बेनलअकवॉमी फॉरमस प्यठ पाकिस्तान बेनकाब

हाल क्यन दोहन मंज रोज कशीर बेयि मुकामी तु बैनलअकवॉमी फोरमन तु खबरन मंज स्यठा सुरखीयन मंज। चाहे जिनेवाकिस शहरस मज अकवाम मुतिहिदाचि जनरल ऐसेंबली अंदर कशीरि हुंद मामल तुलनस प्यठ पाकिस्तानस तमाम मुलकन ब्रोठ कनि खजालत व्यतरावुन्य पयि, या दहशतगर्दन तु हाफिज़ सईद सजन दहशत गरदान सरगरमियन तु खास करिथ कशीरि मंज कत्लोगारत फहलावनु खाँतरह अमरीकाहन पाकिस्तानस जबरदस्त वारनिंग दिज ।

पाकिस्तान छु व्वय्न द्रुसतिस दुनियाहस मंज परछैय्न स्पुदमुत, वजह छु दहशतगर्दी हजु फैक्ट्री चलावनि तु खासकरिथ कशीरि मंज ति दहशतगर्द एक्सपोर्ट करन्य। अकवामि मुतिहिदा हचि जनरल ऐसेंबली मंज़ कर पाकिस्तानुय्क कसमतन नवी बनावनु आमुत्य वजीर-ए-आजम शाहिद अबास खाकानन कशीरि हंज़ हज़बि दस्तूर रगा वॉयथ कुशीरि हुंद मामलु तुलनच कूशिश।

तु पतु यलि अकवाम मुतहिदाहस मंज पाकिस्तानचि सफीर मलीहा लोदी फिलीस्तीनचि ऐकिस जख्मी कोरि हज तस्वीर हाविथ कशीरि हंज कूर वनिथ बेनल अकवामी बरादी गुमराह करनुच कूशिश कर। अदु सॉती गो मीडियाहस प्यठ अमि तस्वीरि हंदि पजरुक परदुफाश। भारतन द्युत पाकिस्तानस टेरोरिस्तान (Terroristan) नाव, तु सुषमा स्वराजन नियूव पनुनि तकरीर सुत्य पाकिस्तान क्यन तमाम दवाहन हुंद फोक कुडिथ ।

मोख्तसर वनव पाकिस्तान यति पूरि दुनियाहस मंज परछय्वन गौमुत छु, तती स्पुद पनुनय्व करतूतव खाँतरह खजल खार। हालांकि व्वय्न छु चीनन ति वोनमुत जि कशीर छै भारत तु पाकिस्तानस दरमियान बाहमि मामलु तु यिमन दोन मुलकन पजि यि मामलु पानु वान्य कथ बाथ करिथ हल करुन। अमि ब्रोठ ओस भारतुक्य होम मिनिस्टर राजनाथ सिंहन ति रियासत जम्मू कश्मीरुक दीरेह ककॊरमुत। तिमव कौर अति करीब 55हन वफदन सुत्य मुलाकातु तु कशीरि मंज नारमल हालात कॉयम करन खॉतरह तु दहशतगर्दन हुंद तदोरुक करन खाँतरह हैचुख सलामती हद्यन हालातन साम। बचाव वजीर निरमला सीतारामनन ति कौर जम्मू कश्मीरुक दौर तु फूजी जवानन हुंद होसलु बडावन खातर वात्य सियचन गलेशियर प्यठ ति।

सारवय खत अहम कथ ऑस काशर्यन बटन हंदि होसलु खातरह, यलि दशहराकिस मौकस प्यठ आरएसएस सुक्य सरबरह मोहन भागवतन पानुनिस सालानु खताबस मंज़ काशर्यन बटु मैग्रंटन हंदिस हालति जारस प्यठ स्यठा अफसूस जॉहिर कोर तु सरकारस वोनुख जि 27वरी गुजरन बावजूद आयि नु काशर्यन बटु मैग्रंटन हंद्य मुसीबत दूर करनु । खॉर कॉशुर बढ़ छु अमी वोमेज किन्य दौह दोह कडान 

अस्वीकरण:

उपरोक्त लेख में व्यक्त विचार अभिजीत चक्रवर्ती के व्यक्तिगत विचार हैं और कश्मीरीभट्टा .इन उपरोक्त लेख में व्यक्तविचारों के लिए जिम्मेदार नहीं है।

साभार:- एम.के. भट्ट निर्धन कोशुर समाचार  2017, अक्तूबर