श्रीराज़रॉज़ी भॅविनय जय
श्रीराज़रॉज़ी भॅविनय जय ।।
स्व.पं. चून्नीलाल कौल
श्रीराज़रॉज़ी भॅविनय जय
श्रीराज़रॉज़ी भॅविनय जय
शारिका दीवी पर्वत-वासिनी
स्यद पीठस प्यट छख बिहिथ चय
तमि इप आसवुन्य छख स्यदलेखिमी
श्रीराज़रॉज़ी भॅविनय जय ।।
चय छख भगवती चक्रीश्वरी
दीवी तु दिवता अँद्य-अँद्य छीय।
तमि रूप प्रखटान छख पोर स्वन्दरी
श्रीराज़रॉज़ी भॅविनय जय ।।
भक्तजन न्यथ प्रबात प्रदिरव्यन दिवान छिय
पोशि पूजा करिथ छख च शूबान ।
तमि रुप शूबावती प्रजलान छख
श्रीराज़रॉज़ी भॅविनय जय ।।
यस ति भावनायि सानु सुमरन करान चॉन्य,
यी मंगान ती छख तस बखशान ।
तमि रुपु फलदायिनी छख च मॉजी
श्रीराज़रॉज़ी भॅविनय जय ।।
पीर पंडित हिव्य भक्त जन्मस यिथ,
कोट्य ख्वखजि प्रदिख्यव दिवान चे आय
तमि रुप खटेयख दयासागरी-
श्रीराज़रॉज़ी भॅविनय जय ।।
पीर पँडितन्य बावथ छे व्यज़ यस-तस
श्यामु स्वंदर ओस चेय द्वद चवान ।
तमि रुप छख च समुद्रष्टा भगवती
श्रीराज़रॉज़ी भॅविनय जय ।।
अस्त्वती कॅर चॉन्य श्रीकृष्ण कारन
अख दया मंजिनय बस अख दया !!
तमि रुप मॉजी छख दयावंती
श्रीराज़रॉज़ी भॅविनय जय ।।
रहस्य भक्त ओसमुत जयकाक चोनुय
रहस्यपॉठी कॅर तम्य तपस्या ।
तिम रूप रूख गुप्त रहस्यमयी
श्रीराज़रॉज़ी भॅविनय जय ।।
अन्त् समयस सर बगुरद्यदि नाव चोन
'दयि गरस लूट', गयि ल्वदवि किन्य क्रख ।
जीवन सॉबन मॉनिख च विशालिनी
श्रीराज़रॉज़ी भॅविनय जय ।।
लुकबवनुच कॅज चरि रूप वुफि चेंज,
अपरमपार चॉन्य माया किछ ।
लालु लेखिमन दपान सॅ छे मायाविनी,
श्रीराज़रॉज़ी भॅविनय जय ।।
ललद्यदि व्वट लॉय नार तंदूरस,
वॉनिस बाज़ रोव कान्दुर्य प्रोव ।
जालम्वख रूप चोन रुत शाम स्वंदरी
श्रीराज़रॉज़ी भॅविनय जय ।।
अलखीश्वरी उप चुय प्रखटेयख
मॉल्य सुद मागमुत वर कोरुथ पूर।
वरदायिनी उप होवुथ चे दर्शन-'
श्रीराज़रॉज़ी भॅविनय जय ।।
व्वं म्यॉन्य वॉर्य वॉच ही मॉज भवानी
दिल छुम न डजि रोज़ान कष्ट कास ।
जगतस च व्यज छख कष्टुनिवारिणी
श्रीराज़रॉज़ी भॅविनय जय ।।
गुरू क्रपायि रँग्य द्वास कर्म ह्यूनुय
तिम द्रायि, कोर नॉट बु-त्रोवहस पथ ।
व्वन्य छुम चोनुय आसर भवानी-
श्रीराज़रॉज़ी भॅविनय जय ।।
ग्वर दपि मूजूब शशिय छु सोरुय
सत्या योगच कथ बोजान आय ।
तमि रुप मॉनिख युगयुगान्तरी
श्रीराज़रॉज़ी भॅविनय जय ।।
बॉय-बंद तु सन्तान छि न अथुरॆश्य यिवान
हृदयस मंज चोन वास तारेम।
वासायनी रूप बखुशतम शेहजार
श्रीराज़रॉज़ी भॅविनय जय ।।
अन्तु समयिच चॉन्य सुमरन तारेम
शिव शिव शंभू गाम रुत ।
ब्राह्मी विद्यायि सुत्य कँह सारैम,
श्रीराज़रॉज़ी भॅविनय जय ।।
*प्यतुरन तर्पण दिनु त्रप्त गछि मन
अमि भाव वसुनम नख कुल रेन ।
प्यतुरन व्वद्धार करवुन्य चुय छख,
