पॅद्य समयिक्य - म्वख -- अर्जुन देव मजबूर

हेंच़ पांचा़लव स्वसराय करन्य

कटकाल वतन व्यखचा़रक्य दिह

अख शोर शराह पोज़ द्रींठ न केंह

खॅच़ नील क्वंडस मंज़ व्यथ वापस

बेयि आॅर कॅरिथ सरॅपिन्य हिश बीठ

वॅथ्य सोपनस मंज़ मदमात्य मच़र

च़ॅज बुर्ज़ पशव प्यठ पोशि फुलय

कर तामथ सॅद्रन म्युल ह्यू गव

रेह आतश बालन ब्वन ब्वन वॅछ़

मॅत्य आकाशस कॅर्य दह्य अम्बरव

जुरियाथ बचाॅविख नावि अंदस

कथ गोर अख बाल दॅदिस लाॅरिथ

पाॅचा़ल्य डयकस प्यठ कोंसरनाग

नख फयोक ह्यू शूबान गंग बलस

प्यव लेदरि बॅठिस प्यठ थन आदम

वछ़ नाग अपसरा सती सरस

ख्यल वॅथरस शबनम छॅकरोवुन

अख छ़ाल तुजिन अख डाल दिचन

प्यठ म्वख्त बठिस हरम्वख किस च़ज़

खॅत्य सॅदर्य सरस स्वनहार्य कलश

नटय नार्यव चव अमृत मर्गव

प्रागाशन बाल थंग्यन कोर जू़ल

दरती हुंद्य दिवता आयि च़सिथ

अथ डोलुख लोत लोत गास क्रॅचन

पत शंगरॅफय शीलन मीठय दितिख

स्वंज़लि हेत्य वाहरन्य वीग्य नबस

इनसान्य स्यज़र तोर बाल अपोर

अथवास पिशाचव नागव कोर

पॅक्य व्वत्रस कुन गाशिर्य अमनक्य

यखलास न्यरल शिव शांती गव

दिच़ संतूरन मिलचा़रच़ लय

रेष्य वारि ग्यवुन ह्योत सू हम सू

कथ सास बद्यन वॅरियन हुंज़ प्राॅन्य

कथ ज़न्मन हुंज़ अंद रोस्तुय कथ

वसवास्य चि़ह्यन मंज़ बाविथ गव

यिम याद वॅतर्य केंह साॅबराॅविथ

अॅतलास बॅलिथ स्वनहॅर्य सोचिक्य

अख नोव आलम तखलीक कोरून

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है। कॉपीराइट अधिनियम 1976 की धारा 107 के तहत कॉपीराइट अस्वीकरण, आलोचना, टिप्पणी, समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।"

साभार: अर्जुन देव मजबूर  व आलव  April 2007