कॅशीरि मंज़ शक्तिवाद  (8 कॅस्त)

डा चमनलाल रैणा

साधना

साधना गयि कल करिथ काह चीज, कांह कथ कोह यंत्र या कांह मंत्र साधुन-साधना छि जेहन तु जिस्म कुनुय करिथ अमल तु तरबियत। वेदान्तस मंज छुनु अथ साधना बननु आमुत बल्कि निर्गुण ब्रह्म जानुन तति छु नु यंत्र या तंत्र येलि जन मंत्र जरूर छु। ओं छु बजाति खोद अख मंत्र । वेदान्ती छि अब साधान। केन्ह छि गायत्री मंत्र स्यद करान नगर कॅशीरि मंज छु वेदान्तुक स्यठाह कम असर रुदमुत। अति रुद ज्यादें शाक्त, मंत्र यंत्र तु तंत्र चलान साधना मंत्र छु पूजा-ध्यान पूजायि अन्दर छि अधुँ-खोर यानी कर्म इन्द्रीय इस्तेमाल सपदान। ध्यानु वक्तुं छु जेहन इस्तेमाल संपदान। शाक्त साधनायि मंज छु जफ तु तफ जफ गव मंत्र बार-बार परुन वुठन गच्छि हरकत गच्छ॒न्य् जफुं वक्तु इस्तेमाल सपदन वाजिनि मालि होन्द पन छु वोजलि पाट्युक आसान। वोजुँजार छु शक्ति हंज अलामत जफ करनें खातरुँ छु गुरु-शब्द जरूरी महाकाल तु महाकाली होन्द मिलिमिश सतगुरु छु इन्सान रुपस मंज शक्तिपात करिथ हे 'कान। यामिनी तंत्र छु वनान जि गुरु छु सु युस कैलाश पर्वतस प्यठ रोजान छु। शाक्त छुनु दीवताहस मंत्रस तुं गुरुहस काह ति फर्क मानान। मगर दीक्षा दिनु ब्रोह गच्छि चाठ अजमावुन चाठ गच्छि' जितेन्द्र' आसुन तमिस गच्छि पननिस नफसस प्येठ कन्ट्रोल आसुन वासना गच्छेस शुद्ध आसुँन्य्। यि छि बुनियाऽदी जरूरत।

ललिता सहस्रनामस मंज़ छु बननुं आमुत ति शक्ति साधनायि सूत्यू छि इंसानस मंज हैवानियत दूर गच्छान सु छु इंसान बनिथ ललितायि हुन्जि दयायि होन्द पात्र बनान शक्ति हन्ज साधना करन वाऽलि छि वारयाह। साहिब कौल सुँन् यिमुँ लंग लंजि छि तिम छि साधनायि वक्तु लव्य चाक्येव रोसतुय ज्यूठ फेरन लागान तहन्दिस फेरनस हुनु दोव आसान तिक्याजि जनानुं फेरनस ति हुनु दोव आसान। यि कथ वॅन्य् मे साहिब कौलनि दहमि पीरि हुंद्य अॅक्य शख़सन यिम श्रीनगर इंजीनियरिंग कॉलजि परनावान ऑस्य्। म्ये ह्योत तिमन इजाज़त तु चास तहन्दिस ठोकुर कुठिस ति।

तति वुछ म्ये साहिब कौलनि वक्त प्येठें धावन आमुच शक्ति हंज अख सरतलिव मूर्ति तिच्छ मूर्ति छे न म्ये बेयि कुनि घरस मन्ज़ वुछिमुँच। अति ऑस जूनॅपछि अॅठम दोह ति माज़ नॅनुच परम्परा येलि जन राज्ञिन्यायि हेन्दि उपासक अमि दोहें खिर छि बनावान।

प्रतिमा, आसन, संध्या, हवन, फार्के, तप, मंडुल, यंत्र, तंत्र, जप, पुरुष- चरण, न्यास, भूत शुद्धि, मुद्रा, ध्यान तु बाकुँय संसकार छि शाक्त साधनायि मंज जरूरी पुनिम, ऑठम, च्वदाह तुं नवम छि यिवान जान दोह मानुनें। अज कल छु वक्त कम तु यिम दोह ति होतिन कम गच्छ॒न्य् । वोन्य् छि नुं हवन ति ज्यादुं सपदान तुलमुलि हुँन्दिस अस्थापनस प्येठ ऑस्यू स्यठाह हवन सपदान। यिम ने हवन आऽस्य होकान करिथ, तिम ऑस्य या तु खिर करान नतु हऽलवु बनावान। मगर हऽलवु बनावुन छु नु सोन कॉशुर कल्चर यति ऑस्य् लँड्यू ति पूरय् बनावान। चोट गॉन्टन त्रावुन छु शाक्त साधनायि होन्दुय अख अंग.

