हॅटिस खश तु हूवंगनि म्यूठ

शंभू नाथ भट्ट हलीम संपादक कॉशुर समाचार 2009

 

सियासतुच दुहर छ, जिंदगी हृदि अर-वर दोरुक त्युथ अख जुज़ (component), यमि वरॉय यि दोर अख ति फेर दिथ ाकि नु । गव जि सियासत कुय वास्तु दिथ छु इनसान ब्रह पकान या पथ गछान तु बाजे थामि ति गछान । सियासत छे तमु व्वतलबुजि, यिम फर्दस या माशरस कांह मखसूस शक्ल दिथ त्युथ अनहार रटनावन छे-युस तमिच पॉर्यजान बनान छे । अथ छु तिथ्यन खुरेन मंज ह्यन् युन प्यवान, यिमव म्वखु वार्याहव गाट्ल्यव अथ बदमाशन हज़ खेल ताम नाव थोव। मगर जिंदगी हज़ि मंदोरि हज़ ऑड्रन आस्नु किन्य ह्यक न इनसानन अथ त्यूत बेकाबू गछन दिनु, युथ न अथ कांह शबाहुथ्य रोजि। तमी प्यव सियासतदानन तिथि आयि ति सरुन सोंचुन युथ न यि फ्रेंकिस्टीन बनिथ ख्वदि मनषस्य न्यगलिथ छुनि । मज़हब ऑस्यतन या माशरुक व्ययि कांह दॉयर-यलि शेतॉनी सीरत सर्य प्यठ्य गछुन्य ह्ययि, फोरन छु त्युथ वजूद बारसस यिवान युस अथ तागूती उन्सरस छलि छलि करनुक मूजिब बनान छु ।

हॉगनि म्यूट तु हॅटिस खश या मूलस द्रोत तु पत्रन सग हिव्य दपित्य छि तमी सात बापथ थुरन आमुत्य । तिथ्य तिथ्य व्यखचार छि पेश यिवान यलि मनुषस जहर खंदन हुँद आसर ह्योन छु प्यवान। न तु वनितव वुछान छान छु कांह हतियोर असि दीदमान कांसि होट चटान । अस्य छि बारव दिवान - हेमोरुन ह सॉ, म्यय ब्रोंठ कनि ह सॉ मोरुन, लेकिन हुज्जत करन वोल छुस दपान, सबूत छु या? सबूत ति यिवान पेश करनु मगर तोति न मुजरॉयी दिन यिवान--अथ क्याह वॅनिजि ? गव ना मुसस ति कपस्य! दपित्य बनेयि न बॅल्य, यिमन यत

ताम न वाक पेश आव, तोत तान्य कति यिन यिम बारसस। अफसूस छु सिरिफ यमि कथि हुँद ज़ि यलि इनसान व्वन्य वार्याह कह चीनिथ - चित्रिथ स्यठाह वत-प्रोत बन्योमुत छु तु यति व्वन्य तिथ्य वसील अथि आमुत्य छि यिमन नाहवनकल दिन्य मुमकिन छे न, तिछि विज़ि ति हठधर्मी कन्य-- कॉचाह बोहतान बॉजी छे। त्वर्फ छु यि ज़िं यि सोरुय छु अमुन-अमलि हुँद सिपर अथस मंज़ रटिथ वनुनावन् यिवान। यिध्यन बहसन इंज़ सूरत छे तीच बिगरान जि जीहोश इनसान संज़ छे न कथय चोर-फ्योर ति छु रहिथ गछान ज़ि इनसानस क्याह गव! हॉरानगी छे जि अथ द्वलाबस मंज़ छिन अख या जु फर्द शामिल बल्कि करोर बॅद्यन इनसानन हंज जिंदगी छे अथ मंज़ ब्रकृनावनु यिवान। यिथ्य मुजादलु छि अज़ असि अँद्य-पॅरव्य यसल नज़रि यिवान । बदगुमान गछि न इनसान अदु क्याह करियलि न कांह मंत्यक्य अथ खुरिस वार-व्यस्तार दियि । यि जॉनिथ जि अॅस्य सॉरी अपारि-यपारि कथ शोर-अम्बरस प्यठ छि बिहिथ गंदक तुज्यन सुत्य छेड़खानी करान- कुस सना करि यि वननुक जुरथ जि हतो बायो--मु दियिव शोर बॅनिस तुज -- ।

तहज़ीबुक फातेह परनवॉल्य तु सभ्यतायि हुंद मातम करनवॉल्य छि सॅजदु दिवान तु गंटायि वायान लूकन हॊगुंन्यन मीठ्य करान मगर सुती छि हॅट्य रॅट्य रॅट्य श्राकृ ति वायान। यि नय सितमज़रीफी छे तु अदु क्याह । यि रतुसॅर्य नज़ार कोत ताम?