श्रीराज़रॉज़ी भॅविनय जय ।।
सास नाव चान्य छिय भक्तजन जपान
दपान भवानी सहस्रनाम पर।
सहस्रनामिनी नमन छी करान
श्रीराज़रॉज़ी भॅविनय जय ।।
वीपाट जपु यग्य कलिकालस मंज
छोटि आणि वातनम कति सन् अंद।
जपाजपी रुप चय वथ हावख
श्रीराज़रॉज़ी भॅविनय जय ।।
भक्ति हज़ वथ छोटि ख्वत छोट्य
स्वर्ग हेर अंद वॉच न जांह रावनस* ।
भक्त वत्सल रूप छख च स्वर्गदायिनी,
श्रीराज़रॉज़ी भॅविनय जय ।।
पुष्पदंतन कॅर्य त्र, नमस्कार शिवस,
मॉजी म्यॉन्य नमस्कार छी चे ।
मूख्यदायिनी छख ही मॉज भवानी
श्रीराज़रॉज़ी भॅविनय जय ।।
गनपथ तु कुमार मानस पौत्रुवत
यछि सान जन जन अन ख्यावुख
जगत्च छख अन्नपूर्णा भगवती
श्रीराज़रॉज़ी भॅविनय जय ।।
कॉलास पर्बथ मंज़िल छु वातुन
अमर बनावि तति अमरनाथ ।
अमरावती रुप अथ चाव असि,
श्रीराज़रॉज़ी भॅविनय जय ।।
गंगा जमना त्रयिम सरस्वती
क्वम्बु आनु महिमा यिमुनय ताम ।
तवय त्रिवेणी छख पापहरनी
श्रीराज़रॉज़ी भॅविनय जय ।।
सामूवीदन ग्योवत छु नाव चोनुय,
सॅय म्वरली वॉय श्री कृष्णन ।
राधा तु खमनी तथ्य आणि गडनय
श्रीराज़रॉज़ी भॅविनय जय ।।
छनक तु सेतार नारुद छु वायान
लॅखिमी नारायणस बोजुनावान।
नारायणी रूप भक्त छी पूजान,
श्रीराज़रॉज़ी भॅविनय जय ।।
म्वुन तु साज स्रोत मटि गंधर्वव,
सुय सोज़ बोजुनाव मॉज में ति व्वन्य।
वीणावादिनी छख य सरस्वती
श्रीराज़रॉज़ी भॅविनय जय ।।
कॅत्य कॅत्य अकोतुय गोम अजतामत्
संबाल व्वन्य पानय वचिकोन
व्यस्तार दिन्यख व्यस्तारिनी
श्रीराज़रॉज़ी भॅविनय जय ।।
कर्मस ल्यूखमुत घुम गोमुत होखिय
भक्ति रुस छुन में ताम कैन्ह ।
देव' लिखितस छख चय कान डॉलिथ
श्रीराज़रॉज़ी भॅविनय जय ।।
बुजने म्यानि जन रॉस्य गव सोरुय,
त्वं छु वुजुनावुन चोन अनुग्रह ।
वुजिनि हुँद आगुर छख च गंगोतरी
श्रीराज़रॉज़ी भॅविनय जय ।।
चनुलाल कौल छु आवलनिस मंज
तार दिस म्वकुलावुन भवानी।
जगत छुय मानान तरणतारिणी-
श्रीराज़रॉज़ी भॅविनय जय ।।
""तत्वमऽसि श्वेतकेतो छान्दाग्योनिषत् 6.8. 15
2. भवानीसहस्रनामस्तुति मज भगवती शारिकायि
हुन्छ पाछ नाव (858-862)
3. लकायि हुन्द राज रावण ओस बोड बलवान
तु विद्वान मगर भक्तियि हुन्द छरेर ओसुस ।
तवय भर्योन दम जि स्वर्गस खार हेर ।
4. वपुष्यदुर्भावादनुमितमिद जन्मनि पुरा ।।
पुरारे नैवाह क्वचिदपि भवन्तं प्रणतवान ।।
नमन्मुक्ता सम्प्रत्यनुरहमग्रे प्यनतिमान।
महेश धनाव्यं तदिदमपरादद्वयंऽपि ।।
5. पंचस्तवी घटस्तवः श्लोक 17
अस्वीकरण:
उपरोक्त लेख में व्यक्त विचार अभिजीत चक्रवर्ती के व्यक्तिगत विचार हैं और कश्मीरीभट्टा .इन उपरोक्त लेख में व्यक्तविचारों के लिए जिम्मेदार नहीं है।
साभार:- स्व. पं. चन्न्लाल कौल एंव जनवरी 2009 कौशुर समाचार