मोमबति आसना सानि माईग्रेशनि विजि

कॉन्सति माजि कोरि सुत्य तु खास करिथ लोकचि मोसूम बच्ची कृत्य गौर इनसॉन्य सलूक करनस प्यठ छु प्रथ कॉन्सि हुद दिल गावरिथ जियादय दुबरारय करान विथय्न लूकन हदिस हयवॉन्यतस छुनु कान्हति साथ दिवान। चाहे यिम कोरि जम्मू कश्मीरस सुत्य तालुक छि थावान या भारत किस कुनि ति कानस मज़ विथ वाक् पेश ययिनत या चाहे यिम मासूम कोरि कुनति समाजस तु कुनिति मज़हबस सत्य तालुक ऑस्यतन थावान नृ छु कनून, न समाज तु न छु इनसॉनियत अथ हैवानियत किस हरकतस इजाजत दिवान। मुलुकस मंज यति ति अभि कुसमुक वाकू मंजरि आमस प्यठ आव, अद् लूकव, मीडिया तु सिविल सोसाइटी बातनोव मुलजिम पनुनिस सही मुकामस ताम ।

रियासत जम्मू कश्मीरस मज ति आव हालय केंह काल ब्रोठ यिथुय वाकह पेश। अमिस मासूम बच्ची सुत्य यम्य ति नफरन गॉर इनसॉन्य हरकत रिथ सो कतल कर तस गछि ज़रूर सख्त खोत सख्त सजा दिनु सुन ।

दिल्ली मज दिसंबर 2012हस मंज़ पेश अमति वाकस तु कटुआकिस वाकस प्यठ कर्य लूकव दुस भारतस अंदर मोमबति जॉल्य जॉल्य जबरदस्त ऐतिजाज। तमाम लूख तु मीडिया ति रूद मुजरिमन सजा दियावनावन खॉतरह दबाव बढवान् ।

कठुआकिस मामलस प्यठ छि सोशल मीडिया तु खास करिथ कंचन मुकाँमी लूकन अंदर सवाल पद स्पदान। लिहाजा छु जरूरी बनान जि कठुआ वाकुक गछि आला सतही तु तहकिकॉती एजेंसी दुस्य वार पॉठ्य जांच करनावन दिन, ताकि असली मुज़रिमिस ययि सजा दिनु तु बेकसूरस गछि न नाहक सजा मेलुन ।

मगर कॉशरिस बटस खॉतरह छु हमेश अख सवाल यि रूदमुत जि क्या यलि 1990तस मज जनान सुत्य असमतदरी करन पतु तिम कतल कृरिथ तिहज लाशि सडकन तु मदानन मज दॉरिथ दिन आयि तमि सातु न द्राय आम लूख न द्वायि सिविल सोसाईटी तु तु द्वायि तिम लूख मोमबति हॉय हॉय यिम विथय्न वाकन प्यठ हमेशि नेशन छि।

क्या 1990तस मज आसु ना मोमबति, किन काशिरि बटू कोरि तु जनान् ना इनसान क्या तिम आसुना भारतीय समाजचि कोरि । तिद्य मुजरिम छि वुनि ति आजादान पाठ्य फेरान थोरान। तिमन कर मेलि सज़ा, तमियुक इंतिजार छु प्रथ कॉन्सि ।

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार:-   एम.के. भट्ट निर्धन एंव कॉशुर समाचार मई 2018