय) शाप तिम अस्य न केन (यिम सौंदर बच्चन हुँद रूप दॉरिथ ऑस्य) भगवान विष्णु सुंद दर्शन करन दिवान सनतकुमारन युत तिमन यि शाप जि तिम हेयिन पृथ्वी प्यठ, रॉक्षसी जन्म। तिम जायि पतु कश्यप ऋषि तु दिती सद्य जुनेविव विमन हिरन्युकश्यप तु हिरन्यक्ष नाव ओस ।

ब्रह्माजी गॅयि भगवान विष्णुहस निश तु कोरुख तिमन जार पार भगवान विष्णुहन दौर वराह (सौर) अवतार तु कॅडॅस पृथ्वी प्रलय कि समदर मंजु तु हिरन्यक्ष दिचॅख मुक्ति टॅमिस मृत्युदड दिथ पैलि हिरन्यकश्यपन बृज जि विष्णुजियन मौर तेम्यसुद टौठ बॉय, सु ब्यूठ दहन सासन कॅरियन ब्रह्माजी सिंज तपस्या करन्थि ।

ब्रह्माजियन नस दर्शन तु पुछन कि तेंमिस क्या वर गछि असुरन दोपुस, कांह ति जीव युस त्वहि बनवत छवीन गछि न मे मारुन चाहे नु सु मानव, जंगली जानवर या अमर आसि । म्यौन मैरुन गछि नदोहलि या रातस, हेरि या बोन, गरस अदर या न्यैबर, पृथ्वी प्यठ या असमानस प्यठ या कुन्ति ति अस्त्र / शस्त्र सुत्य सपुदिन्य।"

ब्रह्माजियन द्युत तॅमिस यिम वरदान । हिरन्दुकश्यपस बास्यव जि सु गव वन्य अमर शुन्नमथ सासन वॅरियन कॅर अॅम्य शवन्यी लूकन मज स्यैठाह अत्याचार । इन्द्रदेव तु दीव हयैकय न अॅमिस मॉरिथ, न ब्रह्माजियस निश तु कॅरॅख तिमन पूजा जि तिम कॅरिन अमिस राक्षसस निश तिमन बचाव ।

हिरन्यकश्यपस ओस अख नेचुव जामुत मिस नाव ओस प्रहलाद। यि ओस विष्णुजी सुंद बड़ भक्त। मॉल्य वोन नेचरविस जि सु छन्यि टॅमिस मॉरिथ अगर सु विष्णुजियस पूजा करि तिक्याजि मॉलिस अॅस विष्णुहस सत्य सख्त नफरत । विष्णुजी द्रायि अमिस राक्षस सिदिस राज्यकक्षस मंज ोंकि कुटिया मज। विष्णुजी ऑस्य विक्राल रूपस मज, नु मानव न जंगली जानवर। क्रक दिवान दिवान, रोट तिमव यि दानव, न्यूख महलु किस दरवाजस प्यठ, यो जाय न अंदर ऑस नु न्यैबर । तिमव तुल यि दानव, पनुन्यि कौछि मंज, युस न पृथ्वी प्यठ तु न असमानस मज औस, तु नरसिंह अवतारस मज मोर तिमव सुदानव, तु पन्न्यव पंजव सत्य कॅरिख अम्यसंदिस दिलस टुकर टुकर‍, सध्या समयस प्यठ युस न दोह ओस न रात। नरसिंह अवतार ओर प्रथ तरफ दजान यौतान्य असमान ति छुनुख जॉलिथ । दिवताहन चायि तॉर कि अगर यि उग्र रूपी अवतार गछि न शांत, यि छुन्यि सॉरसिय सृष्टि भस्म कॅरिथ ।

शिवजियन सूज प्रहलाद नरसिंह अवतारस निश। अम्य क्रूर अवतारन तुल यि शुर यकदम पनुन्यने नरवन प्यठ, कोरुख तॅमिस नालुमौत तु बुथिस कोरहोस प्रेमसान मौन्य युथुय दिवताहन मौक म्यूल तिम दौरयि वैयि शिवजियस निश तु वौनुहस, "हे महादेव, तोही योत हैकिव असि बचविथ 

शिवजियन सूज वीरभद्र नरसिंह अवतारस निश। अॅम्य विक्राल अवतारन थौव प्रहलाद पथर वार वार, तु फयूर वीरभद्रस कुन, "विष्णुजी, मत्स्य कूर्म तु वराह रूपस मंज बचावथन यि सॉरिय सृष्टि । वन्य क्याजि छिव तोहय सृष्टि नष्ट कॅरान? हे नारायण, तोहय कॅरितव यि विक्राल स्वरूप शांत तु पन्यिस असली रूपस मज यीतव ।"

