दु कश्मीर फाईल

दु कश्मीर फाईल फिलिम छै अजकल भारतक्यन तमाम लूकन हजन जय्वन प्यठ। चाहे सु भारत नवाज छु । या भारत दुश्मन छु । 1990 किस दहलिस दौरान यिम बदतरीन हालात कॉशरिस बटस वुछिन पॆयि, ति मु प्ययिन कांसि डेशुन । बेशुमार कॉशर्य बढ़, बुजरग, जनान, कोरि तु लोक्यट लोक्यट बच्चह आयि बेरहमी तु बेदर्दी सान कतल करनु । कोरवन तु जनानन हुद यजत आव लूटन | यिमव तमाम हालातव तु वाकातव सुत्य छि अस्य सॉरी काशिर्य बटु वॉकफ तु चश्मदीद गवाह ।

32वरी गयि असि कॉशिर्यन बटन भारतुक्यन लूकन समझावान तु फिकरि तारनुच कूशिश करान जि ऑखर असि सत्य क्या सलूक आव करनु । असि क्याजि प्यव कशीरि मंजु चलुन ।

 

मगर बदकस्मती किन यातु ततॊग नु असि समझावुन्य याता आव न यिमन लूकन समझ जि ऑखर कॉशरिस बटस सुत्य कुस जुलम तु जबर आव करन । रियासती तु मरकज़ी सरकार यिम ति इकतिदारस आयि, तिमु रोज छोच्य भरुसु दिवान।

बहरहाल अज़ व्वय्न 32वरी पतु यलि कॉशर्यन बटन हंदिस नरसंहारस प्यठ अख पुज तु हकीकी वाकाहन प्यठ मबनी बॉनीवुड फिलिम "दु कश्मीर फाईल" बनाविथ मुलकुक्यन तु दुनिहियक्यन अलग अलग सिनेमाहालन अंदर हावनु आयि । लूकन गयि कॉशर्यन बटन तु जनानन प्यठ करनु आमुत जुल्मोजबर वुछिथ अछ नम । तॉरि कुंड्य फटिख तु खूनस लजख ग्रख

सिनेमाहालन अंदर गाँव लूकन हुंद यूत रश जि दोह वादन ताम आसु न टिकट मेलान । लूकन हजु आसु प्रथ सिनेमाहालस ब्रोठकनि जेछि जेछि लॉनु नजरि गछान।

खॉर अस्य करव असली सवालुक जिकिर । सु गाँव यि जि 32वरी ति गयि असि मैग्रंट बनिथ, तु असि कर मेलि इनसाफ, असि कर मेलि बेयि पनुय्न मोज कशीर । असि कर करन बाजआबाद। तु कॉशर्यन बटन हद्यन कॉतलन कर मेलि सज़ा। वोमेद करव जि मूजूद बीजेपी सरकार करि ज़रूर सोन मसलह हल। अगर न अजकिस हकूमतस मंज मुमकिन छु, तेलि छु नु जांह मुमकिन ।

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in  उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार:- एम.के. भट्ट कॉशुर समाचार, 2022, अप्रैल