जनवरीयिच सो मनहूस राथ

संपादकीय

कॉशरिस बट मैग्रंटस यलि ति 18 तु 19 जनवरी 1990 तच सो दरमियॉनी मनहूस राथ याद यिवान छि, अदु तॉरि कृन्ड्य छि सॉरस्य शरीरस फटान । अज 30वरी गुजरन पत ति छि खौफ खय्वान। कॉशरिस बटस गयि व्वय्न 30वरी, मलक कय्न मुखतलिफ हिसन मंज मैग्रेशनि पनुन्य जिंदगी गुजारनस प्यठ मजबूर | 30हन वरियन हुद छु अख जियूठ तु तवील सफर । तु अथ दवरान रूद कॉशुर बट मैग्रंट सडकन प्यठ, टैंटन मज तु लोकटय्न क्वाटरन मज, सरदी, गरमी, रूदस तु तापु क्रायि मंज मुसीबत तु मुश्किलात वतरॉविथ पनि जिदगी हिन्द्य दौह गुजारान ।

1990 तस मज जनवरी 18 तु 19 दरमियानी राथ ऑस सौ फैशिल तु खौफ जद करन वाजय्न राथ, यमि पतु काशर्य बटु पनि कशीरि मंजु नेरनस प्यठ मजबूर करन आयि। अमि रॉच आयि शहरि श्रीनगर तु कशीरि हंधन मुखतलिफ अलाकन मंज जलूस कडन तु मशीदन हंद्यव लावुड स्पीकरव प्यठ ऐलान करन जि कशीरि मंज छु निजामे, मुसतुफा कॉयम करून । तु काशर्यन बटन आणि कशीरि मंजु फौरन नेरनुच वारनिंग दिनह । तु कॉशुर बट गाँव पनुन तु पनुनय्न शुर्यन बॉचन, कौरय्न तु माजन बैनय्न हुंद जुव तु यजथ बचावन खाँतर कशीरि मंजु चलनस प्यठ मजबूर।

अज़ 30 वरी गुज़रन बावजूद ति छु काशुर बट बराबर मैग्रंट जिंदगी बसर करिथ मुसीबत तु मुश्किलात व्यतरावान। जम्मू कश्मीरस तु मरकजस मंज आयि तु गयि वारियाह सरकार, मगर कॉनसि ति सरकारन कौर न काशरिस बटस यिम मुसीबत तु मुश्किलात दूर करन खाँतरह कान्ह ति सौछ । प्रथ कुनि पार्टी हंद्य लीडर रूद्य सिर्फ वाद करान, मगर चुनाव जैनुनह पत गयि तिम ति कॉशरिस बट मैग्रंट संघ यिम मुसीबत तु मुश्किलात मशरावान तु कन् डौल दिवान ।

आँखरकार आव जम्मू कशीरि मंजु दहशतगर्दी हुंद बिदत खत्म करनु कि अकि इकदाम रंगय दफा 370 खत्म करनु तु रियासत जम्मू कश्मीर आयि दोन हिस्सन मंज़ तक्सीम करन तु दशवय हिस्सु जम्मू कश्मीर तु लद्दाख आयि मरकज़ी ज़ेरि इंतिज़ाम अलाक बनावनु । लिहाजा छै वौमैद करन यिवान जि शायद यिन कॉशिर्य बटु मैग्रंट ति जलदय वापस कशीरि तारिथ बसावन तु बाज़आबाद करन । 

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार:-  एम.के. भट्ट 'निर्धन'  एंव  कॉशुर समाचार  2020, जनवरी