मगर यिम अवतार छि विशेष आध्यात्मिक आसान । नरसिंहन दिचु क्रक् पनिन्य पंजु कँडिन न्यैबर तु दौपनस, "बु छु काल जगतस नष्ट कॅरन वौल, यि सृष्टि छि म्यानी प्रकृति हज अख हिस्सु । हे गणदेव, बु छुस काल सुंद महाकाल तु बु छनख तारख ति ख्यथ । "

वीरभद्रन त्रौव असुना तु वनश्होस, "हे विष्णुजी, तोहि छुवु ना बैयि काह अवतार दारुन युथ, तोहय छिव यि पॅत्यिम अवतार मानान? तोहय छिव बडि बडि क्रकु दिवान, तिक्याजि तौहि मौरवोम अॅख तुच्छ दानव । भगवान शिव, यिम पृथ्वी तु स्वर्गस मज, इद्राजस तु अग्नि दीवस मज, यमुदीव तु वरुण दीवस मज, जून्यि हदि गाश तु अन्युगटिस मंज, प्रकट छि सपदान, तिमव छि मे आज्ञा दिचुमॅच जि अगर तोहय शांत गछिव नु, भैरवनाथ गछि नाराज।"

मगर नरसिंह अवतारन दिचु तीच क्रक् जि सारिनॅय तारखन चायि थर थर । तिम बन्ययि सृष्टि खोत बॅड़य, मौत खोत खतरनाक तु सृष्टि द्युतुख नार। वीरभद्रन थेंव बॅग तु गव गॉब तु यकदम गव भगवान शिव सुंद प्रकाश पृथ्वी प्यठ, असमानस प्यठ प्रथ कुन्यि जायि व्याप्त खतरनाक तु अजीब रूपस मंज। यि प्रकाश औस न सिरिय सुंद न जूनि हुद, यि औस प्रजुलान तु अन्यिगोट तिनु जाह समुद अमी कोदुरती गाशु मंजू द्वायि शिवजी व्यकुराल सूरतस तु शरबु रूपस मज। तिमव ओस अॅकिस तिथिस वुडवॅन्य जानवर सुंद रूप दोरमुत यस सौन रंग औस तु खौफनाक ति ओस। अम्य सिजि पर आस स्यैठाह जेछर वाजिन्यि, तिमन ऑस्य अख सास खतरनाक पंजु, ददन सान, चौन जन्गन प्यठ वातुर्वॆन्यि, छोचिल्य तोतु क्रिहन्य गरदन, अछय, तु अजीब हुकार मारान। शिवजी न्यिस अथ रूपस ब्रोहकन्यु ऑस्य नरसिंह अवतार सिरियस निश अख क्योम बासान।

भगवान शिव यिम गुप्त रूपस मज ऑस्य, तिमय गाँड नरसिंह पनुन्थि लेंचि सूत्य तिमव करेंटय यिम पनुन्यन पंजन मज तु वुडयि असमानस मज । तेंति कौर तिमव नरसिंह अवतार सँदिस उग्र रूपस अत यिमव प्रलाद मारनु खॉतर जन्म ओस हयोत | भगवान विष्णु आणि वन्य पनन्यिस असली रूपस मज तु वनहोस, "हे महादेव, तोही छि असली बचावन वॉल्य सोही येत्य हेकिहिव यि उग्र रूप मौकलॉविथ ।"

विष्णुजीयन कौर नम्र नमस्कार शिवजियस शिवजियन चौट नरसिंह अवतार सुद मॅसल त नुख दि पानस नॉत्य, तेंमि दो पतु अॅम्य सुंद कल ओस शिवजियिन्यि कलुमालि हुद अख बोड़ कलु । 

वन्य बूजिव तोहय विष्णुजियस किथुकन्य म्यूल्य सुदर्शन चक्र-

प्रान्यन युगन मज़ औस अख असर श्रीदमन येन सृष्टि प्यठ विजय प्रॉमॅच ऑस माता लक्ष्मी ओस अमित अख खास वर युतुमुत श्रीदमन तु बाक असुर गवि स्वर्गस। तति ऑस्य तिम विष्णुजी सदि छाति प्यठ श्रीव हीर यछान चूरि न्युन ।

