ग्वड़ कथ

स्व.पं.जानकीनाथ कौल 'कमल'

यथ संसारस मंज छे चोरि प्रकार्य सृष्टि सपदान। अख छे व्याल्यव किन्य बनान। तिम गय कुल्य-कॅट्य, फल-पोश तु फसल बेतरि । अथ सृष्टियि छि वनान उद्भिज, दौयिम सृष्टि छे ठूलव मंज्य पॉद सपदान। तिम गयु पखदार जानवर सरफ तु गाड़ वगरह । अथ छु नाव अण्डज । त्रैयिम छे गुमव किन पानय उपदान मलस। तिम गय केभ्य तु जुजाँच। यिमन छि वनान स्वेदज। चूर्यम सृष्टि छे मातायि हृदिस गर्भस मंज़ डम्ब लगिय जनुम धारण करान। अथ छु नाव जरायुज । यिमन मंज़ छे मनुष्य जात तु पश्य जात शामिल। मनुष्य जन्म छु दौयव कथव किन्य थद माननु आमुत। अख यिजि मनुष्य छु पनुन द्वख तु स्वख वदन तु असन किन्य भविथ ह्यकान। दौयिम छे मनुष्यस्य ऑच भगवानन विचार करन खातर ब्यद दिचमुच युथ जि यि डाक पनुन पान पर्जनावनुच कशिश करिथ तु सु सुखसागर परमेश्वर पर्जनाविथ बाक्य जन्मन मज़ सिरिफ पॅत्यमुय दोवमुत प्रारब्धक फल लोनुन आसान।

मनुष्य जन्म प्राविथ ति छु जीवस मोह-अन्धकार तु अज्ञान नाल वलान। तमि किन्य छु न यि पनि बोज कान ठीक समयस प्यठ कॉम ह्यथ, खासकरिथ जवॉनियि हृदिस जनूनस मज़। वकृचार ति घुस न ह्यस्य रोज़ान । वोनमुत छुना-

ल्वकचार रावान असनय तु गिन्दनय

यावनस मंज कति रिन्दनुय छु होश

बुजरस वन्तु क्यथ तीर खसि कमानस

जानस जुव क्यथ हवालु गव (कमल)

व्वन्य छु मनुष्य जन्मस मंज़ व्वदार करनुक अकोय वपाय । सु छु सत्संग तु ब्ययि रत्य संस्कार यलि भगवान सुन्द अनुग्रह अमि रुप बनि त्यति छु कुनि न तु कुनि सातु जीवस पनुनिस परमेश्वरस शरण गछुनुक अवसर मेलान। श्री चन्नलाल कौल छि अमि अनुग्रहक्य पात्र बनेमुत्य अमिय किन्य यथ विमर्शस यिम लॅग्यमुत्य छि सुछु थ्यकवुन । यिम वाक् छि यिमव अमि विमर्शचि युक्तियि किन्य पनि हृदयिचि पोथि मंज़ मनचि मीलि सुत्य लीखित थव्यमुत्य । प्रेमीजनन हंदि खाँतर छि यिमय वाक् तिमव निश बूजिथ लीख्यमुत्य युथज़ि कॉन्सि ब्ययिस ति अमि मननुक लाभ मेलि तु यथ संसार समन्दरस तरनुक व्वपाय ईश्वर कृपायि किन्य सुलब बनि

स्यॊद बोज़ सौदरय यि मान्य छै

तार दिनवोल ईश्वर छु कृपाल ।

करुणाकर यव किन्य छु तस नाव

द्वैत उपशम गव शान्त शिवभाव ||

(माण्डूक्योपनिषद् - कॉशुर तर्जमः स्व. पं. शिवजी कौल)

पिता समान यिमन ज़िठ्यन पोरषन हुन्द आशीर्वाद ऑसिन यथ कौल कुटम्बस तु असि रूज़िन हुन्द सायु शतादिक वॅरियन ।

अस्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है।कॉपीराइट अधिनियम 1976 की धारा 107 के तहत कॉपीराइट अस्वीकरणए आलोचनाए टिप्पणीए समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।

साभार:- स्व. पं. जानकीनाथ कौल 'कमल' एंव जनवरी 2009 कौशुर समाचार