क्रिकेट मादानस प्यठ आपरेशन सिंदूर

 

भारत तु पाकिस्तानस दरमियान कान्ह ति मुकाबल तु खास करिथ क्रिकेट मेच छि दुस्त मुलक क्यन लूकन दिलच दुबराय बडरावान । यि मेच छु नु सिर्फ एकिस खेलि ताम महदूद रोज़ान, बल्कि छु भारती लूकन अन्दर भावना, इतिहास तु मुलक कि फखर तु शान बापथ, जोश तु जज़ब आसान। दुबई मन्ज़ हालय अन्द वॉतमितिस एशिया क्रिकेट कप किस फाईनल मैचस मन्ज़ दिच भारतन पाकिस्तानस पाँचव विकटव सत्य जबरदस्त शकस्त तु खताब करुख शानदार पॉठ्य पनि नाव । यि अहम मैच जीनिथ स्पुद तमाम भारती लूकन हुन्द सीन चौड़ । डोल, नगाडु, बान्गडा तु पटाख आयि त्रावन । पाकिस्तानस आव पन अवकात तु पनुन हस्यत हावन । अथ अहम तु पुरवेकार मैच ज़ेननस प्यठ कर्य तमाम भारतक्यव रहनुमाहव, तु वजीरव तु लीडरव भारती क्रिकेट टीमस मुबारक तु तारीफ । प्रधान मंत्री श्री नरेंद्र मोदी जीयन ति कोर अथ शान्दार जीत हॉसिल करनस प्यठ पनुनयन हम वतनन सत्य जबर्दस्त खुशी हुन्द इज़हार। तु यि शान्दार जीत दिख क्रिकेटमादानस अन्दर 'आपरेशन सिंदूर करार । ऐकिस सोशल मीडया पॉगामस मन्ज़ वोन प्रधानमंत्री नरेंद्र मोदीयन "भारत दुस्य खेल मादानस प्यठ प्रथ कान्ह जीत छै सानि बहादुरी, नज़मो-जबुत, तु यकतच मिसाल । यि छु सुय जोश तु जजब, यस मुलकस नवय्न बुलन्दियन ताम वातनावान छु। यि फईनल मैच छु आपरेशन सिंदूरक्य पॉठ्य होसल, हिकमति अमली, तु जीत दर्ज करनुच मिसाल ।" असि काशर्यन बुट मैग्रन्टन खातरह ति छै यि ऐशिया कपच अहम तु शान्दार जीत खून बडावनस बराबर । यि छु पाकिस्तानुय, यिमन हन्ज़ि दहशतगर्दी किन अस्य कॉशर्य बटु पनुनि कशीरि मन्ज़ मजबूरन चलरावन आयि । क्रिकेट मादानस अन्दर यि शानदार जीत ति छै असि खातरह कामयाब ऑपरेशन सिंदूरच हिश जीत । यिथ किन्य भारतक्य टीमन सबर, यकुत, त होसल थाविथ जीत दर्ज कर,तिथय किन करि सोन समाज ति दहल्य वादन हुन्द मुसीबत तु मुशकिलात दूर करिथ पनुन मन्ज़ल तु मुकाम दुबारह हॉसिल ।

डिस्क्लेमर:

ऊपर दिए गए आर्टिकल में बताए गए विचार लेखक के अपने विचार हैं और kashmiribhatta.in किसी भी तरह से ऊपर दिए गए आर्टिकल में बताए गए विचारों के लिए ज़िम्मेदार नहीं है। आर्टिकल उसके मालिक या मालिकों का है और यह साइट इस पर कोई अधिकार नहीं रखती है। कॉपीराइट एक्ट 1976 के सेक्शन 107 के तहत कॉपीराइट डिस्क्लेमर, आलोचना, कमेंट, न्यूज़ रिपोर्टिंग, टीचिंग, स्कॉलरशिप, एजुकेशन और रिसर्च जैसे मकसदों के लिए "फेयर यूज़" की इजाज़त देता है। फेयर यूज़ कॉपीराइट कानून द्वारा इजाज़त दिया गया ऐसा इस्तेमाल है जो वरना उल्लंघन कर सकता है।

साभारः  एम.के. भट्ट  कोशुर समाचार" – अक्टूबर, 2025