पेन्सुॅल्य अबारत

अर्जुननाथ भट्ट 'मजरूह' 

समयिक्यन सफेद कोरु कागज़ वर्कन प्यठ

दयन पानु लीछमुॅच, पनॅन्यव अथव,

शूबिदार, खश यिāन्य, पेन्सुॅल्य अॅबारत!

गॅरिथ तु चॅरिथ, जान तु ज़बर।

थनु पेमुँत्य माजि विज़ि विज़ि,

राजि-र्यनि जन सादुं गबर।

जितनि जोतान हरकुँ तन्दलुॅ

रूपय कॅरान, स्वनु-सॉव्य गछान,

विजि विजि यिमय तन्दलुॅ प्रथान,

व्वथान, प्रजॅलान, प्रवु छटान,

लीख्य लीख्य नहॅनावनॅ यिवान,

नहॅनावनु जन लिथुनावनु यिवान;

रबहुॅ सूँत्य, रगडायि सूँत्य,

बुथ्य फिर्य वखतुंचि ग्रायि सूँत्य

छायि सूत्य, गगुरायि सूँत्य!

तोति बासान ओस लीखित

कॉल्य क्याहतान्य सार्दु वर्कन।

लफज़ू पॅथुर्य यसले छेकरिथ

छठ लॅगिथ बादाम फुलय,

रेष तु रेष पुय जन तु सालस,

तिरधुँ धामन जन दिवय

समयि गॅचिरस कॅज़ुल्य गछान, मगर मिटान नुॅ

वायुँ हालि मंज़ चॉन्ग्य नॅटान, मगर छेवान नुॅ

सफर कडान, पान चुटान, मगर मिटान नुॅ

सॅदियन सफर तोति पॅकान, मगर थकान नुॅ

जहर चापान, बाकेँ छँटान, मगर मिटान नुॅ

अमुन काञ्छान, लोल बॅरान, कतल जॅरान

असान असान लसान बसान, अन्दुर्य तछान नुॅ

गजब, गदर, जुलम जैरान, मगर मिटान नुॅ

ओबरें पुत्पकिन्य सिर्यि खटान, मगर मिटान नुॅ

अँट् कॅरान नारें-त्रटन, वुछ तु कॉशिर्य बॅट्

ग्रटॅ नीरिथ, परिनि छॉनिथ, वुछ तु कॉशिर्य बॅट्

'मजरूह' ! समयिक्यन सादुं कागज़ वर्कन प्यठ,

दयन पानॅ लीछमुँच पनॅन्यव अथव,

शूबिदार, खोश यिवॅन्य, पेन्सुल्य

अॅबारत जन तु कॉशिर्य बॅट्

अस्वीकरण:

उपरोक्त लेख में व्यक्त किए गए विचार लेखक के निजी विचार हैं और kashmiribhatta.in किसी भी तरह से उपरोक्त लेख में व्यक्त की गई राय के लिए जिम्मेदार नहीं है।                                                                                   

साभार:- अर्जुननाथ भट्ट 'मजरूह' एवं दिसम्बर 1994 कोशुर समाचार