आत्मनिर्भर भारत

एम के भट्ट निर्धन

कोरोना वायरस बभा फहलेमतिस हैतुन व्यय्न अख वरी पूर स्पदुन । आलमुक्यन मुलकन लज बराबर दनुन। बैमारन हुँद तैदाद औस पनुय्न रफ्तार लगातार बडावान तु मौतुक तांडव औस विराट रूप दॉरिथ । जिंदगी गयि पूर पॉठ्य थामि। दुनियाक्यव बड्यव बड्यव तरकीयाफत मुलकव कौर कोविड-19 बैमारी ब्रोठकनि सरडर । लछबदी नफर गयि बेमार स्पदान तु लछबदी गयि बेक्कत यमि दुनियाहु मोतस हवालु ।

भारत ति आव अथ कोविड-19 महामारी हदिस दस मज । भारतक्यन लूकन मंज ति गोव जबरदस्त खोफ पॉदु । मगरबी मीडिया ओस तज़किर करान जि भारतस मज हस्पताल तु बाकी तिबी सूहलचन हुँद फौकदान आसन किन्य हैकि यति कोविड-19 अख कहर बनिथ । मगर प्रधानमंत्री नरेंद्र मोदी संजि रहनुमॉयी तहत कौर भारतन अथ खतरनाक बैमारी खलाफ तिथ किन जंग शुरू जि दुनिया गाँव हरान । "जान है तो जहान है" याने "जू छु तु जगत छु" फारमूला पानु नॉविथ कौर प्रधानमंत्री नरेंद्र मोदीयन यकदम भारतस मंज लाकडावुन । मास्क, सेनिटाइज़र, वेंटिलेटर तु खास कस्मुक्य हस्पताल आयि रातस क्योह दौहस कॉम कारथ जगी पयमानस प्यठ कायम करन । यिमव तमाम इकदामव सुत्य आयि भारतक्य लूख अमि बेमारी निश बचावन् । भारतस मज युस मरन वाल्यन हुद शराह छु, सुछु दुनियाक्यन तिमन मुलकन मज शुमार, यति स्वहय कम लूख फोत स्पृद्य ।

दुनियाहक्य मुल्क गयि भारत क्यन कोविड बैमारी खलाफ दरिदस निन् आमुत्यन इकदामन प्यठ हारान। यितुय योत न बल्कि दियुत भारतन हाविथ जि यि छु न मगरिब क्यन तरकीयाफत मुलकन निश कम केह ।

भारतन कुर्य जु कस्म कोविड वैक्सीन ति स्यठा कम वकतस मंज तयार । भारत बनियोव अथ शोबस मज ति आत्मनिर्भर तु भारतन दित्य लछबदी यिम कोविड वैक्सीन पानुनयन हमसाय तु दोस्त मुलकन ति तौफ रंग्य। भारतच शबीह तु रुतबु छु वुनिक्यस स्यठा अलग तु बुलंद ।

काव पुनिम तु हैरचि हुँद छुव हथ हथ मुबारक

एम के भट्ट निर्धन

 

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है। कॉपीराइट अधिनियम 1976 की धारा 107 के तहत कॉपीराइट अस्वीकरण, आलोचना, टिप्पणी, समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।"

साभार:  एम के भट्ट निर्धन   एवं  फरवरी, 2021 कॉशुर समाचार