श्री बिल्वाष्टकम्
त्रिदलं त्रिगुणाकारं त्रिनेत्रं च त्रयायुधम् ।
त्रिजन्मपापसंहारम् - एकबिल्वं शिवार्पणम् ।।
त्रिशाखैर्बिल्वपत्रैश्च ह्यच्छिद्रैः कोमलैः शुभैः ॥
शिवपूजां करिष्यामि ह्येकबिल्वं शिवार्पणम् ||
अखण्डबिल्वपत्रेण पूजिते नन्दिकेश्वरे ||
शुद्ध्यन्ति सर्वपापेभ्यो ह्येकबिल्वं शिवार्पणम् ।।
शालग्रामशिलामेकां विप्राणांजातु अर्पयेत् ।।
सोमयज्ञ महापुण्यम् - एकबिल्वं शिवार्पणम् ।।
दन्तिकोटिसहस्त्राणि वाजपेयशतानि च ।
कोटिकन्या महादानम्- एकबिल्वं शिवार्पणम् ||
लक्ष्म्याः स्तनत उत्पन्नं महादेवस्य च प्रियम् ।।
बिल्ववृक्षं प्रयच्छामि ह्येकबिल्वं शिवार्पणम् ।।
दर्शनं बिल्ववृक्षस्य स्पर्शनंपापनाशनम् ।।
अघोरपापसंहारम् - एकबिल्वं शिवार्पणम् ।।
मूलतो ब्रह्मरूपाय मध्यातो विष्णुरूपिणे ।।
अग्रतः शिवरूपाय ह्येकबिल्वं शिवार्पणम् ।।
बिल्वाष्टकमिदं पुण्यं यः पठेच्छिवसन्निधौ ।।
सर्वपापविनिर्मुक्तः शिवलोकमवाप्नुयात् ।।
इति श्रीबिल्वाष्टकं संपूर्णम् ।।