हारी पर्वत मंदर

 

सांन्यिस मुल्कस मज छि वारयाह मशहूर मदर। तिमव मंजु छु अख मदर हारी पर्वत।

हारी पर्वत मंदिर छ अॅकिस पहाड़ी प्यठ बनावन आमुत। अॅमि मंदरकि पॅत्यकिन्य छु, किल्ल प्यठ कशीरि हुद बौड़ शहर तु रेतुकॉलिच राजधानी सिरीनगर साफा बोजन यिवान। अथ किल्लस छि दुरॉनी किल्लु वनान। अथ अॅन्द्य अॅन्दय छि मॅसलमानन तु सिक्कन हिंदय जें मशहूर मशीद त अख मशहूर गुरुद्वार ति बनावन आमित्य।

दरॉनी किल्लु अथ पहाड़ी प्यठ ओस मोगल पादशाह अकबरन ईसवी सनु 1590 मज, दुश्मनन निश बचाव मूजुब, अख मजबूत किल्ल बनाबुनौमुत । बौनुकन्यि जमीनस प्यठ, अख न्येबुरिम मजबूत तु थौद, कन्यव तु मसालव सत्य दीवार बनानोमुत। अथ अंदर ओस तिमन पनुन्यि खॉतर अख राजधानी बनावुनुख खयाल । मगर यि आयि न जाह बनावुनु । ईसवी सन् 1808 मंज़ आब पादशाह शुजा शाह दुरॉनी संदिस हकूमतस मज, अख किल्ल बनावुनु । तवय थोवुख अथ नाव दुरॉनी किल्लु।

शारिका भगवती हुद मदर यि मदर छु बट्टन हुद अख बड़ दरमॅच जाय मानन यिवान। अथ पहाड़ी हदि मगरिबी डांस प्यठ छु मॉज्य शारिका भवॉनी हुद मदर बनावुन आमुत। अथ मंदरस मज छि जगत अम्बा शारिका भगवती हज पूजा शक्ति रूपस मज करन यिवान। अॅमिस भगवती छि अरदाह नरि आसान त यि छि श्रीचक्रस प्यठ ध्यान कॅरिथ छु अख पूजा करन वोल नफर मुक्ति प्रावान। अथ मंदरस छि प्रद्युमन पीठ ति वनान।

हार नवम दोह छु, प्रथ 

वरिय माता शारिका भगवती हुद जा दोह मनावन यिवान। अॅमि दोहू छि बट्ट मातायि, तेहर तश चरवन नवीद दिवान।

मॅसलमान मशीद हॉरी पर्वतकिस जनुबी हिस्सस मज छि मखदूम सॉबिन्य मशीद। अथ मशीदि छि वनान हमजा मखदूम। ईसवी सन 1600 मंज ऑस्य अख सूफी ऋष यिमन कॉशिर ऑसय हॅजरत सुल्तान बनान। व्याख मशीद छि नॅजदीकॅय, यौसु ईसवी सनु 1700 मज छि अॅकिस सूफी ऋरेष संदि नाबु आमेच बनावनु। अथ छु नाब शाह बदखशी मशीद।

गुरुद्वार छट्टी पाठशाही यि गुरद्वार छु सिरीनगर रॅन्यवारि कोंठ्य दरवाजस निश बनाउन आमुत। यि गुरुद्वार छु कशीरि हुद सारिवंय खोत बोड़ सिक्कन हुद गुरुद्वार। प्रॉन्यिस जमानस मज ऑस्य हर गोबिन्द सिग (यिम सिक्कन हंदय शैयिम गोर ऑस्य) कशीरि मंज फीरमॅत्य। तिम ऑस्य अॅथ्य गुरुद्वारस मंज रुकान तु अत्यि प्यतु ऑस्य ओर योर पनुन मजहब फैलावनिच कूशिश कॅरान।

प्रान्यि कथुः अख कशीरि हज प्रॉन्य कथ छि कि कशीर ऑस्य स्यैठाह बॅड़ पान्युक नाग यथ सतीसर अॅस्य वनान। अथ मज़ ओस अख खतरनाक राक्षस रोजान, येमिस जलोदभव (पान्यि मंजु वौपुद्योमुत) ओस नाव । यि राक्षस ओस तिमन दोहन कॅशीरि मंज रोजन वाजेन्य सोरॅफ जॉच्य तंग करान तु ख्यैवान। अंमिस राक्षसस ओस वरदान म्युलमुत जि तॅमिस हैकि नु काह ति पॉन्यिस मंज मॉरिथ यिम सोरफ गयि पनुन्यिस राजस निश मदुदु खाँतर। अॅमिस राजस औस नाव नीलनाग। तिम गयि पनुन्यिस मॉलिस ऋेष कश्यपस निश, यिम थदि पायिक ऋष ऑस्य तु ब्रह्मा जियिन्य बुडिडबब ऑस्य। तिमव कॅर जबरदस्त तपस्या, यिमन सोरफन आदमखोर राक्षसस निश बचावुनु खॉतुर । यिमन द्युत शारिका भगवती दर्शुन तु द्युतूनख वरदान । तिमव कौर वरमुलिस निश पहाड़स बौड़ गोद येमि किन्य शायरी पुण्य द्वाव न्यैबर। शारिका भगवती बदलाव पनुन रूप अॅकिस हारि मंज तु तोति मंज तुल्लुख अख कन्यि फोल। यि त्रीव तिमव अत्यथ। यि कन्यि फोल गव वार वार बड़ान त बन्यव अजकल किस हारी पर्वतस हयुव। अँथ्य तल दब्यव सु । राक्षस तु मूद।

ब्याख प्रॉन्य कथः केह बुड्ड्ु छि वनान जि स्येठा प्रान्यि जमानु अँस्य जु राक्षस चन्ड़ तु मुन्ड यिम कशीरि मंज ऑस्य रोज़ान। चन्ड़ रूद, अजकल किस हारी पर्वतस निश, सतीसर किस पॉन्यि मज चूरि। यिम दोशुवय राक्षस ऑस्य कशीरि मज सोरफन सख स्येथ अनान तु मारान। अति कॅर अॅक्य ऋष जबरदस्त तपस्या। तिमन द्युत शारिका भगवती दर्शुन तु द्युतुनख दर्शुन तु वरदान। तिमव कौर पॅनुन रूप अॅकिस मैनायि मज तबदील तु सो हॉर वुडेयि तु अथ्य पहाडी प्यठ (यथ सुमेरु पर्वत ति छि वनान) न्यूख पनुन्यि तौति मज कॅन्यि फोल। यि कॅन्यि फोल त्रौव तिमव राक्षस चडस प्यठ। यि कॅन्यि फोल गव वार वार पहाड़ी बराबर। अॅम्यी पहाड़ी सुत्य गॅयि राक्षसस म्यट तु मूद । अथ्य पहाड़ी प्यव पत नाव हारी पर्वत। अॅमि तलु छु नॅनान कि यिमन दोशुवॅन्यी कथन मंज छनु खास केंह ति फर्क।

अस्वीकरण :-

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार:- कन्हैया लंगर  एंव कॉशुर समाचार 2018, फ़रवरी