शुकुरगुज़ार

ऐकिस इनसानस पजि तस प्रथ कॉन्सि हुंद शुकुरगुजार रोजुन, युस अमिस इनसानस वकति सख्ती अथरुट करि, मदद करि तु गमस दखस मन्ज शरीक स्पदि। अगर न कान्ह इनसान यि कथ याद थावि तैलि छु सु एहसान फरामोश, यिथिस इनसानस छु भगवान ति नाराज तु बेजार स्पदान। यि वनुन गछि नु गलत जि विथ्य इनसान छि खोदगरज तु मफाद परस्त आसान। यिथ्य इनसान छि नु जान्ह ति कामयाब रोजान।

मगर कॉशरिस बट्ट कौमस छु अथ बजायि अख जान गौन तु सिफ्त। अकसर कॉशुर बटू कौम छु हमेशि एहसानमन्द रोजान। यि छु हमेशि शुकुरगुजार रोजान तमिस शख्स सुन्द, यम्य अमिस जरूरतु विजि सहार दितमुत छु आसान ।

कॉशिर्य बट यलि पनि माजि कशीरि मन्जुह 1990 किस शरूहस मन्ज पाकिस्तान परस्त तु भारत मुखालिफ उनसरव मजबूरन चलरॉव्य, अदु कैंह लग्य लार तु कैंह लग्य दार। पनुन जुव बचावनु खॉतरह अयि यिम मुलक कय्न मुख्तलिफ तरफान छकरावनु । अड्य बीठ्य जमि कैम्पन मन्ज तु कँह आयि दिलिल कॉशुर बटु यथ जायि ति गो अदि मुकामी लूकव कौर तिमन स्यठा अथुरोट ।

दिल्ली मंज ति कौर वारयाहव मुकॉमी लूकव कॉशरय्न बटु मैग्रंटन स्यठा मदद तु अथुरुट । यिमन मन्ज सौ. केदारनाथ साहनी, सौ. मदनलाल खुराना तु श्री मागे राम जी खास करिथ शॉमिल छि। यिम रूद्य लगातार काशरयन मैग्रंट बटन प्रथ कुसमुक मदद करान । मदनलाल खुराना आणि काशर्यन बटन खॉतरह अवतार सुद रूप दॉरिथ। 15 अक्तूबर 1936हस मज जामित्य मदनलाल खुराना रूद्य 1993 प्यठ् 1996 तस ताम दिल्ली हद्य चीफ मिनिस्टर । तु अथ दौरान कर यिमव दिल्ली हंद्यन लूकन खातरह थय्कुन्य लायक कॉम, बल्कि दितुख वारयाहन मैग्रंट नवजवान कोरेय्न तु लडकन औजक तु रोजगान ति फराहम ।

मदनलाल खुराना कुर काशरियन खास करिथ नवजवान बेरोजगार कोररन नौकरी फराहम करिथ आ बड पुन्य काम । अमि खॉतरह रोजन यिम जनानु तु यिद्य अयाल हमेश तिहिंद शुकुरगुजार । शैरि दिल मदनलाल खुराना स्पृध 27 अक्तूबर 2018 सौरगवास। मदनलाल खुराना संद्य रोजव अस्य हमेशा शुकुरगुजार । भगवान दियिन तिमन वैष्णु भवनस मंज़ जाय ।

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार:-   एम.के. भट्ट 'निर्धन'    एंव कॉशुर समाचार 2018, नवम्बर