माताय हन्ज़ लीला

 

मोह निन्द्राय मंज़ मत सावतम, बुज़-बुज़ छुम गछान वुज़नामतम, आश छम च्यॉनी गाश हावतुम ।।

वुज़-बुज़ छुम गछान वुजनावतम ।।

जयरी करनि बु आयस लारान, बर च्यानि प्रारान ओश हारान, यचकाला गोम वन्य म्य मुख हावतम ।।

वुज़-बुज़ छुम गछान वुजनावतम ।।

कुस छुम च्य सिवाह कस वन ज़ार, कुसुय बोजि म्योन कस ईय आर, पननय्व होत पथ सथ च्यनी छम ।।

वुज़-बुज़ छुम गछान वुजनावतम ।।

छखय च बोज़ान तमसिन्द विलज़ार, यस आसि न कांसि निश वननस वार, कन थव लोल सान हाल म्य बोज़तम ।।

वुज़-बुज़ छुम गछान वुजनावतम ।।

केन्ह हय लोल आय लोल पोश हथ, केंचन छु कन्द नाबद अथन केय्थ, अथ छन्य आयस मत मन्दछावतम ।।

वुज़-बुज़ छुम गछान वुजनावतम ।।

छुम क्याह ती अनय बु डॅली, खाली आमच छस सवाली, अनुग्रह करतम तु अथ डालतम

वुज़-बुज़ छुम गछान वुजनावतम ।।

मन पोश अर्घ क्या लागय प्राण, आशि वान्य लोल सान करह श्राण, क्याह छुम अनय ती म्य वनतम ।

वुज़-बुज़ छुम गछान वुजनावतम ।।

अछन हन्द मणिफुल वन्दय पादन, कन थावतम लोल नादन, चरण कमलन तल जाय त्रावतम

वुज़-बुज़ छुम गछान वुजनावतम ।।

छस ना दास चान्य कासतम गम, बन्द बान्दव हय्थ वार थावतम, ही त्रिपूर सुन्दरी नज़ाह म्य त्रावतम ।

वुज़-बुज़ छुम गछान वुजनावतम ।।

होल छुम मनस मन्ज़ यच छुम लोल, दर्शन चान्कि यच छुम होल, मुख चानि फुलिहा गुलि कोसम ।

वुज़-बुज़ छुम गछान वुजनावतम ।।

छस पथर प्येमच गमच गीर, हालि दिल कस वन कस बाव सीर, बनतम म्य चे रोस कुस म्य बोजियम ।

वुज़-बुज़ छुम गछान वुजनावतम ।।

नख नख रोज़तम तु बोजतम ज़ार, सोज़तम मायि बोछि माज़ि हुन्द प्यार, करतम दया अज़ हलम मरतम ।

वुज़-बुज़ छुम गछान वुजनावतम ।।

छुमय जूठ मंज़िला कठ संसार, वनतम च्य रोस कति लगि तार, कुस छुम साथी तु कुसुय हमदम ।

वुज़-बुज़ छुम गछान वुजनावतम

पोशि पूजा करय पोश सुन्दरी, पोशन मन्जुल करय पोश गुन्दरी, पोशव मन्ज म्य माता मुख हावतम ।

वुज़-बुज़ छुम गछान वुजनावतम ।।

अस्वीकरण:

उपरोक्त लेख में व्यक्त विचार अभिजीत चक्रवर्ती के व्यक्तिगत विचार हैं और कश्मीरीभट्टा .इन उपरोक्त लेख में व्यक्तविचारों के लिए जिम्मेदार नहीं है।

साभार:-  इन्द्रा गंजू   कॉशुर समाचार दिसंबर  2025-12-01