सरसोती

श्री प्रेमनाथ शाद

वंदना वॉनी करान छी बॅखत्य चॉनी सरसोती

शारदा पीठस छे चॉनी मेहरबॉनी बगवॅती।।

ज़ान ज़न्मच दान कर असि ग्यानगंजस ठान तुल

सोज़ साज़ सेतार सरगम चॉन्य वॉनी मदमॅती ।।

छख अॅछन हुंद गाश अंदकारन करान छख नाश च़य

द्यान यस दारान छु चोनुय तस दिवान छख सतगॅती ।।

मूख्यदायक पॉपियन छख करत अख करमच नज़र

बस छे चॉनी आश रोज़व वाँसि अॅस्य प्रारान येतो।।

दिल फुटिथ माता छि आमत्य आंगनस चॉनिस अंदर

चोन जय जयकार चॉनी अस्तोती चॉन्य आर्ती ।।

शादन्यन नादन छे आशिरवाद वॅनिच बॅड व्यमेद

छोन त नोन वॉरॉग्य सफरस युस जुवान पॅत्य परबॅतो ।।

अस्वीकरण:

उपरोक्त लेख में व्यक्त विचार अभिजीत चक्रवर्ती के व्यक्तिगत विचार हैं और कश्मीरीभट्टा .इन उपरोक्त लेख में व्यक्तविचारों के लिए जिम्मेदार नहीं है।

साभार:- श्री प्रेमनाथ शाद एंव जनवरी 2009 कौशुर समाचार