चूर गॅयि नंग

 

किताब परान परान च्यून काक सॉबन ज़ि फिशिंग हँदिस त आश्की हँदिस मशगलस अंदर छे स्यठाह मुशबिहयथ । मसलन, द्वश्वय मशगल छि इंतिहा दजिक्य सबर आज़मा, द्वश्वुन्य मंज़ छि तलाश लाहक, द्वशवुन्य मंज़ छु अख शिकॉर्य तँ अख शिकार आसान (कुनि कुनि छु शिकॉरी शिकार सपदान), आशकी मंज़ छु शिकॉर्य कामुदीव सुंद पोशि तीर ह्यथ तँ फिशिंग मंज़ बिसलय ह्यथ शिकारस नेरान, आशक छु माशोकस रंग रंग तिथय पॉठय रंजुविथ मॉयिल करनुच व्वथ छांड करान यिथु पॉठय गाड़ शिकार्य कसम कुसमुक्य बेट (दान) इस्तिमाल करिथ छु गाडि बिसलयि सॉत्य फॅसरावुन यछान, आश्की मंज़ छि ति थी खदशि यिथय फिशिंगि मंज़ छि (मसलन कनि कन्य गछुन, बद ख्यन्य, रब गछ्न्य, फॅटय फॅटय नेरुन बेतरि) तंज़बजुब छु द्वशवुन्य मंज़ ह्युवुय, मॉयिल गछिथ छु माशोक ति यल गछनु बापथ व्वट ळ करान तें माहिये बाआवक्य पॉठ्य छूट छूट करान, अशुकुकछु मुशकक्य पॉठय आलमस पय लगान त गाड् शेहलुन छु महलस पारय करान, आशक छु गूठ गुंठ सरिगरदान फेरान त सहरावन हँज़ खाक छानान त फिशिंग करन वोल गाट् गा रब मांडान, द्वशुवुन्य शौगुलन मंज़ छि नाकाम गछन वाल्य मय खानन वातान त शराब सात्य पानस कबाबु करान, वगॉर, वगार..... काक सॉबन कर्य केंह खास न्वक्तु अमि किताबि प्यट् कागज़ वर्कस प्यठ नोट । द्वयिमि दोह (यॉनी आथवारि दोह) सुबहस हरिब मामूल येलि सु हाख सॉबस सॉत्य पनुनि मशगल बापथ द्राव तम्य तुल यि कागज़ वरुक सॉत्य । तमिस ओस व्यैशवास ज़ि तम्य छि किताब परिथ कॉफी छल हयछिमित्य त अज़ फसि तम्यसँजि ब्रिसलयि जरूर गाड । अमापुज़ बदसमती वुछिव, सॉरी छल गय बेकार त तिम ह तिन नाव्वमेद गर्छन्य । यूत यूत गर फीरिथ गछुनुक वख नख ह्योतुन वातुन त्यूत बॅडयोव तिमन द्वश्वुन्य दोस्तन तशवीश ज़ि खबर अज़ क्याह तनॅज़ त टॉन आसि शांतन त शामन सूचमुत । तिमन ह्यतिन शर्मसारी किन्य ऑरख फटॅन्य । काक सॉबन वुछ हाख सॉब वुठ चापान । तमिस बास्योव अज़ चूर्यमि आथवारि ति खाली गर अचुन गव पनुन पान नालायकि महज़ सॉबिथ करुन त पानस कमालि बैमूदी करनावुन्य । तम्य सूंच अज़ पेयि केंह सबील करॅन्य न तु रोज़व न तुम्बरि बुथ्य दिन्य लायख । व्यथ दिथ ज़ कार सॉबस अक्लि हँज़ ट्यूब लाइट । तम्य वॅट बिसलय त बैग फैकिस प्यठ विथ वौत हाख सॉबस निशि । पर्नेन्य बिसलय हवाल करान करान वोनुन तस, “तोह्य प्रॉरिव येती, बु आसव पदहन मिंटन मंज़।" कॅल किस कैश क्लॉरकस तसँदि साइकलन्च कुंज यि वेनिथ ह्यथ ज़ि, “मई, एक जरूरी काम याद आ गया। पंद्रह मिनट के लिए तुम्हारी साईकल चाहिए” द्राव सु कलब मंजु, लॅजिन जलगुरिस लथ ते वोत