भगवान विष्णु वुडेवि कैलाशस कन अॅक्यरॉय टेंडिस प्यत वदन्यु रूजिथ कॅर तिमव दहन लछुन वॅरियन तपस्या तिमव कॅर 1 शिवजियस पूजा, मानस जीलि प्यठ अन्यिर्मेत्य श्रच पम्पोशव सुत्य शिवसहस्त्रनाम क्यन अख । सास नावन कोरुस प्रथ दोहु उच्चारण। भगवान शिवन न्यूनस अख पम्पोश चूरियन खतर जि विष्णुजी सज पूजा कॅचाह भक्ति सान छि तिम कॅरान तु बेयि विष्णुजियस तैरया फिकिरि जि अख पम्पोश छु कम। भगवान विष्णुहस तौर यकदम फिकिर जि अख पम्पोश छु कम । तिमव दून वैकुंठ, पृथ्वी तु पाताल पूरे रोच मगर मीजिख न केह | पगा सुबहन यैलि तिमव 999 नाव पॅरय, तु पॅतिमिस नावस सर्वस्वालम्बुना परनु पतु कॅर्डेख पनिन्य अख अॅछय शाती सान तु बॉदेख सो शिवजियस प्यठ। शिवजियन त तिमन दर्शन गाशि बॅजि तु तिमन द्युतुन समयचक्र रूपी अस्त्र सुदर्शन चक्र ।

यि सुदर्शन चक्र ओस महादेव सोन चरणकलमव सुत्य बनाउनु आमुत । यि चक्र छु त्यूताह प्रजलान जनु तु देहसास सिरिय चमकान छि। अकि वैरियिक पाठ्य छि अथ शेश्तरिवि छड़ आसान, शे मजिम दुरी आसान, तु जु थप् आसान । मंजियन दुरियन मज छि नौम दिवता आसान।

अग्नि, सोम, मित्र, वरुण, इद्राजू, इंद्राग्नि, विश्वदीय, प्रजापति हनुमान धनवंत्री तमस तु तपस्या, बाह रॅथ्य तु बाह राशि आसान। अथ मज छि पंच तत्व याने हवा पौन्य, नार, पृथ्वी, तु आसमान ति आसान। दुरियन हद्यन अदन प्यठ छि प्रलयुक अबुर, नमुत्र, तारख तु गृह आसान। यिमव निश दूर छि मुनि आसान। सदाशिव सुद महामासमु ति छु सुदर्शन चक्रस मज आसान।

वनान छि जि यैलि विष्णुजियन सुदर्शन चक्र रोट, महादेव सुद मन ओस वॅन्थि ति श्रीदमन राक्षस याद करान। विष्णुजियन दोन शिवजियस, "हे महादेव, में किथ पॉठ्य बेहु पछ जि यि चक्र गछि प्रथ सूरतस मज सफल?" शिवजियन दोपुनस, "तोहय अजुमोदित यि ये प्यठ।"

भगवान शिवन चॅलोव यि चक्र शिवजियस कुन अॅम्य तेज तेज फेरवेन्य चक्रन करेंय महादेव सदिस शरीरस ने हिस्स मगर शिवजी रुद्य वौतुदन्यु विष्णुजी पेंयि शिवजियस पॅरन । शिवजियन वोनुनख शांति सान, "हे विष्णु तोहय वॅथिव थोद। म्यॉनिस प्रकट शरीरस योत गयि टुक्र में पोशि न काह ति अस्त्र या शस्त्र । यिम हिस्सु रोजन हमेश मानवन मज हिरन्यक्ष, सुर्वणक्षतु विरूपक्ष रूपन मज ।

तोहय मु हेयिव फिकिर तिक्याजि मैय बौनुम तौहि यि चक्र में प्यठ चलावुन । तोहय बॅडिव त अम्यी सूत्य कैरिव दुश्मनन नाश।

भगवान विष्णु वुडेयि वुडेयि वन्य कैलाश प्य सुदर्शन चक्र होथ तु कॅरिख सॉरी दुश्मन नष्ट। श्रीदमन राक्षस दिवताहन बेजुति ऑस कॅरमॅच येम्य जगतुक सौरेंय दनु ओस चूरि न्यूमुत, रूद विष्णुजिय ब्रहकॅन्यि क्रकु दिवान विष्णुजियन वौनुनस, "हया राक्षसा, चॉन्य जिन्दगी गछि वन्य अत।"

वेचा खोत तेज, सुदर्शन चक्रन चोट, अॅमिस राक्षसस कल। तम्यसंदि पापसान शरीर निश दोशक्य हिस्सु प्येयि हिमालय प्यठ् अॅकिस गहर वोजुलिस रंगस मज बौनकुन भगवान शिव सज पूजा करान करान आयि भगवान विष्णु वापस अमर समदेरस मज शेषनागस प्यठ लैन्यि तु आराम करन्यि ।

(स्त्रोत: लिखस्य सिजु डायरी तु शिवपुराण)

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार:- कन्हैया लंगर  एंव कॉशुर समाचार  मई 2018