खोशहाल कशीर, बदहाल मैग्रंट

कुनि ति मुलकस या कुनि ति रियासतस अंदर छै खौशहॉली यमि कथि सुत्य परखावन यिवान जि अमि रियासतुक बुनियाँदी डान्चि कोता मज़बूत तु कोता जियादह छु। तु यलि तरकी याँती कामि जोर शोर सान तु शुद मद् सान चलान आसन, यि छु इशारह करान तमि रियासतुचि खोशहॉली हुंद। अमि खोशहॉली तु यिमन तरकियाँनी कामय्न हुंद अख बोड़ इशार छु असि मेलान सानिस जम्मू कश्मीरस मंज़ ति, सु ति खास करिथ मजि कशीरि मज़।

असि वोन गोड्य जि तरकियती कामय्व सत्य छै हय्कान खोशहॉली परखावनु यिथ कशीरि मंज ति छै मुलकुक्यव बाकी रियासतव मुकाबलु तरकी हंजु कामि हमेशि तेज रफ्तार सान चलान रोज़मच। अमिच टाकार मिसाल छै यि जि कशीरि मंज यीछा ति तरकियाँती कामि स्पुजमछु छै तृमियुक १० प्रतिशत ति छै नु जौमिस या लद्दाखस मंज़ करन आमचह। हालाँकि कशीरि मज़ यिम असि वुनिक्य प्रावन आमित्य तरकी हद्य मंजिल द्रंट्य गछान छि, अमि खोतु हथ गॊनु आसुहान अति मूजूद हरगाह लूख सानय्न दुश्मनन हजन कथन प्यठ यिथ तु सोंचनु सरनु वरॉय विज़ि विज़ि मौमूली कथन बहानु बनावथ अथ बुनियादी डान्चस डुमु डास असिहे नु कॊरमुत।

अस्य सॉरी छि स्यठा खोश जि कशीरि छि "छोट लंदन" कि नाव ति जानान तु यि छु सिर्फ अमि किन्ण जि कशीर यति तरकीयाती कामय्न मंज़ ब्रोठ ब्रोठ रूजिथ अख खोशहॉल खत छु, तृती छि यति कोरतुक्य स्यठहय

खूबसूरत नज़ारह । तु यी वजह छु ज़ि कॊदरतुक यि खूबसूरत नज़ारह बुछन खातरह छि और दुनियाक्यव कूनव कूनस प्यट्ट लूख तु सालॉन्य वातान ।

मगर सवाल छु युतिय्थ यि पॉदह स्पदान ज़ि हरगाह जिसमुक अख ति अंग तकलीफस मंज़ आसि या बदहॉली मंज़ आसि, अडलियुक आसि अदु इन्सान सुंद बाकी खूबसूरत जिस्म छु नु कांह माने थावावान। सु सॊरुय जिसुम छु बदनुमा बासान। यिथ कृन्य कशीरि हुंद अख अहम हिस छु काशुर बटु ।

कशीरि मंज़ छै तरकियाँती कामय्न प्यट करोर बजय तु अरबु बजय रुपाय खरच करन यिवान, सड़कन हंद जाल छु वहरावनु यिवानु कदल तु फ्लाईओवर छि तॉमीर करनु यिवान । रेल गाड्यन मंज़ छै तवसीह करनु यिवान। अज़ आयि मज़ीद कॅह रेलगाड़ी कशीरि मंज़ शरु करनु, कशीरि हुंद सारवुय खोतु ज़्यूठ फ्लाईओवर युस जहांगीर चोकस तु राम मुनशी बागस स्यदि सियुद रलावान छु सु ति छु जलदय चालू सपदरन वोल। यि सोरुय वनुनुक मतलब छु यि ज़ि कशीर छै स्यठा खोशहॉल मगर कशीरि हंधी मैग्रंट छि मलकुक्यन मुखतलिफ हिसन अंदर बदहाल जिंदगी गुज़ारनस प्यठ मजबूर। अथ वनव नु बेइनसॉफी तु अद क्या ।

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार:-  एम के भट्ट निर्धन कोशुर समाचार  2016, मई