सेज़र पजर तु शोज़र

 

समसार छु छोट ऑसिथ ति ज्यूट, म्यूठ ऑसिथ ति कूठ, बुलरावान ब्रोमुरावान, छुलरावान, नॅशिरावान तु तम्बुलावान । सनिरस तु गनिरस न सनुनय दिवान, आवलन्यन मंज़ आवरिथ ति शाह फ्युर तमि आयि करनावान तु बालु तालि हुंज़ि आशि ज़िनति इंज़ आश बुजनाविथ दम सन्दा नावान । सम्सारकि माया जालुक चक्कर छु प्रथ काँसि पननिस मंज़ तिथ कॅन्य वलान जि जम्मांतरन छुन अमि दलदल मंजू पान म्व लॉविथ ह्यकान । समसारस छि जु रोख, अख गव पज़र तु ब्याख अपुज़, पज़र गव गाश, पज़र गव सिरी भगवान अपुज गयि गढ़, अंधकार तु रॉच हुँद अनिगोट। गाश छु प्रसन्नता दिवान त गट खोफ तु डर । असि छु दोह्य यिमन दोशवुन्यन हुँद सामन करुन प्यवान । सिरी भगवान तु गाश छु असि दोहदिश पजुरच च्यॆनुवन दिवान, मगर सॉन्य प्रकरथ छि असि यि पज़र मॅशिरावनावान तु अनिगटिस तु अंधकारस कुन ब्रमुरावान, तिक्याज़ि अनि गटि हंदि परदस तल छि अॅस्य बद फेलन कुन लगान तु जन्म जायि करान । दपान मनषि जन्म छु दोरलभ, खबर कॉतिहव ल व जन्मव पत छु यि मेलान तु यि छिन अरूस पनन्यव क्वकरमव किन्य जायि त हायि करान, तिक्याज़ि अज्ञानवश छि अॅस्य मूर्ख बॅनिथ अमिच कदर तु कुमथ मॅशिरावान तु व्यशियन पथ दूरिथ तु देविथ सैकि सहरावन इंधन सराबन पत दोरान । चूंकि भगवान छु स्यठाह दयालू, सु छु रहबरी बापथ तु रहनुमाई बापथ असि गरि गरि वत हावख तु गाशि तारख समसारस मंज़ कॉशुर समाचार अगस्त 2025 सोज़ान । यिम गय ग्वर, पीर, अवतार तु दोस्ती ख्वदा। ग्वर गव युस सॉन्य अनिगट दूर छु करान, असि पज़रुक गाश छु हावान तु अथ रोट कॅरिथ यथ समसार सागरस अपोर तरच वथ हावान । यिथ्य ही महापुरुष छि प्रथ योगस मंज़ रहबरी करन बापथ जन्मस वखतु वखत आमृत्य । यिमुन्य ग्वर दीवन मंज़ ओस सोन जगत गरु भगवान गोपीनाथ जी महाराज ति आमृत्य यि दि यिन च्वापॉर्य नाय नूर जाव । भगवान जी ऑस्य योग पुरुष, कम गो ऑसिथ ति बिसियार गो । कतरस मंज़ समन्दर तु लफ्ज़स मंज़ ल्वगत आसनुक तु व्यतावनुक बितुर । छोपि हंज़ि भाषायि बोलुनुक्य बेअंत माने गुपिथ । अँकिस अॅकिस दोपिस मंज़ कि अकि अकि पुस्तकि हुंज़ व्याख्या सपदिथ तु तोति रोज़ि व्याख्या तशन लब । भगवान जियुन अख दोप छु "सेज़र, पज़र तु शोज़र" straightforwardness, truth & purity. यिम छि सैदय बोदय शब्द, मगर प्रथ शब्दस छु अर्थन हुंध अंबार गुपिथ यिमन व्याख्या करान करान कागदन इंद्य अंबार ति कम गछन । प्रथ शब्द छु मानियल तु डेखिजल । अस्य वुछव व्यठ्य पूठ्य पॉठ्य यिमन शब्दन हुंद माने । ग्वडन्युक शब्द छु "स्यज़र" स्यज़र छु जिंदगी मंज़ प्रथ कदमस प्यठ हाजत, कथि हुंद सेज़र, वति हुँद सैज़र, वरतावुक तु वातुन्यारुक सेज़र, वनुनुक त सनुनक सैज़र, मेन तोलुक सेज़र वुछनुक तु बोलनुक सैज़र, पकनुक त टुकनुक सैज़र, परनुक तु लेखनुक सैज़र, जुवनुक त मरनुक सैज़र गर्ज़ ब्रिजि ब्रिंजि तु चिहि चिहि छु सैज़र हाजथ सेज़रस छु लरि लौर हजर । अगर हजरस कुन मनुष गछि तेलि गछन सारेय हैयिमि वनिमच कथु हजि तु जन्मस यी खुर, अवु किन्य छु प्रथ कुनि हुंद सैज़र हाजथ । "पज़र :- पज़र छु प्रकाश युस नूर बॅरिथ छु यथ ब्रह कनि अपुज़ तु अनिगोट कदम ह्येकि नु दें रॉविथ । पज़र छु हमेशि पोशिवुन त शुभुवुन । पज़र गव हरिचन्दराजुन युस अख मिसाल छि। अख