- दूर रूजिथ अज ति निश बासान छुम
दूर रूजिथ अज ति निश बासान छुम
है अछव निश दूर रूजिथ अज ति निश बासान म्यै छुम ।
अज ति बासान जान अछरन हज सु करनावन म्यै छुम ।
अज ति प्रेमी सुद प्रेय्म छुम मज दिलोजगरस बसिय
चालू गौ सुद भावि मियल बुद्धि अज चैतस पावान म्यै छुम ।
मालि मज कुन लाल ओसुम छालि कृम्य तान्य नियूव चटिथ ।
बालि कर्यनम तालि वागन छालि वदनावान म्यै छुम ।।
दारि तल तथ वारि मज कुनि वारि छुनु दुध गुल फोलान ।
बुलबलन हुँद कुछ पुचुन वृह्य सीनु भ्य कतरावान म्यै छुम ।
गशि यिथ छु न बाशि करनय खाबु युन तस मौश न जाह ।
आबु अछ ह्यथ बैकजा मरनुक सदम् बावाण म्यै छुम ।
यि छु रीतन ब्रम जि गालन जान्ह अदीबन हुन्द वजूद।
अलिम अदबकि नूर कुछ सोय अज ति प्रजलावान म्यै छुम ।।
वह्य पता ऑस्स नु मद्यन्न शाम गछिथय फैरि शब ।
सरवुनन अरमान रूदुस शर सु मोचरावाण म्यै छुम ।।
गवहरुन बस यी दुआ जातस जन्नत कर्यनस अता ।
यि छु तसन्ज अजमत अगर कांह वुनि ति प्रजनावान म्यै छुम ||
(स्वर्गीय सर्वानंद कौल प्रेमीयस श्रद्धांजलि)
अस्वीकरण:
उपरोक्त लेख में व्यक्त विचार अभिजीत चक्रवर्ती के व्यक्तिगत विचार हैं और कश्मीरीभट्टा .इन उपरोक्त लेख में व्यक्तविचारों के लिए जिम्मेदार नहीं है।
साभार:- अशोक गवहर एंव कॉशुर समाचार मई 2018