पॉकिस्तानक्यव हुकुमरानव तु खासकरिथ अतिक्य वज़ीर-ए-आज़म इमरान खानन युस डोल नॉल्य त्रॉविथ अकवम मुतिहिदाचि जनरल एसम्बली अंदर डन्डू र दिनु खाँतरह पाकिस्तानक्यन लूकन दाब दिवान रूद, तथ च़ौल वती, तौर वातनस प्यठी फोक़ नीरिथ । इमरान खान रुद अकवमि मुतिहिदाचि जनरल एसम्बली अंदर, तस खताब खाँतरह दिनु आमति मुकरर वक्तु खौतु ति ज़्यदु कालस खताब करान। तु अथ दवरान रूद सु बार बार कशीरि हुंद नाव हैवान तु अमिच ज़िकिर करान।

मगर ति करिथ ति द्युत नु दुनिया कि कॉसि ति लीडरन इमरान खान संज़न कथन कॉह कॉह ज़ोन । अमि खाँतरह छु अख बौड वजह यि ज़ि द्रुस्त आलम छु ज़ानान ज़ि पाकिस्तान छु ख दहशतगर्द मुल्क। अति छि दहशतगर्द तैयार करनु यिवव, तिमन तरबियत दिनु यिवान। तु पतु भारतस सान दुनियाक्यन मुलकन अंदर बम धमाकतु दहशत गरदान हमल करनु खॉतरह इस्तेमाल करना यिवान।

इमरान खान संदिस कशीरि। हंदिस मामलस प्यठ वायन अमतिस डन्डूरस यलि नु कॉसि ति जौन द्युत। तुम्य लॉज न्यूक्लाई हमलच भारत खलाफ धमकी दिन्य। मगर सॉरी छि ज़ानान ज़ि पाकिस्तानच मॉली हालत छै स्यठहिय खराब। यि क्या हैकि जंग करिथ त यि क्या है कि भारतस सत्य मुकाबल करिथ।

यमिस इमरान खानस अकवाम मुतिहिदा चि जनरल एसम्बली अंदर शरकत करन बापत सऊदी अरबकिस बादशाहस निश जहाज वौजुम प्योव अनुन, तु वापसी प्यठ गौ सुति खराब, सु पाकिस्तान क्या लडि भारतस खलाफ जंग। प्रधानमंत्री नरेंद्र मोदीयन छु दुनियाक्यन लीडरन साफ कोरमुत ज़ि कॅशीर छै भारतुक अछ़ैन अंग तु अथ मामलस मंज़ छु नु कॉम हंदि ति दुस्य मुदाखलत करनुक ज़रूरत। तू अथ मौक़फस प्यठ छि दुनियाहक्य सॉरी मुलक भारतस सत्य खड़ा।

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है

साभारः -एम.के. भट्ट निर्धन कॉशुर समाचार, 2019, अक्तूबर