कॅदलस प्यठ अॅकिस गाड़ कॅनन वालिस निशि । अॅमिस ह्यचन किलो किलो वजुनुचि ताजु जु गाड़ मॅल्य, अख काहशीर तँ अख सुरमय । गाड् वॉलय ह्यचायि हरिब मोमूल यिम पठावनि अमापुज कार सॉबन कोरुस ठाख । जोलस मंज़ गाड़ त्रावनाविथ, जोल सॉयकल हैंडलस अलोंद त्रॉविथ लॅजन ज़लगुरिस लथ तें चतुर चतुर पायडल मॉरिथ वत फीरिथ क्लब । जलगुर थोवुन पननि जायि, कुंज़ दिचॅन कॅलॉरकस तें वोथ गाठस प्यठ हाख सॉबस निशि । तम्यसंज़न अॅछन मंज़ सवाल डींशिथ वनिन तस तसुंदिस जोलस मंज़ अख गाड त्रावान त्रावान पनुन्य कारगुज़ारी यि वनान वनान ज़ि "अज़ ति टांय टांय फिश सपदान वुछिथ दोप म्य ज़ि गरिक्यन हंद्वव टसनवु निशि पान रछन् बापथ पैयि अज़ केंह न त केंह करुन ।" यि बूज़िथ वॅट हाख सॉबन ति पनुन्य बिसलय बेतरी तें द्वशिवय द्राय गर कुन । काक सॉबनिस गॅरिकिस गेटस प्यठ वुछा पॅलास्टिकुक पलव छलनुक टब त अथ मंज़ प्लास्टिक्क्य चोर पांछ रंगा रंगय गुरन पॉनिस मंज़ यीरान । हाख सॉब ह्यचोन यि टसन बुछिथ स्योदुय नेरुन अमापुज़ काक सॉबन दोपूस त्वति “वलिव ग्वङ् वुछव येति क्युथ बुथ गछि शांतस सानि गाड़ बुछिथ ।” तम्य कॅड जोल मंजु गाड तँ त्रविन बोन कुन नमिथ त्वति टबस मंज़। बथष्युन कुछ तम्य ड्रायिंग रुमचि जालिदारि मंज्य शै जोर अछयन हुँद्य काक सबिन्य तें हाख सॉबन्य कारगुज़ारी वुछान । तमिस लोग पय ज़ि शामा जी ति छि अँदर । तम्य वन अॅछव सॉत्य हाख सॉबस ज़ि ति त्राव जोल मंजु गाड टबस मंज़ । हाख सॉबनि टबस मंज़ गाड त्राववुनय तुल काक तुल काक सॉबन टब कलस प्यठ ते “गाड़ हा छवो, सॉदरवार गाड़ हा छवो”, वनान वनान पोक कवाटरकिस दरवाज़स कुन । हाख सॉब पोकुस पत पत बमुश्किल असुन रटिथ तिहिंदि दरवाज़स प्यट वातन हुय मुचुर शांतन बर। शाम तें शुर्य ऑस्य तस पत बड़ इश्तियाक् त तजसुस सान यिमन द्वश्वुन्य त टबस कुन वुछान । शांतन वौन काक सॉबस, “हय म्योन मरुन छुव म्ये नय हॉविव टबस मंज़ क्याह त्रोवव त्वहि । गाडय या किन बियि केंह ।" काक सॉबन वोल टब कल प्यट् त थोवुन पतिमिस 104 ब्रांडस प्यठ पथरिसा द्वश्वय जनानु त च्वश्वयशुर्य गय टबस अंध अंध व्वदुनि हार। च सानाटवजि कर्य कर्य वुछान । तिमन ऑस ने प यिवान ज़ि टबस मंज़ यिम यीरान छ तिम गाडय। आ र दिच खूच्य खूच्य शांतन अॅकि गाडि ज़ीर त पत् रॅटून अथ सात्य ज़ाहिरा यि स करन बापथ ज़ि ना पज्य पॉठ्य छा यिम गाडय अथ लॉगिथ येलि तसला गोस तमि तुजि यिनद्वश्वय त थव्यन चोकि सिंकु‌किस ड्रेन बोर्डस प्यठ । शांतन दित्य यिमन इंगिश्ति शहादच (ग्डनिचि ऑगजि) सॉतय नेक्य । तमि वोन शामस कुन “कुछ तु यिम क्याह गयि