अथ पोत मंज़रस मंज़ त्रॉव्यतव हालुचि धमाक खॉज़ी तु बयानबाज़ी प्यठ नज़र, यकीनन गछि यि सर जि इनसान छुन ह्यतमुत तथ्य न्वकतस प्यठ वातुन यति महाभारतचि लडायि ग्वड लजोव । अंजाम रूद महाव्यनाश- तबाहकॉरी!!

मगर अँज़िचि अहमकॉज़ी हुंद नतीजि आसि महाप्रलय ।

सूंचिव, छा आलम अमि खॉतर तयार?

विमन यि भ्रम छु जि तिम बचन अमि गटकार मंजु -तिम छियी सरासर - बेवकूफ, मगर विमन खाव्य छि जि असि गछि यहलूख ति तु पलूख ति सफल, तिमन न्यस्वत क्याह यकि कांह वनिथ!

नोव वैरिथि - 2009 ईस्वी मुबारक!

यि अंक बातनस ताम आसिव त्यहि नवि वरियुक स्वागत कौरमुत। बजाहिर छि अस्य अमि दो बार पयमानस प्यठ शोधयानु मनावानयि जन बरहक ति छु, मगर व्यचार वान इनसान आसनुकि हसियत छु असि लॉजिम जि अस्य गछव अथ मोकस प्यट पतिमिस-ब्रूटिमिस सार्यस्य--साम ह्यन्य तु यि तय करुन्य जि त्युथ कह गछि करन युन यमि किन्य दुनिया शांती तु ख्वशहाली मज ब्रॉह पकि । असि है अज तिछ प्रव्रत गॉमुच जि अस्य गछव तिथ्य खूखार तु ताकतवर वनुन्य युथ न असि काह प्रशिथुम हाकि यि नहज छे नामाकूल तु वहशियान्। अमी नहजि द्युत दहशतगर्दी व्वद्भव । वुनि छु आदन- यदवय न अस्य पायस प्यमव त्यति छु दयी कॉज्य!! -ह.

पश्री जगन्नाथजी कौल ('पापाजी') सपुध स्वर्गवास!

16 दिसम्बर सन 2008 कि दौड़ सद्य कॅशीरि हुँद्य अख महामानव श्री जगननाथजी कील यहलूक त्रॉविथ परलूकवॉसी ऑठव देहिल्यव खो जादु कालचि पनि जिंदगी हुंद बेशतर हिस् कौर तिमव आम लूकन, हाजतमंदन तु मददुर्केन तलबगार लूक्यन क्यो बड़ेन मनुषन इंजि सीवायि पथ वक्फ । ल्वकुचार पान प्यठय ओस तिमन त्युथ कँह रुत तु ह्यांत करनुक गोन यहसास यमि किन्य तिम पनुन मनषि जन्म रथि खारहन वाक्य द्युत तिमव पनुनि कर्तुव्यदि सुतय हॉविथ जि जन्म किशु कॅन्य छु सफल गछान। तिमन प्यठ छे यि सूक्ति (उच वनन) बिल्कुल लागू सपदान

अयं निजः परो बेति गणना लघुचेतसाम् ।

उदार चरितानां तु बसुधैव कुटुम्बकम।।

( यि छु पनुन हु छु व्वपरयि छे तंग नज़र (कमज़फन) हॅज़ सोच। वसी दिल वाल्यन (फराखदिलन) हृदि खातर से तमाम बुतराच पनुन कोटम्ब) स्वर्गीय कौल सॉव आस्य पॅज़्य पाठ्य हाजतमंदन हृद्य 'पापाजी'। यिमन लातेदाद हकदारन तिमव खोर कौर, तिहिंध आस्य तिम सही मानेन मंज़ बब तु मौज। तत्यथ ऑस्य नु तिम कांह व्यन बर्तावान। धर्म, मज़हब, जाति हुँद ओस न तिमन निश कांह इमतियाज़। ज़िन्दु जुवय मीज तिमन द्वछ्व छ्व सारिनुय हुज आही ।

पद्मश्री जे.एन. कौलस छे पनि बरादरी तु खासकरिच कश्मीरी समिति तरफ स्वदि श्रद्धांजलि अर्पन करन यिवान

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभारः  शंभू नाथ भट्ट हलीम संपादक कॉशुर समाचार 2009 एवम् जनवरी 2009, कौशुर समाचार