शक्ति छि भैरवी। तमिस खोश करने बापथ ऑस राजॅकठ करनॅच परम्परा यक्षनी शक्ति हॅन्ज साधना छि वुनि ति पोहकिस रेलॅस मंज केन्ह कॉशुर्यू 'यच्छनि चोदाह' दोह करान। ख्येचि मावस छि आम तौर सॉरी मनावान। अमि दोह ति छि ख्यचरि मंज माज त्रावनुंच परम्परा। रेवायथ छि डॅन गासु आर्येन मन्जबाग ख्यचरि दोंगुल थावनॅच। वनुनें छु यिवान, यि गव शिव-शक्ति होन्द म्युँल। केन्ह काऽशिर्यू छि शिवरात्रि दोह शक्ति हुन्ज पूजा करान। मर्द छु न कांह फ़ार्के थवान बल्कि घरुँच जिठ मॉज उपवास थवान तु शक्ति हन्ज उपासना करान। यिथें पाठ्य छि कॉशिर्यन रीचन तुं रेवायतन मंज शक्ति साधना वारियाहव तरीकव मूजूद।

शक्ति साधनायि मंज छि गायत्री जरुरी, मगर सो छि न वैदिक बल्कि तांत्रिक अथ साधनायि मंज छु साधक गोडन्येथ दीवी होन्द आकार ज़ेहनस मंज़ अनान। पतुं छुस मंत्रव किञ् प्राण प्रतिष्ठा करान। चाहे मूर्ति आसि या यंत्र, अथ छि प्रतिष्ठा कॅरुँन्य् । प्रतिष्ठा मंत्रव सूँत्य् छि मूर्तियि, शिलायि या यंत्रस शक्ति यिवान। इंसान छु अॅथि शक्ति नमान तु अमी सूल्य् शक्ति हॉसिल करान। कायनातुक अख अख जरुँ छु शक्ति सू॒त्य् बॅरिथ। आम इंसान छु व्येठ-पूठ्य पाँठ्य वुछान मगर साधना करन वोल छु शक्ति होन्द जलव पनुनिस रुमस-रुमस मंज लबान शिला या मूर्ति हेक्यि कुनि ति जायि ऑसिथ तु कांह ति बनाविध मगर यिमन मंज चेतना शक्ति आसॅन्य् छु अख पजर तुलमुलि छि माजि भवानी हेन्दस नागस बेशुमार इनसानव पूजा कॅरमुँच। सतन कूनन हेन्दिस अथ नागस छि चेतना शक्ति तुं अथ छु विज़ि विति रंग बदलान।

रंग बदलनुक मुशाहदुं छु बजाति खोद म्येति को 'रमुत। लुक ऑस्य् तु केन्ह छि वुनिकेनक्यन हालातन मंज ति ओर गच्छान। शब-बेदारी करान तु साधना करनुक छु अति अलग तरीकुँ। स्वामी विवेकानंदन ति छि अति साधना करमुँच। शिव फलसफक्येव तफसीरनिगारव, स्वामी विद्याधर तु भगवान गोपीनाथन ति छि अति साधना कॅरमुँच वननु छु यिवान जि साहिब कौल जियन छु अति साधना करने पतय 'देवीनाम विलास' ल्यूखमुत

यिथय पाँठ छि हॉरी पर्वतस मन्ज शिलायि स्येन्दुर मथित प्राण-प्रतिष्ठा करुँजुँच परम्परा रुजमुॅच हेरेंच ब्रोह चोर दोह यानी हुर्रिऑठम दोह ओस दीवी आंगनस मंज श्रीचक्रस नमिथ प्राण-प्रतिष्ठा करुनुक अख सिलसिलूँ, तिक्याजि यि छु स्यदुंपीठ। हालांकि स्यदपीठस प्यठ प्राण-प्रतिष्ठायि हंज छेनँ कांह ति जरुरथ, मगर केन्ह शख्स यिम कुनि खास मकसदुं बापथ साधना छि करान तिहन्दि खाँतरै छु यि लॉजमी सपदान। विधाय पाँठ छि ख्रिवि जाला, शारदा (पाकिस्तान्य मकबूज कश्मीरस मंज) भद्रकाली ( हदवारि)। यिमन सारिनय जायन ओस साधना तु प्राण प्रतिष्ठायि होन्द अख मखसूस तरीकुँ। कॅशीर्य हन्जि साधनायि मंज छि 'षोड़श उपचारुँच' प्रथा रुजमुँच यानी- आसन, स्वागत, पाद्य, अर्ध्य, आचमन, मधुपरक, स्रान, वसन, आवरण, गंध, पुष्प, धूप, दीप, नैवेद्य, वन्दना'। काह त्युध पोष यथ म्यवॅ नेरान आसि सु छु ममनू। मसलन बादाम फुलय, चून्ट्य फुलय या गिलास फुलय वगरुँ ।

