पनुन कश्मीर यि सोन क्याह कोताह नुन्दबोन

तति बोनि त नागराद परबतस लायान येति नाद

बादाम फुलय त जीलि डल नंदकीश्रवर त मान्सबल

क्वंग फुलय त यॅबरज़ल नदर्य पम्पोश सरन हंद्य ख्यल

व्यतस्तायि मंज़ करान श्रान शेहजार अम्युक कोताह जान

व्वलुर बेयि शीश नाग सोंथ हरूद पोंह त माग

शीन तुल कतुर बेयि रब असवुन त फवलवुन प्यठ नब

ख्ववान च़ूठ बेयि त्रेल यि ति आॅस ज़िदगी हुंज़ खेल

क्यन बॅब्य त च्व़क लडर व्यन ग्वलाबक्य मुश्कि अंबर

व्वस्त हाख त सोंत कानुल लूकन ओस पानवॅन्य कोताह म्युल

तुलमुल्युक यि नागराद बॅखत्य करान छि फॅरियाद

हॅरीश्रवर त बेयि जी़ठय यारॅ पहलगामस त गुलमर्गि साॅर

अमर नाथ महा गुनस पंचतरनी अमिच गवाह छि राजतरंगिनी

लल द्यद बडशाह श्री बट त कल्हन रवप बवानी अर्यनिमाल बेयि बिल्हन

शेव दर्शन लौगाक्शी बेयि लल वाख यॅहय छि प्रानि कॅशीरि हुंज साख

दूर लॅगिथ छु बासान स्यठाह क्रूठ माजि, कॅशीरि दिमव पादन म्यूठ

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है। कॉपीराइट अधिनियम 1976 की धारा 107 के तहत कॉपीराइट अस्वीकरण, आलोचना, टिप्पणी, समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" के लिए भत्ता दिया जाता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।" 

साभार: जया सिबू रैना  एवम्  आलव April 2007