सॉदरवार गाड़।” पर लोलु सान हाख सॉबस त काक सॉबस कुन बुछिय(यिम जन चोक बरस प्यठ बदनी जनानन हु रदिअमल नोट ऑस्य करान त यिमन यि फ्र ओस ज़ि यिम गछ न गाडन चोंठ मुचुरिथ बिसलाय काँटवय जखम छारनि बेहनि), “बूज़िव ना म्योन चायि कप कप चेयिव । त कद दिथ करिव श्रान अॅस्य पॅ वोवु यि सुरमय गाड तीतिस कालस त सॉरी ख्यमव अख अख गन्य तलिथ चुन्यकिस बतस सॉत्य । यि माहशीर थवोनव बु पठरिय शीरिथ त अथ छनव शामनस रस ।” शामसकुन वोनुन, “लागी चॅ चायस जु कप त दियिमन, पत लाग क्राय। बु छ्नय वल्य वॅल्य यिम गाड् परिथ।" काक सॉब तँ हाख सॉब चाय ड्राइंग रुमस मंज़, शुर्य चाख पत् पत् । ब्यवुनुय पुछ काक सॉबस पननि पांच वर्यशि हियि, “पापु, यि गाड येलि बिसलयि लॅज्य अमि कॅर ना व्वथ छांड पान आज़ाद करनॅच?” काक सॉबनि केंह वनुनु ब्रोंय कोर बड़ ड्रामॉयी अंदाजु गाडि हुदि बेटस चौप कडनस सॉती कटॅिस फसनुक, काँटस लैंगिथ चतुर चलनुक, सॉरय रज़ म्वक्लनु पत कम अज़ कम अॅडिस गंटस यल गर्छेनु बापथ छूट छूट करनुक त छेनिथ पतु स्वतुन तँ तिहँज (काक साबन्य तँ हाख सॉबन्य रज़ वार वार वटनुक, गाडि हुँद बॅटिस निशि वातिथ चलनचआँखरी शिश करनॅच, तिहंज़ रज़ पानि मंजू गाड ह्यथ कडिथ स्व बठिस प्यठ त्रावुनुक ख्यॉली कस बयान । हिय व स, “यिमव गाडव आसन मरन ब्रोह स्यठाह छेठ दितिमित्य । तोहि ओव ना आर?" हाख सॉब गव यि सवाल बूजिथ रस म्ये ह्यवॉथि गाड फीरिथ दरियावस त्रा न्य अमापुज पत् सूचुम 'घोड़ा घास के साथ आशनायी करे तो भूखा मरे । बुछ बी ववदुरतन छु प्रेथ जीवस मरनुक सबब, समय त थान गंडिथ थोवमुत । प्रेथ जीवस छु क्वदष्त ख्यन च्यन ति ज़्यनस सॉती सोज़ान । केंह जानवर छि गारसस, नीरिस, सब्जी बेतरी प्यठ प्रथान तिम छि शाकाहारी । यिम शाकाहारी त मांसाहॉरी जानवर छि क्व रतुचि ख्वर्दनी हंज़ि हांकलि हंद्य अहम कर्य । च्यूंकि अॅस्य छि मांसाहारी असि रचि यिमष् गाड़ त अति गर ख्यनु बापथ । येलि चु बजि जमाँच खसख च परख ख्वर्दनी हंज़ि हाँकलि मुतलक तफसील सान ज़ि क्वदरथ किथु कॅन्य छु दुनियहस मंज़ तवोजुन थवान ।” यि फलसफ बूजिथ गयि ही वारय हॅवय नॅ बॅक्य हिश । अमि ब्रोंह जि स्व करिहे बियि कांह सवाल चॉयि शामा जी चाय हयथ बैठकि मंज़ । काक सॉबस तँ हाख सॉबस चाय पिलवान वोन तमि शुर्यन, “यिम हा छि किमित्य। इमन दियिव आराम सान चाय च्यनु । गॅछिव तोह्य गिंदिव तामथ कैरम ।" काका सॉबन त हाख सॉबन त्रोव प्रख तँ छितु करन वोल सवाल प्रछ्न्य । शामा जी ति द्रायि शुर्यन पत् पत अमापुज़ काका सॉबन दि स पत्य किन्य केख, "हतु बी हाक बॉय, च त काक बाय थाव्ययव पंचँहि रपय