घर वापसी

भारतस मंज़ छु चुनॉवी माहौल ऑखरी पड़ावस प्यठ वोतमुते तु कॉशरिस बटु मैग्रंट संदि घर वापसी हद्य ति छि मुखतलिफ सियासी पार्टीयन हंदि तरफ दावा तु वादु करन यिवान ।  हालांकि भारतीय जनता पार्टी छु पनुनिस मन्शूरस मंज़ अख कदम ब्रॉठ नीरिथ यि ऐलान ति कोरमुत जि जम्मू कश्मीर रियासतस मंज़ यियह दफा 370 हटावन त कॉशिर्य बटु यिन बायज़त तु बाव्यकार कशीरि मंज वापस पनुनय्न घरन मज़ बसावनु त बाज़आबाद करन।

कॉशरिस बटस गयि 30 वरी पनुनि माजि कशीरि मंज़ मजबूरन नीरिथ मुलकक्यन मुखतलिफ हिसन तु तरफातन अंदर मुसीबत तु मुश्किलातन  हंज ज़िदगी गुजारान । बेशुमार चुनाव आयि तु गयि, बेशुमार वाद आयि करने तु मशरावनु बैशुमार सरकार आयि तु गयि, मगर कॉशरिस बटु सद्य मुसीबत तु मुश्किलात छि तती यति यमि 1990 तस मंज़ मैग्रेशनि विजिं ऑस्य। मग असि पजिं कम अज़ बीजेपीहस मरहबा करुन, ज़ि तौति छै यि बटु सुंद नाव हैवान।

कशीरि मंज़ दहश्तगरदन तु अलहायदुगी पसंद उनसरन खलाफ ति आयि सख्त कारवॉयी करन। कशीरि मंज़ गोव अख जान चुनॉवी माहौल ति नजरि तु अथ दौरान रूज यि खबर ति सुरखीयन मंज़ जि अख कॉशुर बटु मैग्रंट आव कशीरि वापस। तकरीबन 30हि वहुर्य खूल अम्य काशिर्य बटू मैग्रंटन सिरीनगर किस जॉनुकदल अलाकस मंज़ पनुन दुकान तु लोग बयि प्रॉन्य पॉठ्य कशीरि मंज कार बार करनि।

सवाल छु यि पॉदु स्पदान ज़ि क्या यि छा शरुआत कॉशरिन बटन हज घर वापसी हज। अगर यि पजी काशरियन बटु मैग्रंटन हंज घर वापसी हंज शरुआत मानुनु यियिह, तैय्लि छि अकि तरफ खोशी ति स्पदान, त दोयिम तरफ छु तशवीश तु पॉदु स्पदान।

तशवीश यमि कथि खाँतरह ज़ि क्या कॉशरिस बटु मैग्रंटन छा हिफाजतुक यकीन त गारंटी दिनु यिवान। क्या युस कोशुर बटु वापस कशीरि बसनि गछान छु, तस क्या पयि नु दुबार जुव बचावन खातरह कशीरि मंज़ चलुन। या क्या काशुर बटु क्या यियिह न दुबारह मैग्रेशन करनस प्यठ मजबूर करन ।त यि गछि घर वापसी बजायि मैग्रेशन वापसी प्यठ मजबूर ।

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार : -एम के भट्ट ' एंव  কাशुर समाचार, 2019, मई