करीबन  वुह वरियु ब्रोह ऑस्य ब त मान्य भाॅर्या बरॉच सुत्य, रेलि मंज़, दिल्लि प्यठ लखनव गॅछान। असि ओस लक्षिमपर । वातुल  येलि अॅस्य लखनव स्टेशन वॉत्य असि ऑस स्येठाह मोहॅल्लत। तद्पत ओस असि “चार्टड' बसन मंज़ सफर कॅरुन।

सांन्यव ऑशनावव मंज़ ओस अख जवान पंडित त  तँसंज़ आशियॉन्य। यिमव सूच्य जि क्याजि यिमव न लखनव स्टेशन अँध पक्य शहर विछिथ। अॅमिस बट्टनि ऑस्य केंह सोनसंदय जेवर त डेजिहोर ति लॉगिथ।

अॅमि विज़ि ऑस केंछा अन्युगट शुरू गॉमिच । यिमॅव कोर अख आम रिक्श किरायि। तथ प्यठ बीठय त रिक्शवॉलिस दिच हेदायत ज़ि सु हॉविन तिमन, स्टेशनस अंदय अंदय, विछिन्य लायख केंह जायि। कॅरीबन अॅकि दोयि गंटु पतु, आयि यिम बियिस रिक्शस मंज़ वापस। ॲमिस बटन्यि ओस अॅकिस कॅनस रथ-छूल्य वसान।

अॅस्य सॉरी ऑशनाव ऑस्य “चार्टड़” रेलि बस सत्यी, प्लेटफार्मस प्यठ ओर योर करान। युथुय यिम नज़दीक वॉत्य, अॅस्य सॉरी गॅयि रूज़िथ। पृछन तल नॅन्यव कि रिक्शवॉलिस पेयि ॲमिस बन्यि हिंदयन जेवरन कुन नज़र। केंह जायि हावन पत, न्युव अॅम्य पनून रिक्श, अॅकिस सुनसान सड़कि प्यठ। अॅम्य रिक्शवॉल्य द्युत अकिस जिहरिस जबरदस्त द्रस्स, तु न्यून यि कॅन मर्जेय कॅडिथ। तवपत बॉविन दोर त गव  अन्युगॅटि मंज़ गॉब।

अमि वाकुख प्यव म्यान्यि भार्यायि हंदिस न दिमागस प्यट जबरदस्त अॅसर। बाकॅय सारेय बटन्यि ति गयि मुतॉसिर। यिमव सारिवय यव, बाकय वति, पॅनिन्य पॅनिन्य जेवर त डेजिहर लॉगियेंय मगर रछा छुपॉविथ। केंह काल गछन पत आसि यिमन सारिनॅय बटुन्यन यि किस्स मोशमुत।

समय गव पकान ब्रोहकुन। ऑखिर आव 05.06.2006 (अॅयि मॅशि न यि तारीख जांह) । लिखॉर्य त तसिंज़ भार्या द्रायि सुबुहॅय सुली चकर खॉतर गरि। सॉन्यि गरि नॅज़दीकॅय छु अख मेचि हुंद बोड़ बांध बॅन्यिथ। यि बांध छु अख किलोमीटर ज्यूट तु वारियाह थोद। अथ अॅपारि छु अख जील । बांधस छि जि पक्क खसविन्यि सड़क, दोशविन्य अॅन्दय बन्यिथ। अॅस्य ऑस्य अॅकिस सड़कि प्यठ खरामा खरामा पकान। बांदुक अंद ओस वन्य नॅज़दीकॅय।

अॅसि वुछ अख मोटरबाइक संसान बांदस कुन। अॅथ प्यठ ऑस्य त्रे जवान नफर सॅवा