पाकिस्तानुक रिमोट फोजस अथि.

पाकिस्तान क्यन चुनावन हज कथ छि अस्य अभि किन करान तिक्याजि पाकिस्तानस मज पेश यिनु वॉलिस प्रथ पेश रफतस प्यठ छु सानि कृशीर मज रदिअमल जॉहिर स्पदान । पाकिस्तानिक्य लीडर छि हमेशि पनुनय्व सियासी मफादव खाँतरह काशर्यन लूकन खोश करन खाँतरह हमदरदी हुद ढोंग करान। मगर कॉशिर लूख आयि हमेशि भ्रमस मज थावन। यिमन सूत्य आव हमेश ढोग करन । यि छि सॉरी जानान जि कशीरि तु कॉशर्यन लूकन हुद असली हमदर्द तु वारिसदर छु भारत ।

कशीरि मज हालात अवतर बनाविथ थावुन तु, अति दहशतगरदी हुद नार जॉरी थावनुक मकसद छु पाकिस्तान्य फोजस तु आईएसआईयस सिर्फ यि आसान, जि तिहुद दबु दब तु पय्ठावोली गछि ततिकिस हकूमतस प्यठ जॉरी रोजुन ।

पाकिस्तानस मज फोज कि मद्दत नवी बनन वाल्य वजीरेआजम इमरान खान रूद्य चुनाव रैलियन दोरानुय कश्शीरि हज राग वायान कियाजिकि यि न करनस प्यठ मेलिहै तु तस पाकिस्तान्य फोज तु खुफिया एजेंसी आईएसआईयुक मदद केह ति ।

पाकिस्तानस मज यि केंछा फोज यछान छु, यस सु वजीरेआजम बनावुन छु यछान, ती हैकि बनिथ, तु सुय हैकि वजीरेआजम ति बनिथ । अवय ऑस मीडिाहस मज स्यठा ब्रोंठ प्यक्य यि पेशनगूई करन आमच जि पाकिस्तनुक्य नृव्य वजीरेआजम आसन इरान खान। यि ताम आव वन्नु जि पाकिस्तानस मज स्पदि नु वजीरेआजम तु नवि हकूमच खाँतरह 'इलेक्शन. बल्कि स्पदि अति सलेक्शन ।

इमरान खान योदवय वनान छु वय्न प्रेस काफ्रेंसि मज जि कशीरि हदिस मसलस सान छु भारतस सुत्य प्रथ काह मसलह कथि बाथि सत्य अजरावनुक जरूरत, मगर गोड़ दियतन सु यमि कथि हुद जवाब जि पाकिस्तान क्याजि छु कशीरि मज दहशतगर्दन सोजान, कशीरि हद्य असली वारिस काशिर्य बट क्याजि अयि कशीरि मज कडनु। काशर्यन बटन हुद नाव क्याजि छुन सु हैवान । पाकिस्तानस मज क्याजि छि लगातार दहशतगर्दन हद्य कैंप चलावनु यिवान ।

छोट्यन लफजन मज वनव जि इमरान खान ति पकि तिमन्य इशारन प्यठ यि अमिस पाकिस्तानुक फोज वनि। यानि पाकिस्तानस मंज छु वजीरेआजम तु हकूमतुक रिमोट कंट्रोल फोजस आथि । तु कॉशरिस बटस खॉतरह छै कोलि खोत् कोल सरदय ।

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार:- एम.के. भट्ट 'निर्धन'  एंव कौशुर समाचार 2018, अगस्त