अपुज़ पॅज़रावनु खातर छि सास अपुज्य प्यवान वनुन्य तोति छुन अपुज पज़ान । पजुकिस ऑनस छन् जाह खय लगान । हालांकि पज़र छु ट्यठ तु हिरि वालुन छु क्रूठ । पज़र छु गाशिच आश, गाट्जारुक बाश तु वाँसि हुँद दाश नदाश । पज़र छु जोतवुन त पोशवुन नूर न म्वकलवुन धन दौलत पज़र छु दय तु दयि सुंद आसुन तु बासुन । वाँसि मंज़ पज़र वरताविथ छे वाँस रथि खसान तु तार लबान व्यवहारुक पज़र, वरतावुक पज़र, वतन तु कथन हुँद पज़र छु मंज़िलस ताम वातुनस मंज़ सहायता करान पोज़ व्यवहार छु आनंदमय जीवन गुलि म्यूठ करान तु निर्भय बनावान । पोज़ छु प्रथ ज़मानस तु मकानस मंज़ पनुन्यव क्वठ्यव देरिथ तु डोख या डखिच छसन आवश्यकता। पोज़ छे बुन्य यस अंन्दना पॅखिस शीतलता तु दृढ़ता छे बखशान । ईमानदारी हुंज़ बुनियाद छे पज़रस प्यठ, पज़र छु नार द्राव स्वन युस ज़मानस मंज़ म्वलुल छु येमिच तेह जांह कम कि न गॅ िथ। पज़रस छु पनुन वछि बछर, माने गन्यर, वत् स्यज़र तु प्रेयिवुन प्रेन्यर । J. Krishnamurthy सुंद वनुन छु "Realm of truth is a pathless land. पज़र छु गाह छुट्वुन, 110 वाह वाह ज्येनवुन तु स्वत्वुनि वाँसि बखशिवनईमानदारी मंज़ छन् अपजिच कांह जाय। Faust सुंद वनुन छु Honesty is more than lying, it is truth telling, truth speaking, tr living and truth loving." "शोज़र :- शोज़र गव श्रीचर, मिलारोस असुन शोज़र आसन खातर छु स आसुन ज़रूरी, साफ आसन खाँतर व्यचार इंज़, शौद संस्कारन तु समचारन इंज़ शोकमनुच तु तनुच शोदी, तनि हुंद प्रेन्यर छु आर तु वख्ती मगर मनुक प्रेन्यर छु पोशिवुन, आय बखशिवुन, रोचुवुन तु गाह छट्वुन । अग न शौद आसुन जरूरी छु आसिहे तेलि क्यािछु यज्ञन, तपन, ज़पन तु पूजाई बाँह शो यिवान करन् । वृतन मंज़ शोद भूजन करन खातर बानन बरतनन हंज़ शोदी। शोद ख्य च्यन, शौद व्वहार, शौद आचार व्यचार आनंदमय, स्यैदि स्यद दिलस प्रभावित करान तु मनस तु व्यचारस प्रेयिवुन आसान । शोरसोंच आसुन छु वतन हंज़ सही निशानदि करान तु वातुनावान स्वखु शिहितिथ मंज़िलस शौदिस व्यवहारस छु ओर ति शोद व्यवहार समखान तु जिंदगी मॉस्यमन्द तु खोशयिदुन बनावान । शौदिस मनस मंज़ छु दय वास करान अव किन्य छु शोज़र ज़िंदगी हुँद असली रस त रसिजारुक आगुर । यिमव कथव तल छु यि साफ सपदान जि ज़िंदगी मंज़ अगर स्यज़र, पज़र तु शोज़र आसि तेलि सपदि ज़िंदगी स्वखमय तु सफल, त ज़िंदगी हुंद असल मकसद ति यी बामल । भगवान गोपीनाथ जियुन ति दोप अगर पज़ि मन प्रथ काँह पॉनिरावि, तैलि बनि ज़िंदगी, समाज किहो समसार लूभवुन तु शूभवुन ।

डिस्क्लेमर:

ऊपर दिए गए आर्टिकल में बताए गए विचार लेखक के अपने विचार हैं और kashmiribhatta.in किसी भी तरह से ऊपर दिए गए आर्टिकल में बताए गए विचारों के लिए ज़िम्मेदार नहीं है। आर्टिकल उसके मालिक या मालिकों का है और यह साइट इस पर कोई अधिकार नहीं रखती है। कॉपीराइट एक्ट 1976 के सेक्शन 107 के तहत कॉपीराइट डिस्क्लेमर, आलोचना, कमेंट, न्यूज़ रिपोर्टिंग, टीचिंग, स्कॉलरशिप, एजुकेशन और रिसर्च जैसे मकसदों के लिए "फेयर यूज़" की इजाज़त देता है। फेयर यूज़ कॉपीराइट कानून द्वारा इजाज़त दिया गया ऐसा इस्तेमाल है जो वरना उल्लंघन कर सकता है।

साभारः मोती लाल कौल 'नाज़    "कोशुर समाचार" - 2025, अगस्त