शहीदन हंज़ ग्रंद जाॅरी

 

माजि कशीरि हंदि हिफाजत खाॅतरह छै शहीदन हंज़ ग्रंद जाॅरी । त भगवानय छु जानान जि यि ग्रंद कोत ताम रोजि जाॅरी। माॅज्य कशीरि सरहद अपारिक्यन दहसतगर्दन दुश्मनन लुटेरन त वादी मंज पाकिस्तान नवाज त अलहयदगी उनसरन निशि बचावनन खाॅतरह छि सान्य बहादुर सिक्योरिटी ऐहालकर खोर ज ठीकरिथ मुकाबल करान करान जू ताम कोरबान करान मगर दुश्मन संद्य नापाक त हकीर मनसूब छि न कामयाब स्पदन दिवान । त दुश्मनस नेंदर गालन खातरह छि यिमसान्य बहादुर सपूत दोह रात डटिथ रोजान । त दुश्मनस नेंदर गालन खाॅतरह छि यिमसान्यं बहादुर संज सपूत दोह रात डटिथ रोजान। त दुश्मन संज प्रथ कांह चाल नाकाम बनाबिथ छि यिम काल पगह पनयन शहादत ताम दिवान।

शहीदन हंदिस अथ तवील फिहरिसतस मंज सपुद नवजवान काॅशरिस बट लडक दीपक कुमार ठुस्सू सुंद नाव ति शामिल । बहादुर नवजवान काॅशरिस बट लडक दीपक कुमार ठुस्सु सुंद नाव ति शामिल । बहादुर नवजवान काॅशुर बट लड़क दीपक कुमार ठूस्सूहन गोंड दहशतगर्द खत्म करन खाॅतरन तमी दोह होल यलि दोह तमाम काॅशर्य बट जंगत्रेय मनावान आॅस्य । अकि तरफ अस्य काशिर्य बट रच त फ्रुस ज़ंग पालान त दोयमि तरफ ओस काॅशरि बट कोमुक बादुर जवान दहसतगर्दन सत्य लड़ान । राॅत्य रारस मजबूती सान लड़न पत त पांछ दहसतगर्द हलाक करन पत त्राॅव्य दीपक कुमार ठुस्सूहन पनयन प्रान त करन शहादत हाॅसिल । सवाल छु यि वोथान जि आॅखर कोतताम रोजि यि शहादत जाॅरी। अकि तरफ छु पाकिस्तान जंगबंदी हंज़ लगातार अदूली करान त सरहदी अलाकन मंज रोजन वालयन सिविल बसती त सिक्योरिटी ऐहलाकरन हंज़न चोक्यन निशान बनाबान।

गोर करन वाजयन कथ छै यि जि अमि खाॅतरह कुस छु जिमवार । साॅन्य लीडर त हुकुमरान किन कमजोर पालसी त किहमतअमली । दरअसल छि जम्मू कश्मीरस मंज केंह सियासतदान पनयन हकूमत जाॅरी थावन खाॅतरह दहशतगर्दन त अलहायदगी पसंद उनसरन खलाफ नरम पालसी अपनावान । त तिहिंदिस हकस मंज वोल दोल बयान ति दिवान । हरगाह कांह लीडर तिमन खलाफ पोज बयान दिवान ति छु अद तस सुंद आस बंद करन खातरह छु तस यकदम सजा दिन यिवान।

अमिच ताजह मिसाल छै रियासतकिस साबक खजान वजीर हसीब द्राबू संज । काल द्युत तिमव बयान जि कशीरि हुंद मामल छु न सियासी बल्कि छु यि मजहबी मसल । अद दोयमि दोह आव सु कुरसी निशि हटावन । यिछ हिशि कोरबाॅनयह छै जाॅरी।

                                                             

अस्वीकरण :-

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार:- एम के भट्ट निर्धन एंव कॉशुर समाचार अप्रैल,2018