कॉशन बटन खातरह 2025

कॉशर्यन बटु मैग्रन्टन खातरह रुद वरी 2025 ति तिथुय यिथ्य पुतिम 35/36 वरी रुद्य। हालान्कि जम्मू कशमीर कचन आम कियहो सियोंसी हालातन मन्ज़ आयि दफा 370 खत्म करन पतु कति कोर बेहतरी / 1990 पतु औस जम्मू कश्मीर तु खास करिथ कशीर, दहशतगर्दी हुन्द अख खतरनाक गड बुनयोमुत । जायि ऑस्य बम तु ग्रनेड दमाक, क्रास फायरिंग । काल पगाह सिवल कफियू । नार बॉजी तु पुथर बाज़ी। दहशत गरदन तु पॉकिस्तान नवाज़ लूकन हन्द्य होसल ऑस्य स्यठा बुलन्द । मगर 1914 हस मन्ज़ नरेन्द्र मोदी सन्ज़ि रहनुमायी तहत सरकारस दौरान आव जम्मू कशमीर कयन हालातन मन्ज़ वारियाह बदलाव । खास करिथ स्पुद अख नोव बाप 5 अगस्त 2019 पत शरू। दहशत गर्दी हुन्द आव होट चीरन / दहशत गर्दन खलाफ आयि स्खत कारवॉयी करन । तु अज़ छि कुशीरि मन्ज़ हालात कति कोर बेहतर । लूख छि बे क सान कुन गछिथ हेकान, फीरिथ यूरिथ हैकान । लूख छि पनुन रोज़गार कमावान आराम सान । सियाहत छु बड्योमुत । सॉलॉन्य छि प्रथ सयाहती मुकामस प्यठ भारह तेदादस अन्दर वातान । लूकन हन्दिस कारबारस अन्दर छु इज़ाफ स्युदमुत । स्डकन तु कदलन हुन्द छु जाल वहरावन आमुत । बजि बजि टन्ल छै तामीर करन आमचह । रेल राबत छु कॉयम करन आमुत । कशीर छै बयि जन्नत बनेमुच । मगर अफसूस सान छु यि वनुन प्यवान ज़ि काशिर्यन बट मैग्रन्टन हन्ज हालथ छै तिछ्य, यिछ यि सन 1990 तस अन्दर ऑस । कॉशर्य बटु मैग्रन्ट छि वुनि ति खस्त हाल केम्पन अन्दर पुनम्न ज़िन्दगी गुज़ारनस प्यठ मजबूर । वरी 2025 ति सोरयोव । कॉशर्य मैग्रन्ट वापस पननि कशीरि मन्ज़ बाज़ आबाद करनच छै न कान्ह ति कथा करन यिवान । पुरमितय्न लीखमित्य बटु कोरग्न तु लडकन छै नु सरकार नोकरी फराहम करिथ हैकान । मैग्रन्टन हन्द्यन कय्मन हन्ज़ हालत छै स्यठय खराब त खस्तु । कॉशन बटु शुर्यन छै पडायि मन्ज़ ति स्यठा परेशॉनी व्यतरावन्य पय्वान / बटु शुर्य छि नु इन्जीनरन्ग वरॉय बुयि बकी आला तॉलीम हॉसिल कुरिथ हैकान। सिव सर्वसीज़ खाँतरह नु छै यिमन रहबरी तु नु होसल अफजाई करन यिवान। कुल हुम पाठ्य वनव ज़ि कॉशरिस बटु कोमस तु खास करिथ कॉशरिस बट मैग्रन्टन हुन्द मुस्तक‌बिल छु स्यठा अनिगटिस कुन लमान । कॉशुर बटु मैग्रन्ट छु बेहाल तु बे बस पानस महसूस करान ।

 

 

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार:-  एम.के. भट्ट   कॉशुर समाचार दिसंबर 2025-12-01