काशर्यन बटन हंद्यन जखमन सरकारुक नकली मरहम

 

कॉशरिस बटस यिम छोख तु जख्म अज ब्रोठ २६वरी तमि सात लग्य यलि कॉशिर्य बटू पनुनि माजि कॅशीरि हिंदि ककॊछि मंज खोफज़द करिथ तु रत द्रॉव्य करिथ मजबूरन कडनु आयि, तिम जख्म छि अज २६वरी गछित ति नुय्न, सुन्य तु ताजु । अमियुक वजह छु जगमन मलहम न लगावनुक ककॊदरतुक छु यि अख बुनियादी नियम जि काह ति ज़ख्म युस लोगमुत आसि सु छु तब्ली ठीक स्पदान यलि तथ बाजॉबत तु वक्तस प्यठ दवा तु बाक्य मरहम पटी यियि करनु । मगर तशवीशिच कथ छै यि जि हरगा यिमन जख्मन काह ति दवा या मरहम पटी यियि नु करनु, आँखर तिम ज़ख्म कति गछन ठीक। अमि खोतु ति बुड तशवीशिच कथ छै यि जि तिम जख्म तु छोख छि तब्लि जय्दय बडान तु खोन हारान हरगाह यिमन ज़ख्मन नकली तु मुज़िरि सिहेत दवा तु मलहम लागनु यियि याने अगर गलत तरीक इलाज करनु यियि।

बिलकुल यिहय हाल छु असि काशर्यन बटन सत्य ति पतिम्यव २६हव वरीयव प्यठ करनु यिवान सॉन्य डाक्टर छि मरकज़ी तु रियासती सरकार तु सियसी लीडर। अख डाक्टर छु सानुय्न जख्मन मलहम लागनुच कृशिश करान तु बयाख डाक्टर छु पनुनि मफाद खातरह तिमन कूरान रोजान। सानय्न परिमितय्न लीख्यमित्यन बेरोजगार नवजवानन यिमु केह नौकरीयि प्रधानमंत्री संदिस पैकेजस तहत दिनुक ऐलान करनु ओस आमुत, सु मनसूब छु नु वुनिष्क ताम ति अमलावनु आमुत। सानय्न कॉशर्यन बेरोजगार नवजवानन खाँतरह यिम केंह हथ असामि पुरवनु थावनु आयि तिम ति आयि नु सारेय पूर करन । तू यिम केह नवजवान घरिक्यन बॉचन त्राविथ, कशीरि मोमूली तनखाहस प्यठ नौकरी करनि ति गयि । तिमन ति मुखतलिफ तु बेशुमार मुशकिलात तु मुसीबत तति व्यतरावुन्य प्यवान रोज़नु खाँतरह नु मोकूल जाय, तनखाह नु वकतस प्यठ मेलान तु बाकी जैहनी अजाब।

कम्मपन तु बाकी जायन रोजन वालय्न काशर्यन बटू मैग्रंटन यिम ज़िन्दु रोजन खातरह रिलीफ पोन्स अछि दिवान छि। तिम ति छिनु परेशान्यव वरॉय दिवान। सरकारुक आसान छु अकि दोह अख फरमान तु दोयिमि दोह बयाख फरमान तु काशुर बटु मैग्रंटन छु सरकार दुस्य पादु करनु आमतय्न मसलन तु मुशकिलातन मंज़ तु यिमन खुर कडनस मंज़ आवुर थावन यिवान ।

मोखतसर वनव सरकार यस पतिम्यव २६हव वरीयव प्य काशर्यन बटन हंघन गहर ज़ख्मन दुनियाहस बास दिनु खाँतरह मोमूली मरहम लगावान छै, सु मरहम छु नकली तु तथ छु ‘एक्सपायरी डेट’ मोकलयूमुत। लिहाज़ा छु सही, मयारी, कारगर व्यवुन तु शहूल मलहम लगवनुक जरूरत। अदु मा यियि सान्यन

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार:-  एम के भट्ट निर्धन   एंव कोशुर समाचार  2016, फरवरी,