पॅतिम्यन द्वहन पेयि मे अख प्रान्य कथ च़्यतस। अख हलवोय ओस क्रायि मंज़ मग सत्य द्वन्द तुलान त पत थदि प्यठ क्रायि मंज़ बेयि वापस फिरान। अमि विज़ि आॅस मग प्यठ क्रायि ताम अख रज़ हिश बनान । ओर आव अख ग्राख त पृछुनस हे बाया ! द्वद गज़ कॅह्य छुख कनान? स्वय बाश करख येलि यि आव वनन ज़ि श्री रामनि आसनुक छुन कांह तारीखी सबूथ। लुकव मशरोव ज़ि प्रथ कुनि चीज़स मेननुक या तोलनुक छु अलग अलग मीजा़न आसान। कपुर छु यिवान गज़ सत्य मेनन पोन्य या द्वद छु गडव या गिलास सत्य यिवान मेनन। ओलव गंड या म्वज़ि हिव्य चीज़ छि यिवान त्रकरि तोलन त तफ छि वुछान थरमामीटर सत्य अगर अस्य बीठय द्वद गज़ सत्य मेननि तेलि छुन असि ह्यू चोरूय कांह।

श्री रामनिस आसनस छा कुनि इतिहासुक सबूथ हाजथ। सोय छु प्रथ अॅक्यसंदिस दिलस त द्यमागस मंज़ बसिथ । कॅशीरि प्यठ कन्या कुमारी ताम त अयोद्यायि प्यठ रामेश्रवरम ताम क्वस जाय छि येति न श्री राम संज़ स्मरन छि? हता कि वारयाहन नेबरिम्यन मल्कन मंज़ ति छि तिहिंद्य यादगार । यि छुना काफी सबूथ ज़ि अस्य छि राम नवम द्वह तसुंद वोहरवोद मनावान दशहारस प्यठ रावुन जालिथ तसुदं मर्यादा पुरूषोतम आसुन छु येमि कथि हुंज़ जमानथ ज़ि प्रथ कांह छु कांछान ज़ि सानिस दीशस मंज़ गोछ़ राम राज आसुन।

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है। कॉपीराइट अधिनियम 1976 की धारा 107 के तहत कॉपीराइट अस्वीकरण, आलोचना, टिप्पणी, समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए"उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।"

साभार: Aalav: November 2007:  त्रिलोकी नाथ धर कुन्दन सम्पादक आलव