किलो हिसाब गाडन हंज हार तैयार। तथ वॅसिव नॅ बख्वदा दुम्बर्य।" शांता जी ति बूज़ यि चोकस मंज़ तँ सारिनुय सात्य असुना करिथ दिचॅन तती प्यट् क्रख, "दपुखी ख्यथ करव हिसाब ।" कॉशुर समाचार अगस्त 2025 चोरि दोह पत ओस वॉशॉकी हुँद तातील । अमि दोह ओस पांच व्य बटु गरव नखुकिसय अँकिस बागस मंज़ पिकनिक करनुक प्रोग्राम बनोवमुत । काल सुबहस वौन शांतन काका सॉबस "शामस बॉग्य गछव बाज़र त सो बापथ अनव पुश पलव । यि जोर छु वन्य रून्योमुत। बियि ति ऑस्य म्ये जु चोर सोदा करॅन्य गरि बापथ ति तँ पगाह पिकनिकस मंज़ सॉत्य निन बापथ ति ।" काक साब, शांता जी तें शुर्य द्रॉय चाय च्यथ साडि पांचि शामस पैदल कॅदल अपारि किस बाज़रस मंज़ खरीदारी करनि । गंट जोराह खरीदॉरी कॅरिथ फीर्य वापथ । कदल तरुवुन गव काक सॉबस कनन आलव, “नमस्ते साहब” । काक सॉबन दिच खोवर्य नज़र । अति वुछुन गाड् बोल अॅमिस कुन बुछिथ असान । काक सॉब व्यसुर्योव त व्वशल्योव । तम्य फ्युर कल अमापुज़ गाड़ वाल्य वोनुस, "क्यों साहब ऐतवार की मछली कैसी थी? थी ना ताजी? आज भी वैसी ही है मेरे पास । ले जाइये। सस्ती दूंगा।" काका सॉब गव रस वयसरि । शस ने रथ कुनि । कल व्वन कुन छनिथ तँ गाड़ वॉलिस जवाब दिन वरॉय वोनुन शांतस, “पकिव जल जल । बु थोकुस ।” गाड़ वाल्य कोड ब्रोड तँ अथव सॉत्य होवुन हॉरथ । शांतस खत ग्वड हना खश्म अमापुज़ रछा गछिथ वोनुन तंज़िया खंद करान, “म्यै ति दोप नाबुकारन कति आव ओबरय । तुहंदि पपर पछिमॅच छँ त्वहि व मॅच वन्य छि तुहंज़ व्वथ छांड बेसूद । वन्य यिन् आथवारि दोह बैयि रब मांडनि नीरिव । बियि क्याह मंजेव पाँचु हि ह्यथ पंचहि हार। अद् जान तारेव तोहि । भगवान लासुविन अमिस गाड वॉलिस येम्य, जन तुहँज़ चूर नंग कर ।” काक सॉबन कोर जलज़दु सुंद असुन त वनुन शांतस, “वन्य थविजि यि कथ पानुसँय ताम। यिन् शामिजियि वनख त करनावख तेजप्रकाशस खजालथ।"

डिस्क्लेमर:

ऊपर दिए गए आर्टिकल में बताए गए विचार लेखक के अपने विचार हैं और kashmiribhatta.in किसी भी तरह से ऊपर दिए गए आर्टिकल में बताए गए विचारों के लिए ज़िम्मेदार नहीं है। आर्टिकल उसके मालिक या मालिकों का है और यह साइट इस पर कोई अधिकार नहीं रखती है। कॉपीराइट एक्ट 1976 के सेक्शन 107 के तहत कॉपीराइट डिस्क्लेमर, आलोचना, कमेंट, न्यूज़ रिपोर्टिंग, टीचिंग, स्कॉलरशिप, एजुकेशन और रिसर्च जैसे मकसदों के लिए "फेयर यूज़" की इजाज़त देता है। फेयर यूज़ कॉपीराइट कानून द्वारा इजाज़त दिया गया ऐसा इस्तेमाल है जो वरना उल्लंघन कर सकता है।

साभारः   हृदयनाथ कौल 'रिंद' "कोशुर समाचार" – 2025, अगस्त