कॉशिर्यन मन्त छि मंडुल त्रावनॅच ति प्रथा हारें गर्टपछि सतॅम दोह छु घरन मंज मंडुल यिवान त्रावनु तिक्याजि यि छु शारिकायि होन्द दोह। यि मंडुल छु ब्योन ब्योन रंगव सॅत्य चोकन मंज, वुजन मंज त्रावनु यिवान बुनियादी तौर छु यि शक्ति चक्र। बंगालस मंज छु सुहँ मुसलस प्येठ दजुमुचन अडिजन होन्द चक्र यिवान बनावनें। ॲस्य् छि नँ यिच्छ काह हरकत करान अमापोज लुक छि नुं श्रीचक्र बनविथ ह्यकान युस विथपठ्य आसान छु:

हालांकि यिम यंत्र छि ब्योन-ब्योन मगर विहन्ज छि पनित्र खसूसियत। यिम छि अकि Ascendancy हुज Representation तुं यिमन नेत्रयुम मुरब्बे दायरें धावुन छु जरुरी। लुक छिन श्रीचक्र बनाविध होकान मगर येलि कांह खास साधना असि करुँन्य छे तेलि छु यि ज़रूरी साधनायि मंज गच्छि वासना शुद्ध आसुँन्य्। साधनायि हुँन्जन शुराहन कलायन यानी सोऽशी उपासनायि तु उपचारु वक्तुं गच्छन पनुजि अंग, पान तु होस जबतस मंज आसुजि आध्या शक्ति 'काम कला' योसुँ विमर्ष छि तु यसुन्ध नव रुप नवन अंगन मंज छि तिम गच्छन Strict Discipline स मंज आसुँञ्।

दरअसल छि वासनायि सूँत्यी परम गति हाँसिल सपदान, बशर्ते यि खूच आसि। मकसद छु त्युथ इरफान प्रावुन युथ दो गन्यार खत्म गच्छि। युथ सारेय जीव-जाँच तमिस महाशक्ति होन्द आकार वासन। यिच्छि साधनायि वापथ छि शाक्त शास्त्रन मंज बीज अक्षरण प्येठ अमल करनुक मशवरुँ दिनु आमुत। यिम बीज अक्षर छि त्रेयि कुँस्युँ वनुर्ने आमुँत्य्। क्रूर, शांत तुं त्यिथ यिम न क्रूर छि न शांत, बल्कि मध्या यिमन मंत्रन मंज नब, नार तु हवा छु यिवान तिम छि क्रूर माननु यिवान। तिमन मंत्रन मंज यिमन मंज बुतराध तु पोज्य् छु, तिम छि स्यठाह शांत। उपासक ति छि त्रेयि कुस्मुँ आसान। अऽडय क्रूर, केन्ह शांत तु केन्ह स्यदें-हऽल्यू । काम कला विलासस मंज छु वनुन आमुत जि मंत्रुय छु परमार्थ सुन्द रुप तु यिधुँपॉठ्य छु साधक मंत्रुचि हेरि किनी साधनायि हेन्जि हेरि खसान तु परमार्थ प्रावान।

1 देवो रहस्य तु देवी भागवत

स्वीकरण :

उपरोक्त लेख में व्यक्त विचार लेखक के व्यक्तिगत विचार हैं और kashmiribhatta.in उपरोक्त लेख में व्यक्त विचारों के लिए किसी भी तरह से जिम्मेदार नहीं है। लेख इसके संबंधित स्वामी या स्वामियों का है और यह साइट इस पर किसी अधिकार का दावा नहीं करती है। कॉपीराइट अधिनियम 1976 की धारा 107 के तहत कॉपीराइट अस्वीकरण, आलोचना, टिप्पणी, समाचार रिपोर्टिंग, शिक्षण, छात्रवृत्ति, शिक्षा और अनुसंधान जैसे उद्देश्यों के लिए "उचित उपयोग" किया जा सकता है। उचित उपयोग कॉपीराइट क़ानून द्वारा अनुमत उपयोग है जो अन्यथा उल्लंघनकारी हो सकता है।"

साभार:     डा. चमनलाल रैणा एवं  फरवरी 1996 कोशुर समाचार